Shkencëtarët: Mitet për gjumin dëmtojnë shëndetin

16/04/2019 - 20:59

Mitet që përfliten ngado për gjumin dëmtojnë shëndetin dhe humorin, si dhe shkurtojnë jetët tona.

Këtë e thotë një ekip studiuesish të Universitetit të Nju Jorkut, që kanë rrëmuar në internet për të gjetur pretendimet më të përhapura për një gjumë nate të mirë. Më pas, ata i kanë krahasuar pretendimet me provat shkencore.

Tani, ata shpresojnë që rrëzimi i miteve të gjumit të përmirësojë shëndetin fizik dhe mendor të njerëzve.

“Mund t’ia dalësh mbanë edhe me më pak se 5 orë gjumë në natë”, është një nga mitet. Për këtë, si shembuj merren ish-kryeministrja britanike, Margaret Thatcher, apo Kancelarja gjermane, Angela Merkel.

Por, për kërkuesit ky është një nga mitet më të dëmshme. Pesë orë gjumë apo më pak, në mënyrë të vazhduar, dëmton shëndetin me rrezikun e sëmundjeve kardiovaskulare dhe jetëgjatësi më të shkurtër.

Sipas kërkuesve, duhen 7 deri në 8 orë gjumë çdo natë. Pak alkool para gjumit e përmirëson atë. Ky është një tjetër mit që rrëzohet, pasi për kërkuesit, një gotë verë apo një shishe birrë mund të të bëjë të flesh, por redukton cilësinë e gjumit dhe dëmton kujtesën dhe aftësinë e nxënies.

Po ashtu, kërkuesit rrëzojnë mitin se “të shohësh televizor në krevat të ndihmon të pushosh”. Sipas tyre, televizori, tabletët apo “smartphone”-t emetojnë dritë blu që mund të ngadalësojë prodhimin e hormonit të gjumit, melatoninës.

Nëse do të flesh, qëndro në krevat. Ke kaluar shumë kohë duke numëruar delet, por gjumi nuk vjen? Atëherë duhet të ndalosh dhe të ngrihesh! Kush nuk e ka bërë një herë këtë?

Ke vënë alarmin në telefon për t’u ngritur herët dhe e ke shtyrë atë me 5 minuta? Kërkuesit thonë se kur alarmi bie, thjesht duhet të ngrihesh. Ato minuta më shumë nuk të japin një gjumë të mirë.

/portali DurresLajm/

Na bëni like në facebook!: 

Lajme nga e njëjta kategori

Një nga masat parandaluese që ISHP ka sugjeruar është konsumimi i sa më shumë lëngjeve, për të ndihmuar sistemin imunitar.

Bashkimi bën fuqinë! Kjo është një shprehje që gjen vend edhe në kuzhinë, sidomos në rastin e hudhrës me limonin.

Ende nuk dihet shumë për koronavirusin, por dihet mirë se sa shkatërruese mund të jetë për trupin e njeriut.

Njerëzit që janë të dobët dhe elegantë janë gjithnjë në qendër të vëmendjes.

Një filxhan çaji përveç se kënaq shqisat dhe shijen është i pasur plot e përplot me shëndet të mirë.

Bananet janë një nga frutat më të shëndetshëm që mund të hani, e mbushur me proteina, fibra, vitamina A, B6 dhe C, kalium, mangan, magnez

Fytyra dhe paraqitja e lëkurës janë pasqyra e shëndetit por shpesh edhe e sëmundjeve, sidomos atyre të fshehura.

Djathi është i pasur me yndyrna dhe kjo mund ta bëjë atë të duket një ushqim të pashëndetshëm.

Meqë po flasim për ushqimet, ka shumë prej tyre që luftojnë dëmtimin e qelizave, mund të ulin inflamacionin dhe lehtësojnë përdorimin e i

Ndotja, ndryshimet klimatike, obeziteti dhe marketingu i tepruar kërcënojnë seriozisht shëndetin dhe të ardhmen e fëmijëve.