Si trajtohen venat varikoze të këmbëve

Postuar: 15/06/2017 - 12:50

Elida Mici, kirurge flebologe

Venat varikoze janë zgjerime të qëndrueshme të venave sipërfaqësore të gjymtyrëve të poshtme, të shoqëruara nga dëmtimi i valvulave dhe rikthimi i gjakut venoz.

Shkaku i vërtetë i kësaj patologjie nuk është identifikuar ende, por publikime të shumta tregojnë që radikalet e lira ose të paktën prania e tepërt e tyre luan një rol të rëndësishëm në shfaqjen e sëmundjes së venave, duke dëmtuar strukturën e paretit venoz.

Kjo shpjegon rolin e substancave antioksiduese, si flavonoidet dhe vitaminat E dhe  C në përmirësimin e klinikës së kësaj sëmundje.

Faktorët favorizues

Trashëgimia është një ndër faktorët kryesor në shfaqen e kësaj sëmundjeje. Nëse të dy prindërit vuajnë nga varikoza, mundësia për të pasur varikozë edhe fëmija është 95%.

Faktorë të tjerë janë: barrat, profesioni (i lidhur me pozicionin e punës, ngritjen e peshave të rënda) mbipesha ose rëniet e menjëhershme nga pesha, duhani etj.

Përsa i përket moshës së shfaqjes së kësaj sëmundjeje tek fëmijët ose adoleshentët, ende sot është një realitet i neglizhuar.

Autorë të shumtë këmbëngulin në aspektin heriditar, trashëgiminë, në transmetimin e sëmundjes së varikozës, duke bërë që ajo të shfaqet sa më herët.

Mjekimi i venave të varikozuara

Metodat e trajtimit të insufiçencës së venave të varikozuar janë: kirurgjia, skleroterapia, lazeri, radiofrekuenca etj.

Sot në botë ka gjetur përhapje të gjerë skleroterapia me shkumë skerozante, duke mjekuar të gjitha format e venave varikoze dhe cilësuar si standard i lartë ku në 10 të sëmurë 8 trajtohen me skleroterapi.

Kjo për disa arsye:

– e lehtë në aplikim, kryhet në kushte ambulatore,  pa anestezi lokale

– pasi kryhet,  pacienti vazhdon aktivitetin normal

– ka kosto të ulët

– aplikohet sa herë lind nevoja, nuk ka kufi, duke qenë sëmundje evolutive me origjinë të panjohur.

Çfarë është skleroterapia?

Është një teknikë e trajtimit të sëmundjes së varikozës dhe realizohet nëpërmjet injektimit të një produkti sklerozant në formën e shkumës në brendësi të venës së dëmtuar. Realizohet me disa seanca, në bazë të segmenteve të dëmtuara të venave të varikozuara. /shendeti.com.al/ 
 

/portali DurresLajm/

Na bëni like në facebook!: 

Lajme nga e njëjta kategori

"Cuticles" janë rritje të vogla të lëkurës, por ato mund të shkaktojnë dhimbje të madhe dhe veçanërisht bezdisje.

Shumë njerëz në mënyrë të vetëdijshme ose jo, gjatë ditës konsumojnë sasi të mëdha kafeje, pa menduar se mund t’u sjellë probleme me shën

Sipas një studimi të ri alkooli dëmton trurin më shumë se Cannabis.

Veprimet e para të ditës janë vendimtare për të arritur një nivel energjie dhe një ritëm të mirë metabolizmi.

Nëse po i përjetoni disa apo të gjitha këto simptoma, bëni një vizitë tek mjeku dhe kryeni teste për gjëndrat e tiroides dhe ato dhjamore

Si një formë e fermentuar e lakrës, lakra turshi i siguron trupit disa përfitime të mrekullueshme për shkak të vlerave ushqyese.

Trajtimi i bronkitit dhe kollës kronike ka qenë gjithmonë një sfidë edhe për mjekësinë konvencionale.

Një banane përditë mund të ndihmojë në parandalimin e atakëve në zemër dhe goditjeve në tru, sipas studimeve të reja. 

Lodhja e përgjithshme, ndjesia e fryrjes dhe rëndesës, lëkura e thatë, janë shenjat që dimri lë në trupin tonë.

Nuk mund të merrni frymë lirisht, ju janë bllokuar hundët dhe ndiheni shumë keq. Duket sikur jeni ftohur, apo jo?