Studim, gjumi i tepërt është i dëmshëm

25/03/2015 - 10:57

25 mars 2015 - Të gjithë e dimë se gjumi i pakët është i dëmshëm. Sipas doktorëve, kur fle pak ndihesh i lodhur, nervoz dhe mund të shkaktojë obezitet, presion të lartë të gjakut, diabet dhe sëmundje të zemrës.

Por, edhe gjumi i tepërt ka problemet e tij. Kërkimet e 10 viteve të fundit tregojnë se të rriturit që zakonisht flenë më pak se gjashtë orë ose më shumë se tetë orë, janë më të rrezikuar nga vdekja e parakohshme se sa ata që flenë gjashtë deri në tetë orë.

Profesor, Franco Cappuccio nga Universiteti Warwick në Angli, ka analizuar 16 studime, në të cilët kanë marrë pjesë mbi 1 milion njerëz. Ai i ka ndarë ato në tre grupe:

1. ata që thonë se flenë më pak se gjashtë orë

2. ata që thonë se flenë gjashtë deri në tetë orë dhe

3. ata që thonë se flenë më shumë se tetë orë.

Analiza e Cappuccio-s tregon se tek ata që flenë më pak se gjashtë orë vdekja është 12% më e lartë krahasuar me atë që flenë nga gjashtë deri në tetë orë. Ndërsa, për ata që flenë më shumë se tetë orë vdekja është 30% më e lartë në të njëjtin krahasim.
Cappuccio thekson se njerëzit që flenë shumë mund të jenë në depresion ose përdorin pilula për gjumë.

Por, numri i duhur i orëve të gjumit, sipas Universitetit të Masashutes, është shtatë. Megjithatë, nëse flini më shumë dhe ndiheni mirë, atëherë nuk ka asnjë problem pasi nuk ka asnjë të dhënë se pushimi apo disa orë më tepër gjumë të vrasin.

/S.L. agjencia e lajmeve “Dyrrah”/

/portali DurresLajm/

Na bëni like në facebook!: 

Lajme nga e njëjta kategori

Shurupi i xhenxhefilit mund të përgatitet mjaft lehtë dhe të befason me shijen e mirë.

Çdo njeri ka mesatarisht 80,000 deri në 120,000 fije floku.

Kolla është një instrument i dobishëm për pastrimin e mushkërive nga substancat irrituese dhe sekrecionet e tepërta.

Nëse trupi juaj është larg të qenit perfekt, me siguri që presionin e ardhjes së verës po e ndjeni edhe më shumë.

Dimri ka mbërritur plotësisht, ditët janë bërë më të shkurtra dhe më të zymta.

Pastrimi i organizmit nga toksinat që akumulohen rregullisht, është jo vetëm i rëndësishëm por edhe i domosdoshëm.

Qeskat e syve dhe rrudhat perceptohen gjithmonë si probleme që kanë të bëjnë me moshën.

Lavanda ofron një sërë vlerash të rëndësishme mjekësore falë 150 përbërësve aktivë që luftojnë mikrobet, bakteret dhe radikalet e lira.

Frutat dhe perimet kombinohen rëndom në pjata nga më të ndryshmet me pretendimin se i bëjnë mirë shëndetit.

Tkurrjet muskulare në pulpën e këmbës shkaktojnë shumë dhimbje të forta, veçanërisht kur ato shfaqen gjatë natës.