Zhytje pas ushqimit, çfarë këshillojnë ekspertët

14/07/2019 - 10:51

Është makthi i shumë prindërve, megjithatë ky fenomen nuk prek vetëm fëmijët. Është folur shumë për faktin që pas ngrënies, nuk duhet hyrë menjëherë në ujë.

Por sa duhet pritur saktësisht?

Kjo është një prej dilemave të mëdha të verës. Ndonëse problemet nuk janë dhe aq të shpeshta, çdo vit, thonë autoritetet italiane, raportohen incidente vdekjeprurëse, të cilat janë pasojë e një bllokimi të aparatit tretës që ka bërë viktima edhe mes notarëve ekspertë.

Bllokimi dixhestiv ndodh në rastin e një uljeje të befasishme të temperaturës së trupit, (siç është rasti i hedhjes në pishinë apo det), e cila bën që të spostohet një sasi e madhe gjaku nga qendra e organizmit drejt periferisë për të riekuilibruar temperaturën e brendshme.

Gjatë tretjes ndërkohë, pjesa dërrmuese e volumit të gjakut rrjedh drejt organeve të brendshme për të lehtësuar këtë proces dhe oksigjenimin e tyre dhe spostimi i menjëhershëm i gjakut mund të bllokojë tretjen. Kur kjo është intensive, mund të shkaktojë gjendje të fikti e më tej, në raste ekstreme dhe mbytjen.

Po atëherë, kur është koha më e mirë për tu hedhur në ujë pas ushqimit pa u rrezikuar?

Përgjigja varet nga personi, por mbi të gjitha nga vakti i konsumuar. Në rastet kur ai është i bollshëm dhe me ushqime që treten me vështirësi, këshillohet të kalojnë dy apo tri orë përpara zhytjes. Ndërsa nëse konsumohet ndonjë frut, mund të pritet fare pak përpara hedhjes në ujë. (Atsh)

/portali DurresLajm/

Na bëni like në facebook!: 

Lajme nga e njëjta kategori

Astma e fëmijërisë është sëmundja kronike më serioze mes fëmijëve sipas Organizatës Botërore të Shëndetit.

Vlerat dhe përfitimet që marrim nga rozmarina janë të shumta duke filluar që nga pamja e jashtme deri në organizëm.

Që në lashtësi, njerëzit kanë trajtuar reumatizmën duke u zhytur e mbuluar gjithë trupin me rërë të nxehtë.

Bëni një muaj plazh dhe në tetor dhe nuk keni më ngjyrën e çokollatës në lëkurë?

Quhet ndryshe sëmundja e harresës dhe mund të shfaqet papritur tek kushdo.

Moda, gjithnjë e më e përhapur në dieta, për të zëvendësuar një vakt me akullore fsheh diçka të jashtëzakonshme ...

Obeziteti është shpallur nga Organizata Botërore e Shëndetit(OBSH) si sëmundja e shekullit dhe Shqipëria nuk përjashtohet nga rreziku.

Në stinën e verës akulloret janë përveçse shumë të shijshme  por edhe freskuese.

Në muajt e verës kur edhe shkollat janë mbyllur, fëmijët qëndrojnë me orë të zgjatura para ekranit të televizorit, i-pad apo edhe celular