Moderatori i njohur Blendi Fevziu ka rrëfyer marrëdhënien e tij me fëmijët, po veçanërisht me vajzën e vogël. Ai ka zbuluar edhe “sherret” e herëpashershme me të voglën për përdorimin e telefonit.
Fevziu u shpreh se vajza e tij i thotë se do t’ia hedhë telefonin në kosh.
Në një intervistë për “News 24”, moderatori thotë se vajza e vogël nuk e kupton që ai nuk e shmang dot përdorimin e telefonit, madje ai thotë se njëherë ia ka marrë për t’ia hedhur në kosh.
“Merrem me gocën, mundohem ta shëtis sidomos të premten ose të shtunën, ose të shtunë e të dielën që janë ditë pushimi merrem më shumë me të. Kurse gjatë ditës më pak, ka momente kur ajo më thotë do ta marr telefonin do ta hedh te koshi i plerave dhe ndonjëherë ma merr për të ma hedhur se i duket se e ndërpres dhe nuk ka vëmendjen e caktuar dhe unë e kuptoj këtë, por është e pamundur, është e pashmangshme. Mundohem t’ia shpjegoj, por ajo prapë s’e kupton, madje po e lashë telefonin e mori e hodhi e sigurt dhe unë e gjej me anë të orës me zilen që ajo s’di si ta caktivizoj për momentin. Kjo është jeta e sotme dhe unë e di që ajo kur të rritet do më justifikoj mua se me siguri jeta e saj do të jetë më e komplikuar se sa e imja”,- u shpreh moderatori.
