Prej disa kohësh është zbuluar se moderatorja e njohur, Fatma Methasani së bashku me partnerin e saj Alfio Rrotani janë në pritje të fëmijës së tyre të parë.
Çifti e ka mbajur të fshehtë gjininë e fëmijës për disa kohë por mesa duket kjo gjë ka ndryshuar mëngjesin e sotëm.
Në ditën e lindjes së saj, Fatma ka zbuluar me anë të një postimi në “Instagram”, se do të bëhet nënë e një djali. “25-vjetori im i lumtur. Me dy çunat e mi të preferuar, njëri në krahë dhe tjetri vjen së shpejti! Ditëlindje plot bekime”, ka shkruajtur ajo bashkangjitur videos së postuar ku shihen të dy mbi një motor, gazi i të cilit ishte në ngjyrën blu duke ju referuar kështu gjinisë së fëmijës.
Ditëlindja e Fatmës ka nisur në mënyrën më të bukur, me një dedikim special nga partneri i saj dhe lajmit se do të sjellë në jetë një djalë.
