Rrezikojnë falimentimin! Rita Ora dhe Dua Lipa kërkojnë ndihmë ekonomike nga qeveria

03/07/2020 - 15:41

Dy këngëtaret e famshme me origjinë shqiptare, Dua Lipa dhe Rita Ora, u janë bashkuar kolegëve Ed Sheeran, The Rolling Stones, Sir Paul McCartney dhe 1.500 këngëtarëve të tjerë, për të nënshkruar një letër të hapur për qeverinë britanike.

Ata i bëjnë thirrje qeverisë për veprime urgjente për të shpëtuar industrinë e muzikës.

Sipas mediave të huaja, letra e drejtuar sekretarit të Kulturës, Oliver Dowden, paralajmëron se industria rrezikon të falimentojë. Kjo vjen pasi koncertet dhe festivalet nuk kanë gjasa të rikthehen deri në vitin 2021.

Në dekadën e fundit, muzika live në Mbretërinë e Bashkuar ka qenë një nga sukseset më të mëdha sociale, kulturore dhe ekonomike. Por duket se e ardhmja e këtyre festivaleve dhe koncerteve si dhe e qindra mijëra njerëzve që punojnë në këtë industri, është e zymtë.

Derisa muzika t’i rikthehet aktivitetit të mëparshëm, gjë e cila ka të ngjarë të ndodhë në fillim të vitit 2021, mbështetja e qeverisë do të jetë thelbësore për të parandaluar falimentimet masive dhe fundin e kësaj industrie udhëheqëse botërore.

Këngëtarët kërkojnë një strategji tre-pikëshe për rifillimin e muzikës live, si dhe një afat të qartë kohor për rihapjen e lokaleve ku luhet muzikë, duke respektuar rregullat e distancimit fizik. Gjithashtu, kërkohet një paketë gjithëpërfshirëse dhe përjashtim nga TVSH në shitjet e biletave.

Mes emrave të tjerë janë edhe Skepta, Coldplay, Eric Clapton, Annie Lennox, Sam Smith, Sir Rod Steëart, Liam Gallagher, Florence + The Machine, George Ezra dhe Depeche Mode.

Dua Lipa mësohet të jetë shprehur: "Është jashtëzakonisht e rëndësishme për artistë si unë që të flasin dhe mbështesin industrinë e muzikës live në Mbretërinë e Bashkuar. Që nga fillimi, koncertet live kanë qenë një gur themelor për karrierën time. Jam krenare që kam pasur rastin të luaj në të gjitha nivelet, nga lokalet te koncertet madhështore. Por, mundësia që artistë të tjerë britanikë të shfaqen të marrin të njëjtën rrugë është në rrezik nëse industria nuk merr mbështetje të nevojshme nga qeveria në periudhën e përkohshme para se të gjitha lokalet, festivalet të jenë të gatshëm dhe të aftë të operojnë përsëri në mënyrë të pavarur. "

/portali DurresLajm/

Na bëni like në facebook!: 

Lajme nga e njëjta kategori

Ditën e djeshme në shumë media online qarkulloi me shpejtësi lajmi se Çiljeta Xhilaga ishte larguar nga Partia Demokratike pasi ishte zhg

Ben Affleck dhe Ana de Armas i kanë dhënë fund lidhjes së tyre.

Në muajin dhjetor të vitit 2019, martesa e Justin Timberlake dhe Jessica Biel ishte pranë përfundimit, për shkak të disa fotove ku artist

Ermal dhe Sabri Fejzullahu janë dy emra mjaft të dashur për shqiptarët.

Moderatorja e njohur, Xhemi Shehu është mjaft diskrete përsa i përket jetës së saj private. Xhemi ka preferuar ta mbajë sekret bashkëshor

Moderatori dhe gazetari i njohur, Sokol Balla është bërë baba për herë të tretë. Lajmin e ka dhënë vetë Balla teksa ishte i ftuar në emis

Prej vitesh, këngëtari Alban Ramosaj dhe fotografi Endrit Mërtiri kanë patur një miqësi të ngushtë.

Kate Winslet ishte vetëm 21 vjeçe kur roli i saj në "Titanic" e ktheu atë në një yll ndërkombëtar.

Aktorja shqiptare, Adriana Matoshi krahas angazhimit në rolet filmike e teatrale ka ndërmarrë një hap të rëndësishëm për jetën e saj, duk

Justin Hartley dhe Chrishell Stause janë divorcuar zyrtarisht. Çifti i aktorëve u martuan në 2017-ën ndërsa u ndanë në vitin 2019.