21/10/2019 - 16:50
Ylli i "Shtëpiakeve të Dëshpëruara", aktorja Felicity Huffman është fotografuar në ambientet e burgut ku po kryen dënimin për skandalin e mashtrimit për pranimin e vajzës së saj në kolegj.
Huffman shihet e veshur me një uniformë burgu të gjelbër dhe kapele në kokë duke ecur në hapësirën e jashtme të një burgu federal të sigurisë së ulët në Dublin, Kaliforni.
Aktorja është e para nga më shumë se 30 të dënuar të akuzuar për skandalin e mashtrimit që po kryen dënimin në burg.
Ajo u dënua me 14 ditë burg pasi pagoi 15.000 dollarë që përgjigjet e provimit të vajzës së saj për pranimin në kolegj të korrigjoheshin fshehurazi në vitin 2017, por do të qëndrojë vetëm 13 ditë në burg.
Gjithashtu, Felicity Huffman është dënuar me 1 vit mbikëqyrje në liri, 250 orë shërbim komuniteti dhe u gjobit me 30.000 dollarë.
/portali DurresLajm/
