Anketa/ Shumica e shqiptarëve të zhgënjyer nga politika: Po nxit emigrimin

14/11/2019 - 10:35

Një anketë e Qendrës Shqiptare Kundër trafikut të Qenieve Njerëzore në më shumë se 1000 persona ketë vit në të gjithë vendin gjeti se 77% e tyre mendojnë se situata politike në vend është më e keqe dhe ky përkeqësim është një shtysë sipas tyre për emigruar.

Rezultatet e anketës treguan se 48.7% e shqiptarëve mendojnë se politika ka bërë një punë shumë të keqe, 28.51% mendojnë se ka bërë punë të keqe. Vetëm 3.8% mendojnë se Shqipëria ka bërë një punë të mire.

Intervistat të kryera në formën e fokus grupeve identifikuan se njerëzit mendojnë se politika është e paaftë për të ofruar zgjidhje afatgjata kundër korrupsionit dhe zhvillimit ekonomik.

Vlerësimi i drejtësisë shqiptare shkon paralel me vlerësimin e politikës, ku rreth 49.77% e pjesëmarrësve besojnë se drejtësia është në një gjendje shumë të keqe dhe 32.67% e vlerësojnë gjendjen e drejtësisë si të keqe.

Analiza nga fokus grupet dhe intervistat tregojnë se drejtësia shqiptare është në një gjendje të mjerueshme. Mungesa e zbatimit të ligjit, nivelet e larta të korrupsionit dhe politikëbërja e keqe janë faktorët kryesorë duke ndikuar në gjendjen aktuale të drejtësisë. Gjatë intervistave, u theksua se vetëm njerëzit e varfër u dënuan nga sistemi i drejtësisë.

Të zhgënjyer nga ambienti i rënduar politik dhe ekonomik shqiptarët po i drejtohen emigracionit thuhet në studim. Njerëzit thanë se ishte e vështirë të gjesh një vend pune për shkak të nepotizmit, korrupsionit dhe burokracisë.

“Për të siguruar një punë që duhet të keni ose një mik ose para, nuk mund të ketë asnjë tjetër”, citohet një intervistuar nga në Vlorë.

Pjesëmarrësit thanë se, për të gjetur një vend pune duhet të keni një mik ose duhet t’i paguani ryshfet për punën që dëshironi. Puna konsiderohet një privilegj i cili është në duart e personit që drejton institucionin. Është e qartë, rekrutimi dhe emërimi në vendet e lira të punës nuk bazohen në meritë dhe atë edhe në rastet kur zhvillohen konkurset, ato janë fiktive sepse personi është zgjedhur paraprakisht.

Blerja e një pune është një fenomen që është i përhapur në zonat urbane dhe rurale. Niveli i pagesës varet nga pozicioni dhe vlerësohet se shkon nga një minimum prej 2000 Euro deri në mbi 5000 Euro. Për zona si Tirana, Fieri, Vlora, pagesa janë edhe më të larta. /Monitor

/portali DurresLajm/

Na bëni like në facebook!: 

Lajme nga e njëjta kategori

50 familje në lagjen nr.17 të Durrësit, në zonën e ish-Kënetës, ankohen për infrastrukturën rrugore mjaft të rënduar.

Ministrja e Shëndetësisë dhe Mbrojtjes Sociale Ogerta Manastirliu ka siguruar qytetarët në Laç se shërbimi provizor i urgjencës nuk do të

Ministrja e Shëndetësisë, Ogerta Manastirliu, zbuloi në rubrikën “Opinion”, në News24, se si është aktualisht gjendja shëndetësore e Ramë

Pasojat e pastërmetit të 26 nëntorit në Durrës janë dramatike në këtë prag dimri për mijëra banorë në Durrës.

Qendra “Smart Center” në Durrës vjen me oferta festive në muajin dhjetor.

Ministrja e Shëndetësisë dhe Mbrojtjes Sociale, Ogerta Manastirliu nga Qendra Sociale “Gonxhe Bojaxhi”, është shprehur se shërbimi  shënd

E ftuar në rubrikën "Opinion" në "News 24", psikologia Artemis Shehu tha se trauma pastërmet mund të zgjasë deri në katër javë.

Ashtu siç ishte përcaktuar edhe nga Ministra e Arsimit dhe Sportit, ka nisur sot procesi mësimor në zonat e goditura rëndë nga tërmeti sh

Shqiptarët nga e mbarë bota vazhdojnë që të japin kontribute të çmuara për të prekurit e tërmetit të 26 nëntorit.

Më 7 dhjetor 2019, lektorët e universitetit "Aleksandër Moisiu" Durrës (UAMD, Osman Metalla dhe Eugen Pepa, dhe Lions Club International