Bashkia e Tiranës hap një strehëz të re për njerëzit në situatë rruge

08/01/2019 - 13:42

Në një kohë kur temperaturat shënojnë disa gradë nën zero, Bashkia e Tiranës me mbështetjen e Komitetit Drejtues të Projekteve IADSA, çeli sot strehën e re, e cila ofron ndihmën e parë për njerëzit e rrugës me veshmbathje, ushqim dhe një shtrat për të kaluar natën.

Kryetari i Bashkisë së Tiranës, Erion Veliaj dhe ambasadori i Italisë, Aberto Cutillo, vizituan mjediset e strehëzës së re, ku takuan edhe disa nga qytetarët në situatë rruge që tashmë kanë filluar të marrin shërbim në këtë qendër.

Veliaj: “Ky është projekti ynë i dytë i suksesshëm që kemi hapur së bashku me ambasadorin. I pari kanë qenë shtëpitë e reja për komunitetin rom, të cilët u larguan nga lumi ku rrezikonin jetën e tyre dhe të fëmijëve të tyre. Ndërkohë, nga sot kemi nisur zyrtarisht një nismë tjetër, e cila besoj është një nga nismat më sociale në Tiranë: një strehë e përhershme për njerëzit që janë në situatë rruge”.

“Streha Tirana” synon krijimin e një mjedisi të ngrohtë, sa më pranë kushteve familjare për njerëzit në nevojë.

Veliaj: “Këtu në Shkozë, në stacionin e fundit të autobusit, ngjitur me banesat sociale, kemi hapur këtë qendër e cila ka hapësira të mjaftueshme për të bërë dush, për t’u ushqyer e për t’u veshur. Asnjëherë nuk i dihet si vjen jeta, për shumë njerëz që sot janë situatë rruge; dikush mund të ketë qenë i burgosur, si Abazi, 30 vite burg në Spaç në komunizëm; dikush tjetër mund të ketë humbur gjithë pasurinë e tij në firmat piramidale; dikush mund të jetë kthyer nga emigracioni pa asnjë njeri dhe pa asnjë dyshkë në xhep. Ndaj, unë besoj se kjo qendër jo vetëm zgjidh nevojat fizike, por ka edhe sociologë, ka edhe psikologë, mjek, infermierë, të cilët në mos t’i zgjidhin vetë, mund t’i adresojnë spitalin më të afërt”.

Kryebashkiaku u kërkoi qytetarëve që nëse shohin raste të personave në situatë rruge, të njoftojnë në numrat pa pagesë, të vendosur në dispozicion.

Veliaj: “Policia Bashkiake dhe ajo e Shtetit janë në dispozicion, por edhe qytetarët nëse shohin dikë në situatë rruge, ju lutem mos kaloni sikur nuk ka ndodhur gjë! Më mirë njoftoni në numrin e policisë apo të bashkisë, se sa të kaloni apo të bëni një foto dhe të thoni: ja si rrinë njerëzit në rrugë. Na ndihmoni duke na alertuar, qoftë edhe poshtë një pallati, nëse është dikush në situatë rruge”.

Ambasadori i Italisë në Shqipëri, Aberto Cutillo, përgëzoi kryebashkiakun Veliaj për ndërtimin e kësaj qendre të re sociale dhe shprehu gatishmërinë për të vijuar mbështetjen edhe për projekte të tjera sociale.

Cutillo: “Dua të uroj kryebashkiakun Erion Veliaj dhe stafin e tij, që ka realizuar këtë qendër, kaq mirë dhe kaq shpejt. Për mua është një krenari e madhe që Italia është partner në këtë aktivitet, përmes programit “IADSA”. Ne jemi shpesh partnerë të Shqipërisë dhe të Tiranës në shumë projekte. Por këto aktivitete sociale më duken projektet më të rëndësishme. Tirana është një qytet modern, i projektuar në të ardhmen, por nuk ka rritje, nuk ka të ardhme, nëse nuk tregohet kujdes ndaj më të dobtëve. Kjo qendër ecën pikërisht në këtë drejtim”.

Ndërkohë, për shkak të temperaturave të ulta, kreu i Bashkisë së Tiranës u kërkoi drejtuesve të institucioneve arsimore që të lajmërojnë në kohë për çdo nevojë që mund të kenë. 

Veliaj: “Apeli për administratorët e shkollave në Tiranë është: Tregohuni profesionistë! Ne po i përgjigjemi situatave emergjente, ama i gjithë inkurajimi im për sot është që administratorët e shkollave ta njoftojnë bashkinë mundësisht një natë përpara, nëse kanë nevoja të nesërmen për karburant, pelet, apo çfarëdolloj nevoje tjetër me kaldajat. Megjithatë, besoj se më e keqja ka kaluar. Do sigurohemi që edhe këto dy-tre ditë të të ftohtit, të jemi në krye të detyrës”.

Paralelisht, Bashkia e Tiranës ka nisur punë intensive për mbajtjen hapur të rrugëve në zonat rurale, duke hedhur kripë dhe skorje.

/portali DurresLajm/

Na bëni like në facebook!: 

Lajme nga e njëjta kategori

Qendra e Shërbimeve Arsimore (QSHA) ka publikuar rezultatet e provimit të Gjuhës shqipe dhe Letërsisë për “Maturën Shtetërore 2019”.

Franca është një ndër vendet e para në Europë kur vjen puna për të kërkuar azil nga shqiptarët.

E ndërsa vit pas viti numri i bebeve që vijnë në jetë po bie me shpejtësi, në 2018-ën numri i aborteve (ndërprerje e shtatzënisë) ka shën

Ditën e djeshme kryeministri Edi Rama zhvilloi një takim elektoral në Finiq, ku prezenca e një flamuri grek në miting shkaktoi debat në r

Shqiptarët shpenzojnë më shumë për ushqime dhe arsim, europianët për banesë dhe argëtim.

Niveli i lartë i edukimit dhe kërkimit shkencor e ndihmon një shtet të orientohet me lehtë drejt zhvillimit ekonomik dhe shfrytëzimit me

Ministrja e Shëndetësisë dhe Mbrojtjes Sociale, Ogerta Manastirliu nga Kukësi deklaroi se do të nisë rehabilitimi i gjashtë qendrave shën

Psikologët dhe sociologët në Durrës ngrenë alarmin e rritjes së adoleshentëve jo vetëm të dhunshëm, por edhe me precedentë të theksuar kr

Sot në emisionin “Me Zemër të Hapur” në News 24 është rrëfyer nëna e tre fëmijëve, e cila aktualisht thotë se i rrezikohet jeta.

Jo vetëm fëmijët e lindur në Shqipëri, por edhe fëmijët e qytetarëve shqiptarë që lindin jashtë vendit dhe regjistrohen në vendin tonë, e