Duhet të përfundonte në gusht, godina e "Marie Kaçulini-t" larg mbarimit të punimeve (VIDEO)

11/12/2017 - 16:01

1 mijë vogëlushët e shkollës 9-vjeçare "Marie Kaçulini" në Durrës ende vazhdojnë të torturohen duke e zhvilluar mësimin në shkollat e mesme të qytetit prej një viti.

Shkolla “Marie Kaçulini” duhet të ishte gati për vitin e ri 2018, sipas kontratës që firma zbatuese lidhi me bashkinë në vitin 2016, por punimet janë ende shumë larg finalizmit të tyre.

"DurrësLajm" ishte pranë kësaj shkolle, e cila është ende në fazën e ndërtimit të saj, ndërsa stafi pedagogjik dhe fëmijët duhet të presin edhe shumë muaj para se të hyjnë në shkollën e tyre të re.

Shkak i vonesës së fillimit të punimeve ishte leja arkeologjike. Katër muaj ka pritur bashkia e Durrësit që ministria e Kulturës të firmosë lejen arkeologjike për fillimin e punimeve për shkollën e 9-vjeçare në qendër të Durrësit.

Në fillim të 2017 godina ekzistuese u shemb për ti lënë vendin ndërtimit të shkollës së re me vlerë 860 milionë lekë, nga buxheti i bashkisë së Durrësit. Por bashkia nuk kishte marë lejen nga Instituti i Arkeologjisë për të zhvilluar punime.  

Sipas kontratës që është lidhur me bashkinë, firma ndërtuese duhet të dorëzonte në fund të muajit gusht të 2017, shkollën e përfunduar. Godina është planifikuar të jetë 3 katëshe me opsion për ndërtimin e një kati shtesë në të ardhmen.

Sipas burimeve nga bashkia afati i punimeve do të shtyhet deri në muajt e parë të 2018 si rezultat i vonesave të krijura nga Instituti arkeologjik.

Nxënësit pas nisjes së punimeve janë shpërndarë në shkollat e mesme, "Leonik Tomeo" ku po studiojnë fëmijët e klasave nga e para tek e pesta, dhe Mjeshtëria Sportive "Bernardina Qeraxhia" ku po studiojnë nxënësit e klasave nga e gjashta tek e nënta. Në të dy gjimnazet fëmijët studiojnë në turnin e dytë.

/portali DurresLajm/

Video: 
Na bëni like në facebook!: 

Lajme nga e njëjta kategori

''Gjatë muajit tetor, muaji i ndërgjegjësimit për kancerin e gjirit, mamografët e lëvizshëm po ofrojnë shërbim pa ndërprerje afër ven

Një monitorim i pavarur i zhurmave në qytetin e Tiranës për 2018-en, tregon diferencim të madh të vlerave nga matjet e vitit të kaluar te

Flora Baftjari është zonja nga Vaqarri e cila denoncon publikisht në emisionin “Pa gjurmë” në Report TV dhunën që ushtron i vëllai Edmond

Dhuna është një plagë e shoqërisë, por ajo është edhe më e rëndë kur është brenda katër mureve të familjes.

Fakulteti i Studimeve të Integruara me Praktikën në universitetin e Durrësit ofron një alternativë unike në universitetet shtetërore: stu

Event mjaft i rëndësishëm në shoqërinë e një vendi janë martesat.

“Fiks Fare” solli mbrëmjen e kësaj të hëne historinë e dhimbshme të një gruaje, të dhunuar vazhdimisht nga ish-bashkëshorti, me 6 urdhra

Universiteti “Aleksandër Moisiu” në Durrës ka hapur dyert për 2200 studentë që ulen për herë të parë në auditore, nga 17 mijë që numërohe