Durrës. Sa e vështirë t'i japësh gruas pronë!

16/05/2014 - 20:12

DURRËS, 16 maj 2014 –  Në bashkinë e Durrës-1, në regjistrin e hipotekës me kod 8511 për vitin 2013 figurojnë gjithsej 1 994 pronarë, ku 22, 42 për qind e tyre (447) ishin femra me 100 për qind pronësi, u tha në Durrës në maj 2014 në një raport të FAO-s (Organizata Botërore e Ushqimit e OKB-së).

Problemi i barazisë gjinore në trashëgiminë apo krijimin e pronës së re është problem si në Durrës ashtu dhe në krejt territorin e vendit.

Sipas këtij raporti, shumica e pronarëve femra në Shqipëri zotërojnë një pronë në një pjesëmarrje prej më pak se 25%, dhe në vend të dytë është pjesa e 50-99%.

Raporti arrin në përfundimin se numri i burrave që kanë hipoteka është më se dy herë më i lartë në krahasim me përqindjen e grave, ose duke numëruar tre vitet e fundit mesatarisht meshkujt marrin 2/3 e hipotekave të totalit dhe gratë 1/3.

Numri i grave që trashëguan pronë bëhet më i lartë nga viti në vit. Në vitin 2011 është 38,71%, në vitin 2012 është 45,11% dhe në vitin 2013 ajo është pothuajse e njëjtë me përqindjen e burrave që trashëguan pronë.

Natyrisht kjo është më e theksuar në zonën rurale. Kështu në një rast në fshatin Vlashaj (komuna e Maminasit) me 255 pronarë gjithsej, vetëm 30 ishin femra me pronësi 100 për qind; në Draç (komuna e Ishmit) kishte vetëm 4 gra me 100 për qind pronësi; në fshatin Likmetaj (komuna e Ishmit) kishte vetëm 2 raste; kurse nga 1 femër pronare kishte në bashkinë Sukth, fshatrat e tij Hamallaj dhe Vadardhë; Qerret (Katundi i Ri) dhe Shkallnur (komuna Rrashbull).                   

Me ndarje pasurie mbi 50 për qind në Vlashaj ishin 1 574 pronarë gjithsej, ku vetëm 78 (9, 68 për qind e totalit) ishin femra; në bashkinë Durrës në një dosje me 3 770 pronarë, kishte 1 697 pronare gra, ose 45 për qind e totalit.

/th. m. agjencia e lajmeve “Dyrrah”/

 

/portali DurresLajm/

Na bëni like në facebook!: 

Lajme nga e njëjta kategori

Doktoreshë Edlira Harizi, neurologe pranë spitalit rajonal Durrës, është rizgjedhur presidente e Urdhrit të Mjekëve për qarkun e Durrësit

Vetëvrasjet u rriten në mënyrë sistematike dy vitet e fundit, duke arritur në 216 persona më 2019 ose 2,3 për qind në raport me një vit m

Prej 15 majit në pikën e kalimit kufitar të Kapshticës, mesatarisht çdo ditë kalojnë 10 autobusë me punëtorë sezonale nga zona të ndryshm

FRPD reagon për megaskandalin e dhunës seksuale ndaj 15-vjecares. Të rinjtë e FRPD-së kanë tubuar sot para Ministrisë së Arsimit.

Një protestë paqësore është organizuar në Padova nga shqiptarë dhe italianë në mbrojtje të Teatrit Kombëtar të shembur si sot dy javë më

“Strategjia e rihapjes do të vijojë sipas fazave që komiteti teknik i ekspertëve ka miratuar.  Do të vijojmë me hapjen e çerdheve dhe kop

Andrea Karanaxha është një prej pensionistëve në qytetin e Durrësit, që ka pasion kopshtarinë.

Imami Ervin Qylafku, i cili drejton Xhaminë e Madhe në Durrës, në urimin e tij për besimtarët për ditën e Fitër Bajramit, lutet vetëm për

Komuniteti Mysliman i Shqipërisë njofton të gjithë besimtarët se dita e parë e Fitër Bajramit është të dielën, më 24 maj 2020.