Durrës, shpërndahen ndihma për familjet e prekura nga dëmet e tërmetit të 21 shtatorit (VIDEO)

15/10/2019 - 20:01

Krevatë, batanije, ushqime dhe veshmbathje për familjet e dëmtuara nga tërmeti në njësitë administrative të bashkisë Durrës.

100 familje nga Ishmi, Katundi i Ri, Manza, Rrashbulli dhe Sukthi përfituan nga ndihmat e dhëna nga shoqata Qatar Charity Albania dhe ambasada e Katarit në vendin tonë.

Në aktivitetin e organizuar me këtë rast në palestrën e shkollës në Shënavlash ishin të pranishëm edhe kryebashkiakja Valbona Sako dhe nënkryetari i bashkisë Florian Tahiri.

Nënkryetari Tahiri bën të ditur se çdo familje përfituese mori një pako me ushqime rreth 50 kg si dhe veshje dhe batanije për të përballuar stinën e dimrit që po afron.

Nënkryetari nënvizon se ndihma e shoqatës bamirëse dhe ambasadës së Katarit u prit me falenderime nga banorët e njësive administrative, të cilët vuajnë ende pasojat e tërmetit të 21 shtatorit. 

Vlen të theksohet se shumë nga banesat e shpallura të pabanueshme në bashkinë e Durrësit i përkasin njësive administrative, veçanërisht Sukthit, Manzës, Rrashbullit etj.

Ndërkohë, autoritetet vendore janë në pritje të udhëzimeve që do të vijnë nga Këshilli i Ministrave lidhur me riparimin e dëmeve dhe dëmshpërblimin e familjeve të prekura nga tërmeti 5.8 ballë i pasdites së 21 shtatorit.  

Deri më tani bashkia e Durrësit ka akorduar një fond prej 100 milionë lekësh, kurse bashkia e Tiranës dhuroi 200 milionë lekë. 

M.B.

/portali DurresLajm/

Video: 
Na bëni like në facebook!: 

Lajme nga e njëjta kategori

Ministrtja e Shëndetësisë Ogerta Manastirliu iu bën apel të rinjve për të marrë përgjegjësi individuale për të frenuar përhapjen e korona

Ujësjellës Kanalizime Durrës i është përgjigjur pozitivisht thirrjes së Kryqit të Kuq për të dhuruar gjak për nevojat e spitalit.

Regjistrimi në universitete do të nisë në fund të korrikut dhe të tre raundet do të aplikohen në U-albania.

Në Gjykatën e rrethit Gjyqësor Durrës, është në gjykim çështja civile me nr.

Guxoni të ëndërroni dhe ëndrra do te bëhet pjesë e realitetit tuaj!

Me masat e mbrojtjes personale, duke respektuar kushtet e sigurisë për shkak të epidemisë së shkaktuar si pasojë e COVID19, u zhvillua so

Ministrja e Shëndetësisë dhe Mbrojtjes Sociale Ogerta Manastriliu ka inspektuar Spitalin Rajonal  të Shkodrës në vijim të forcimit të kap

Djali 11-vjeçar Alvin Berisha, i cili u shpëtua nga kampi Al Hol në Siri ka mbërritur në Durrës me babanë e tij.

Teksa Shkodra numëron 11 raste të reja me koronavirus përgjatë 24 orëve të fundit, mësohet se ka rezultuar pozitive edhe nënkryetarja e B

 Ministria e Arsimit ka vendosur që viti i ri shkollor 2020-2021 të nisë në datën 14 shtator.