Durrësi rrezikonte të shuhej/ Historia e Thoma Rubijës dhe heroizmi që u harrua...(VIDEO)

05/11/2018 - 16:34

Për Thoma Rubinë është heshtur. Jetimin e mbetur nga lufta që Durrësi e mori që fëmijë dhe e edukoi e arsimoi. Thomai, me origjinë nga Saranda i qe mirënjohës qytetit aq sa ishte i gatshëm që të sakrifikojë jetën e tij për të. U rrit në shtëpinë e fëmijës në Durrës, pasi nazistët i vranë të atin dhe ai një 6-vjeçar i humbur u soll në shtëpinë e fëmijës në Durrës.

Në katër vjetorin e ndarjes nga jeta të Thoma Rubijës, të bashkëqytetarit e ushtarakut guximtar, të cilit  i gjithë qyteti i Durrësit duhet t`i jetë mirënjohës është bashkëshortja e tij e moshuar e cila e sjell në vëmendjen publike.

Fanie Rubija edhe pse e moshuar këto ditë kërkoi që nëpërmjet mediave të bënte të ditur historinë e Thomait i cili në vitin 1970 me guximin e një ushtaraku të disiplinuar neutralizoi brenda në basenin e portit të Durrësit një silur, nga shpërthimi i të cilit gjithë qyteti i i Durrësit rrezikonte të shuhej. 

Në korrik të vitit 1973, gjatë një stërvitjeje me katerat silurues në kushte të afërta luftarake, një silur ka marrë gabim komandën dhe aksidentalisht ka hyrë në brendësi të basenit të Portit të Durrësit. Nëse do të shpërthente, përveç dëmeve katastrofike në Port, ajo mund të krijonte edhe incidente diplomatike për vendin për dëmet që mund të shkaktonte në anijet e huaja që ndodheshin në port. Silura u neutralizua nën det nga ushtaraku Thoma Rubija. 

Bashkëshortja e tij kujton se në varrim nuk i bënë nderime sipas traditës as ushtarakët që duhet ta përcillnin për në banesën e fundit. Nga çfarë kishte mësuar nga bashkëshorti por edhe nga kolegët e tij, ai vuri në rrezik jetën në një situatë kur katastrofa i rrezikonte jo jetn atij por gjithë qytetit. Qëlloi që elika e silurës është bllokuar nga kavot që gjendeshin në fund të portit dhe për ta neutrlizuar është zhytur duke rezikuar jetën e tij ushtaraku Thoma Rubija. 

Myfit Qorrduka, ish-ushtarak me detyra komanduese në flotë, kujton në librin e tij mbi flotën luftarake se si gjatë operacionit të çmontimit të djegores luftarake të silurës Thoma Rubia i veshur me kostum zhytësi në thellësinë 8 metra e neutralizoi silurën që qëndronte në ujë, gati për shpërthim.

Kanë kaluar rreth 45 vite që për këtë akt të rallë trimërie është heshtur. Thoma Rubija është ndarë nga jeta 4 vite më parë. Më 2 nëntor të vitit 2014. Një hero i vërtetë që mbeti i panjohur nga qyteti ku jetoi e punoi.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Ermira Demiraj, mjeke specialiste e lëkurës në spitalin Rajonal të Durrësit, ka ngritur një sërë problematikash në lidhje me shëndetin e

Fakulteti i Shkencave Ekonomike në Universitetin Ndërkombëtar në Strugë, iu ofron studentëve programe të shkëlqyera akademike në fushën e

Aparaturat e reja të investuara në shërbimin e dializës në QSUT kanë përmirësuar cilësinë e shërbimit për pacientët që e marrin këtë shër

Së paku deri më vitin 2050 shqiptarët që do të emigrojnë do të jenë në nivele shumë më të larta se ato që do të zgjedhin të rikthehen për

Bibliotekat publike në Tiranë, duket se po kthehen në tendencë për qytetarët e të gjitha grupmoshave.

Universiteti Ndërkombëtar në Strugë, tashmë e ka shndërruar në një praktikë, organizimin dhe realizimin e vizitave të shumta studentore n

Në kuadër të Paktit për Universitetin, Ministria e Shëndetësinë dhe Mbrojtjes Sociale ka mundësuar për studentët e Fakultetit të Shkencav

Suada Ndreca një nënë e re 27-vjeçare përballet live me ish-burrin, për djalin 4-vjeçar me epilepsi, për të cilin, e reja thotë se ai nuk