Gazetarja sjell rastin e familjes në Durrës që jeton në kontejner, habit zv.ministri Shkreli: Ku është problemi?

26/11/2020 - 22:03

Gazetarja Anila Hoxha ndodhej në Porto Romano, pranë familjes Përgega e cila është prekur nga tërmeti i 26 nëntorit dhe edhe sot e kësaj dite ndodhet pa banesë.

Familja jeton në një kontenier që ia ka dhuruar kisha, jo shteti. Nga Bashkia e Durrësit ka marrë vetëm 5 milionë lekë pasi ia cilësuan si DS3 (të banueshme, por duhet riparuar), dhe pse kryefamiljarja pretendon se më herët vlerësuesit e dëmeve e kanë cilësuar shtëpinë se DS4 (të pabanueshme).

Kryefamiljarja thotë se ndërkohë që nisën rregullimet shtëpia u shemb sërish pasi ishte e pabanueshme.

Zv.ministri i Infrstrukturës Artan Shkreli aspak i prekur nga kjo histori, me qetësi të madhe tha se ka njerëz që jetojnë më keq se kjo familje, duke lënë të nënkutphet se kjo familje “është me fat” që jeton në kontenier. Duke lënë të nënkuptohet gjithashtu që PO, ka familje që jetojnë më keq se në kontenier.  

Anila Hoxha: Familjes Përgega i është dhënë nga një shoqatë bamirëse një kontenier të cilin kryefamiljari e ka rrethuar me plasmas. Ata e kanë sajuar vetë kontenierin. Vendi i kontenierit është i pamjaftueshëm që ata të jetojnë aty. Orenditë i kanë lënë jashtë sepse s’kanë vend. Këtu jeton vetëm një pjesë e familjes pasi pjesa tjetër është larguar ngaqë nuk ka vend. Pjesa tjetër e familjes është në Pukë.

Kryefamiljarja: I bëmë letrat dhe e nxorrën të pabanueshme. Më pas e nxorrën DS3 të banueshme. Më dhanë 5 milionë lekë të vjetra. Fillova riparimet brenda në shtëpi. Djali i madh më tha hajde dalim jashtë se do bjeri suvaja. Dolëm jashtë sa dolëm ra suvaja. Asnjë s’na ka ndihmu. Kontenierin na e kanë sjellë murgeshat. Pikon akoma ja shikoje.

Shkreli: Edhe çfarë? Ka njerëz që janë më keq se këta që jetojnë në kontenier. Ka njerëz që jetojnë vetë në çadra dhe marrin bonus qiraje.

Vasili: Epo ja dha Kisha kontenierin jo ju.

Shkreli: Po problemi i tyre...

Soko: Si problemi i tyre çfarë thoni kështu?!

Shkreli: Ne përgëzojmë kishën dhe kush e zgjidh me orivat bravo i qoftë, kush e zgjidh me shtetin e zgjidh me shtetin. Ne falenderojmë kishën. Njerëz që nuk kanë marrë kontenier nga kisha nuk janë në rrugë.

Gazetarja Vasili kërkon të tregohen dokumentet pasi Shkreli thotë se shtëpia mund të jetë riparuar ganim ndaj dhe është shembur prapë. Banorja tregon dokumentin që është vetëm DS3 dhe jo DS4.

/portali DurresLajm/

Na bëni like në facebook!: 

Lajme nga e njëjta kategori

Një ditë më parë emisioni “Stop” transmetoi dëshminë e vajzës së të ndjerës që ndërroi jetë nga Covid-19 në spitalin “Shefqet Ndroqi”.

Të tjera dëshmi vijnë nga familjarë të pacientëve që kanë humbur jetën për shkak të koronavirusit në spitalin “Shefqet Ndroqi”.

Ministrja e Shëndetësisë dhe Mbrojtjes Sociale, Ogerta Manastirliu ka ndarë lajmin e mirë në Facebook për një 10-vjeçar nga Burreli, i ci

Sanitarja e spitalit “Shefqet Ndroqi” Tire Alldervishi mori sot masën e sigurisë “arrest me burg”.

Emisioni “Stop” publikoi këtë të martë një rast skandaloz korrupsioni në spitalin Covid 2, ku punonjës të këtij spitali, bëjnë pazar me j

Dritani, 40 vjeç nga qyteti verior i Kukësit, qëndroi gjatë pas kangjellave të spitalit “Shefqet Ndroqi” më 14 dhjetor, në pritje të një

Petrit Haskasa, babai i Artendia Haskasas që humbi jetën tragjikisht në portin e Durrësit më 7 janar kërkon që ngjarja të zbardhet plotës

Ministrja e Arsimit, Evis Kushi ka përcjellë një videomesazh një ditë para rifillimit të mësimit nëpër shkolla.

Është ndarë nga jeta një emër i njohur i fushës së transportit ndërkombëtar, Ilir Mataj. Lajmin e hidhur e ka dhënë miku i tij, gazetari