“Infermierë për Shqipërinë”, Manastirliu: Fluks kandidatësh, proces transparent me rezultate në kohë reale

10/09/2019 - 14:25

Më shumë transparencë me testimin e informatizuar për t’u punësuar me portalin “Infermierë për Shqipërinë”.

Ministrja e Shëndetësisë dhe Mbrojtjes Sociale Ogerta Manastirliu ndoqi nga afër fazën e dytë të konkurimit për 1734 infermierë dhe profesionistë të shkencave mjekësore teknike, të cilët do të testohen gjatë gjithë muajit shtator, sipas kalendarit të shpallur tashmë dhe të bërë publik në portalin “Infermierë për Shqipërinë”.

“Me përfshirjen në ligj të portalit “Infermierë për Shqipërinë” kemi përmirësuar edhe mënyrën e testimit, për të përthithur në sistem më të mirët. Tashmë testimi është i informatizuar dhe rezultatet dalin në kohë reale, duke rritur maksimalisht transparencën”, tha Manastirliu. 

Duke theksuar se me portalin “Infermierë për Shqipërinë” më të mirët punësohen në sistemin shëndetësor publik, Manastirliu tha se portali hapet dy herë në vit për t’u dhënë mundësinë të gjithëve të aplikuar për punë. 

Që prej hapjes së portalit “Infermierë për Shqipërinë” janë 1580 infermierë, mami, teknikë të imazherisë e laboratorit dhe fizioterapistë të punësuar në qendrat shëndetësore dhe spitalet publike. 

E pyetur në lidhje me largimin e infermierëve, Manastirliu tha se fluksi i lartë i aplikimeve tregon për interes të shtuar për punësimin në sistemin publik.

“Aktualisht janë 1734 infermierë që po testohen vetëm në konkursin e shtatorit, ndërkohë që janë në listë pritje 801 infermierë fitues për të patur një vend pune në sistemin publik. Ndërsa çdo vit licensohen rreth 2300 infermierë, pra nuk kemi një shqetësim të vazhdueshëm për infermierët”, tha Manastirliu. 

Në sistemin shëndetësor publik janë të punësuar rreth 13 mijë infermierë, ndërsa të licensuar janë mbi 22 mijë infermierë.

/portali DurresLajm/

Na bëni like në facebook!: 

Lajme nga e njëjta kategori

Mjaft kritike paraqitet situata në banesat e dëmtuara më rëndë nga dy lëkundjet e fuqishme të tërmetit të së shtunës.

Me një problematikë të shtuar si rrjedhojë e rënies drastike të numrit të nxënësve nisi edhe ky vit shkollor.

Vijon gatishmëria e ekipeve mjekësore në spitalin e Traumës, në QSUT dhe në spitalin e Durrësit.

Një banore e lagjes nr.13 në Durrës, tek një pallat shumë katësh, në rrugën “Venecia”, ka treguar për DurrësLajm tmerrin

Një grua e lënduar nga tërmeti i fuqishëm në Tiranë ka rrëfyer panikun. Duke mos dashur të tregojë fytyrën, por vetëm pjesën e dëmtuara n

Artisti i njohur Agim Mujo, vëllai i aktores së madhe shqiptare Yllka Mujo është ndarë nga jeta në moshën 63-vjeçare.

 Pas Turqisë, edhe Italia merr përsipër trajtimin e specializuar të rasteve të veçanta të pacientëve shqiptarë, me sëmundje  të rralla.

Nën kujdesin e Këndit të BE-së të Bashkisë së Durrësit u zhvillua një konkurs-ekspozitë me punime kreative të  nxënësve të disa shkollave

"Qesja e fundit" është nisma më e re e Ministrisë së Turizmit dhe Mjedisit, që u prezantua sot në auditoret e Universitetit "Aleksandër M