Kalvari i qytetarit nga Durrësi për regjistrimin e pronës në Hipotekë (FOTO)

Postuar: 20/04/2017 - 21:27

Agim Gjergji, një qytetar nga Durrësi, ankohet në emisionin “STOP” se pas një kalvari gjyqësor për 500 metra tokë, arrin t’i njihet prona nga gjykata, por tani nuk ia regjistron hipoteka e Durrësit. Edison Jonuzi, përgjegjës në hipotekë, pranon se kanë kaluar të gjitha afatet për regjistrim. Ai thotë se është pezulluar nga detyra specialisti, që duhet të kryente procedurën.

“Unë kam blerë një pronë në 2001, rreth 500 metra katror dhe e kam blerë në bazë të të gjithë rregullave, me kontartë shitje dhe pronësia kaloi në emrin tim me çertifikatë. Rreth vitit 2010 marr vesh që është bërë një mbivendosje dhe u detyrova ta çoj çështjen në gjyq. E çova në shkallën e parë dhe fitova të drejtën, pala kundërshtare u ankua në apel edhe aty e fitova, gjithashtu edhe në GJykatën e Lartë. Kam aplikuar në hipotekë të Durrësit për të kaluar në emrin tim pronësia, por nuk gjej zbatim.”

Gazetarja – Përse nuk po zbatohet ky vendim?

“Edhe unë nuk po e marr vesh. Një zvarritje totale, një stres i jashtëzakonshëm! Kam takuar disa herë të gjithë ata përpunues, edhe drejtorin e hipotekës kam takuar. Ai më është shprehur që do të bëhet, por faktikisht deri më sot e kësaj dite nuk po gjen zbatim! Çdo gjë është në bazë të rregullave, prandaj u detyrova t’i drejtohem emisionit “STOP”.”

Agimi shprehet se edhe pse Përmbaruesi Gjyqësor Eduart Allamani i ka dërguar tre shkresa Zyrës Vendore Të Regjistrimit të Pasurive të Paluajtshme Durrës, ku thuhet se Agim Gkergji duhet të njihet si pronar i kësaj toke, pas 5 vitesh ende nuk është zbatuar.

Gazetarja e emisionit “STOP” i është drejtuar Zyrës Vendore Të Regjistrimit të Pasurive të Paluajtshme Durrës, ku ka komunikuar me Edison Jonuzin, përgjegjësin e sektorit të hipotekës në Durrës, i cili thotë se në bazë të bazë të ankesës që është paraqitur nga Agim Gjergji, janë marrë masat për verifikimin e afateve të praktikave dhe ka rezultur se specialisti, që ka patur në ngarkim këtë çështje, ka kaluar afatet për ekzekutimin e vendimit.

“Për këtë shkelje, sipas ligjit të regjistrimit dhe rregullores së ZVRPP, është marrë masa për pezullimin e tij nga detyra dhe dërgimi i propozimit të largimit nga detyra. Ndërkohë, është urdhëruar rishpërndarja e kësaj praktike në një grup tjetër pune dhe besoj se brenda javës që vjen, ne do të kemi një përgjigje lidhur me zbatimin e vendimit të gjykatës.”

Pas rreth 5 vitesh peripecish, falë emisionit “STOP”, Agim Gjergji mori çertifikatën e pronësisë dhe quhet zyrtarisht pronar i kësaj toke!

/portali DurresLajm/

Na bëni like në facebook!: 

Lajme nga e njëjta kategori

Çmimi i ujit në Tiranë do të rritet nga 45 lek/ m3 në 65 lekë/m3 për familjarët dhe nga 135 lekë/m3 në 190 lekë/m3 për bizneset. “Panoram

Banorët e zonës së kodër Arapajt, që bllokuan për mëse 15 minuta Unazën e plazhit pasditen e së premtes kanë shprehur gjithë indinjatën e

Ministria e Punëve të Brendshme ka shpërndarë edhe një herë informacionin për regjistrimit e vendbanimit pranë zyrave të gjendjeve civile

Emisioni BOOM denoncoi mbrëmjen e sotme mungesën e serumit antiviper në treg.

Gjykata e Lartë ka rrëzuar pjesërisht vendimin e qeverisë që sanksiononte se profesionet e lira do të paguanin Tatim mbi Vlerën e Shtuar.

Bukurie Murrizi 44- vjeçare, nënë e dy fëmijëve të mitur të sëmurë me hidrocefali dhe zhvillim të vonuar mendor, ka paralajmëruar të vetë

Një banore e lagjes së re në Durrës ka dërguar në redaksinë e DurrësLajm disa foto të rrugës ku kalon çdo ditë e që ua ka vështirësuar je

Sipas raportit të Cilësisë së ajrit në Europë 2016, në Shqipëri vdiqën prej ndotjes së ajrit 2120 persona.

Këtë sezon në plazhe mungojnë elementët e sigurisë, vrojtuesit, por në zona të caktuar edhe ekipet shëndetësore.

Zbardhet udhëzimi për transportin publik të udhëtarëve, sipas të cilit së shpejti do të aplikohen pagesa elektronike.