Lajm i hidhur, shuhet një emër i rëndësishëm i shahut durrsak

03/06/2019 - 15:22

Nga BUJAR QESJA

Lajm i hidhur vjen nga Luksemburgu. Në këtë shtet të vogël, sos frymën e fundit një emër i rëndësishëm i shahut durrsak, pse jo edhe më gjërë. Është miku ynë i çmuar Halit Haka. Me emrin e Halitit, janë lidhur të gjitha përpjekjet për të nisur traditën, nga sportet më cilësore në Durrës – shahu.

Në një nga spitalet më në zë, të shtetit xhuxh të Luksemburgut me 31 maj 2019 dha frymën e fundit pas një sëmundje të gjatë, nga trajnerët e parë të shahut durrsak Halit Haka. Me 3 qershor 2019, i jepet lamtumira e fundit këtij personaliteti të sportit, nga të afërmit, miqtë dhe shokët që ndodhen në Luksemburg.

Haliti jetonte për shumë vite në Luksemburg tek vajza, pas vdekjes së të shoqes Shpresës. Na kishte munguar prej kohësh, për ta takuar e për të folur për shahun siç bënim vazhdimisht. Por tanimë, nuk kemi asnjë mundësi ta shikojmë as fizikisht, duke u arkivuar përfundimisht në memorien tonë. Eshtrat e tij do të treten në dhe të huaj, por në tokën e origjinës nuk do të tretet kurrë kujtimi për këtë burrë zotni, të dashur e të qeshur, të urtë dhe fisnik, modest e fjalëpak.

Nuk është pak, të jesh pjesë e një shkolle të çquar kombëtare, siç është shahu durrsak. Emrat më të spikatur të shahut kombëtar, në përqindje të konsiderueshme janë nga Durrësi. Përmëndim këtu dy kolosët, Fatos Muçon dhe të vetmin Mjeshtër i Madh Erald Dervishi. Fillimet e Fatos Muços, 11 herë kampionit individual të shahut dhe shtatë herë i titullit kampion të Lokomotivës, i pari mjeshtër ndërkombëtar i Shqipërisë, trajner i ekipit përfaqësues, fillimet e veta në sportin e skakjerës i ka me Halit Hakën.

Mjek në profesion, duke shërbyer për shumë vite në drejtorinë e sigurimeve shoqërore në Durrës, Halit Haka krijoi një pasion të jashtëzakonshëm edhe për shahun. Veçanërisht në fund të viteve 50-të dhe më tej, ai mbetet ndër të parët shahistë që e nisi këtë sport, për të qenë në drejtim të ekipit të Lokomotivës në kohën më të artë të tij. Titulli i parë kampion erdhi në vitin 1974, kur Lokomotiva përbëhej nga emra të tillë pikantë si Fatos Muço, Kozma Nasto, Hamza Xhakoni, Eqerem Nurçellari dhe Bedri Gripshi. Më pas pjesë e Lokomotivës së famshme të shahut, u bënë edhe Harallamb Boshku (i ndarë nga jeta para pak muajsh), Lorenc Rama, Altin Çela, Kreshnik Mançe, Erald Dervishi etj. duke e lënë tërë këtë kohë Durrësin, në elitë të shahut kombëtar dhe me gjurmë aktive edhe në shahun ndërkombëtar.

Lajmi i largimit nga jeta në moshën 84 vjeçare i Halit Hakës, na ligështoi pa masë. Shahu durrsak është në pikëllim të plotë, pasi humbi një tjetër protogonist pas Llambi Boshkut. Do të na mungoj ai njeri, që në librin e pasur të shahut durrsak, sigurisht është në faqet e para të tij. Dhe ky është emri i paharruar Halit Haka.

Ngushëllime më të ndjera familjes dhe të afërmëve të tij, por edhe komunitetit durrsak të shahut, miqve dhe shokëve të tij, të cilët në shpirt i japin lamtumirën e fundit, këtij qytetari dhe intelektuali model të Durrësit.

Dheu i lehtë, Haliti ynë i paharruar!

Durrës: 3 qershor 2019

Në foto: Teuta kampione e vitit 1974. Lart nga e majta Fatos Muço, HALIT HAKA, Hamza Xhakoni. Poshtë nga e djathta: Kozma Nasto, Bedri Gripshi dhe Eqerem Nurçellari.

/portali DurresLajm/

Na bëni like në facebook!: 

Lajme nga e njëjta kategori

Sipas INSTAT në vitin 2018, numri i të huajve me leje qëndrimi në Shqipëri rezultoi 14.162 banorë, duke shënuar rritje me 9,7 %, krahasua

Ka mbërritur në Shqipëri trupi i regjisorit Gjergj Xhuvani, i cili u nda nga jeta në moshën 56-vjeçare.

Sëmundjet e shëndetit mendor po njohin përhapje më të madhe në popullatë së fundit.

Teksa i kanë mbetur edhe pak orë jetë dhe nuk dihet cili do të jetë fati i saj, 15-vjeçarja nga Fushë-Kruja, Elona Kuburja, ka bërë një a

Rehabilitohet qendra shëndetësore e Voskopojës, një investim i Ministrisë së Shëndetësisë dhe Mbrojtjes Sociale, në kuadër të programit k

Nga Gëzim Kabashi

Fatos Baxhaku shkoi. Qetësisht, si çdo gjë që bëri në jetën e tij.

Shumë shpejt, Europa Perëndimore do të përballet me një kërkesë të lartë për fuqi punëtore, për shkak se, në shumicën e vendeve të zhvill

Vit pas viti telefonët po bëhen gjithnjë e më të sofistikuar dhe janë shndërruar vërtet në një mjet të domosdoshëm pune dhe jo thjesht nj

Maturantët mbetës në një nga provimet e maturës shtetërore kanë një shans të dytë për të ridhënë provimin dhe për të garuar në universite