Ligji i ri për asistencën sociale, Manastirliu: Hiqet kufiri maksimal i ndihmës ekonomike

08/07/2019 - 11:51

Ligji i ri për asistencën sociale konsolidon reformën e nisur në skemën e ndihmës ekonomike, duke hequr tavanin e pagesës së ndihmës ekonomike.

“Heqja e tavanit prej 80 mijë lekë do të sjellë mundësinë për rritjen e masës së ndihmës ekonomike për familjet më në nevojë dhe familjet me shumë fëmijë”, u shpreh ministrja Manastirliu gjatë prezantimit të projektligjit të ri të asistencës sociale, në Komisionin e Shëndetësisë në Kuvend.

Duke theksuar se reforma e deritanishme ka hequr kriteret përjashtuese për përfitimin e ndihmës ekonomike, ngriti sistem të digjitalizuar pikëzimi për të targetuar familjet më të varfra duke shmangur abuzimet, Manastirliu tha se ligji i ri lehtëson akoma më shumë qytetarët për të marrë pagesat në kohë.

“Projektiligji i ri për asistencën sociale shmang burokracitë, siç është miratimi i listës së përfituesve nga Këshillat Bashkiakë, duke hequr një hallkë të panevojshme tanimë që sistemi është i digjitalizuar, aq më tepër që mos mbledhja në kohë e këshillave bashkiakë, shpesh sillte vonesa në marrjen në kohë të pagesave të ndihmës ekonomike”, tha Manastirliu. Ndërsa Këshillat Bashkakë do të vendosin për kriteret dhe listën e përfituesve nga fondi 6% që kanë në dispozicion për familjet që nuk përfshihen në skemën e ndihmës ekonomike.

Projektiligji i ri për Asistencën Sociale parashikon kufizime në kohë të qëndrimit brenda skemës së ndihmës ekonomike me qëllim për të nxitur përfituesit në moshë aktive pune për t’u integruar në tregun e punës nëpërmjet ofrimit të mundësive për punësim dhe formimit profesional. Në projektligj parashikohen gjithashtu edhe arsyet kur një familje përjashtohet nga skema e përfitimit të ndihmës ekonomike për 6 muaj deri në 1 vit, që nga deklarimi i rremë deri te refuzimi i punës së përshtatshme për personat në mosha aktive pune.

Projektligji i ri i asistencës sociale përfshin edhe dy programe të tjera sociale, më konkretisht programi i aftësisë së kufizuar dhe bonusi i bebes.

“Ky projektligj parashikon sistemin e ri të vlerësimit bazuar në modelin bio-psiko-social të aftësisë së kufizuar për përcaktimin e pagesave cash, me ekipe vlerësimi multidisiplinare të përbërë nga mjekë dhe punonjës socialë” – tha Manastirliu.

Përfshihet në ligjin e ri të asistencës sociale edhe programi i bonusit të bebes për çdo të porsalindur: 40,000 lekë për fëmijën e parë, 80,000 lekë për fëmijën e dytë, 120,000 lekë të reja për fëmijën e tretë.

/portali DurresLajm/

Na bëni like në facebook!: 

Lajme nga e njëjta kategori

Mesditën e sotme ka ndërruar jetë, Pjetër Rodiqi, bashkëshorti i këngëtares së madhe Vaçe Zela.

Ministrja e Shëndetësisë dhe Mbrojtjes Sociale, Ogerta Manastirliu gjatë vizitës në qendrën e zhvillimit në Lushnje deklaroi se bashkitë

Ermira Demiraj, mjeke specialiste e lëkurës në spitalin Rajonal të Durrësit, ka ngritur një sërë problematikash në lidhje me shëndetin e

Fakulteti i Shkencave Ekonomike në Universitetin Ndërkombëtar në Strugë, iu ofron studentëve programe të shkëlqyera akademike në fushën e

Aparaturat e reja të investuara në shërbimin e dializës në QSUT kanë përmirësuar cilësinë e shërbimit për pacientët që e marrin këtë shër

Së paku deri më vitin 2050 shqiptarët që do të emigrojnë do të jenë në nivele shumë më të larta se ato që do të zgjedhin të rikthehen për

Bibliotekat publike në Tiranë, duket se po kthehen në tendencë për qytetarët e të gjitha grupmoshave.

Universiteti Ndërkombëtar në Strugë, tashmë e ka shndërruar në një praktikë, organizimin dhe realizimin e vizitave të shumta studentore n