"Mallkimi" që përndjek ish-hotel "Vollgën" ku humbi jetën aktori i njohur

Postuar: 06/11/2017 - 13:31

Veç vlerës simbolike për qytetin e Durrësit, asaj arkitekturore dhe asaj financiare, ish-hotel "Vollga" ka edhe një rëndësi të madhe për historinë e kinematografisë shqiptare. Pikërisht në këtë vend i ka dhënë fund jetës Artisti i Popullit, Sandër Prosi.

Por duket se, "mallkimi" i hotelit, që nisi me vetëflijimin e aktorit më të njohur shqiptar në vitet '80, ka vijuar edhe gjatë 25 viteve të demokracisë.

I pozicionuar në krah të "Kullës Veneciane" dhe vendit ku u bë rezistenca e parë antifashtiste, më 7 prill 1939, gjithçka përreth ka marrë një tjetër pamje.

Vetëm ish-hotel "Vollga" ka mbetur si një ishull i rrënuar në mes të zhvillimit të Durrësit. Nga njëra anë, 25 vite procese gjyqësore mes pronarëve, e nga ana tjetër interesat e mëdha që janë për atë ndërtesë.

Historia e ndërtimit të ish-hotel "Vollgës" nis në vitin 1938, që qëllimisht u mendua të shërbente si seli e Komandës së Marinës italiane. Por pas pushtimit të Shqipërisë, italianët vendosën ta shndërronin atë në një hotel luksoz, duke i vënë edhe emrin Hotel dei Dogi” më 21 prill 1940. Deri në atë kohë, ai shërbeu edhe si spital ushtarak.

Me kapitullimin e Italisë dhe pushtimin e Shqipërisë nga Gjermania, "Hotel dei Dogi" merret nën administrim nga gjermanët dhe i ndryshohet emrin në "Majestic". Pas çlirimit të Shqipërisë, drejtuesit komunistë vendosën t’ia ndryshojnë sërish emrin, duke e quajtur "Hotel Vollga" për shkak të marrëdhënieve me Bashkimin Sovjetik.

Që nga viti 1949 e deri në vitin 1990, hotel "Vollga" ka qenë një nga zonat më të preferuara për pushuesit në qytetin e Durrësit, duke u shndërruar dhe në një simbol për këtë qytet.

Por, pas rrëzimit të komunizmit, u rrëzua dhe miti i hotel "Vollgës". Në vitin 1999, ai u shndërrua në një vend pritjeje për shqiptarët e Kosovës të larguar nga lufta.

Që nga ajo kohë, pronësia e hotelit ka kaluar në një kalvar të gjatë procesesh gjyqësore dhe dhurimesh misterioze, dhe asnjëherë të hetuara në thellësi. Deri më sot, kur aktualisht sipas Prokurorisë, ish-hotel "Vollga" rezulton të jetë në pronësi të Emiliano Shullazit.

Rreth dy muaj më parë, kryeprokurori Adriatik Llalla, në analizën vjetore të Prokurorisë së Durrësit deklaroi se, vrasjet në këtë qytet kanë ardhur si pasojë e prishjes së pazareve të drogës dhe të marrjes së pronave në mënyrë të paligjshme. E duket se, një nga pronat për të cilat ai ka folur, është edhe ish-hotel "Vollga". /TCH

/portali DurresLajm/

Na bëni like në facebook!: 

Lajme nga e njëjta kategori

   Gjermania është kthyer në ëndrrën dhe mundësinë e çdo të riu shqiptar.

SHÇBA ka arrestuar 6 punonjës të Policisë Kufitare për korrupsion pasiv, shpërdorim detyre dhe dhënie ndihme për kalim të paligjshëm të k

   Italia po përballet me një krizë në sektorin shëndetësor, pasi në të gjithë vendin nevojiten rreth 53 mijë infermierë.

Fakulteti i Studimeve të Integruara me Praktikën pranë Universitetit “Aleksandër Moisiu” në Durrës, fton studentët që të aplikojnë në pro

Me një qetësi që gati të habit pasi ato çka nxjerr nga goja mund të kenë lënduar shumë zemra, Batin Duka ka treguar në emisioni ‘Me zemër

Për vitin 2018 Shqipëria ka numrin më të lartë të të burgosurve për 100 mijë banorë.

   Trendi i vajzave të reja dhe jo vetëm për të zbehur rrudhat në fytyrë apo për të zmadhuar pjesë të ndryshme me “lifting” apo mbushje,

   “Fiks Fare” solli mbrëmjen e së hënës historinë e një vajze të vogël, Elvanës 6-vjeçare, të cilën gjakësi e ka detyruar të nisë shkoll

Është rikthyer sërish në emisionin "Me zemër të hapur" historia e incestit në një familje në Tiranë, ku babai ndodhet pas hekurave pasi a