''Gjatë muajit tetor, muaji i ndërgjegjësimit për kancerin e gjirit, mamografët e lëvizshëm po ofrojnë shërbim pa ndërprerje afër vendbanimit për diagnostikimin në kohë të kancerit të gjirit për gratë, nga veriu në jug të vendit''.
Ministrja e Shëndetësisë dhe Mbrotjes Sociale, Ogerta Manastirliu ndoqi nga afër ofrimin e këtij shërbimi në Fier, ku mamografi i lëvizshëm do të qëndrojë për disa ditë.
''Këtë vit dyfishuam shërbimin e mamografisë në spitalet rajonale, por edhe aty ku ende nuk ofrohet ky shërbim, ne po e mundësojmë me mamografët e lëvizshëm, me të cilët shërbimi po ofrohet afër vendbanbimit, jo vetëm në tetor, por gjatë të gjithë vitit'', tha Manastirliu.
Vetëm gjatë 9-mujorit të parë të këtij viti, janë kryer 1400 mamografi më shumë se i gjithë viti 2017.
Gjatë muajit Tetor, shërbimi i mamografisë ofrohet falas me orar të zgjatur, nga ora 08:00- 18:00 nga e hëna në të premte dhe 08:00-14:00 të shtunave në Poliklinikën e Specialiteteve nr. 3 në Tiranë, në Maternitetin ''Mbretëresha Gerladinë'', në QSUT si dhe në 9 spitale rajonale ku ofrohet ky shërbim.
Ndërsa mamografët e lëvizshëm përgjatë muajit Tetor po ofrojnë shërbim në Skrapar, Fier, Ersekë, Sarandë, Lezhë, Burrel, Bajram Curri, Fierzë, Bulqizë, etj.
Vetëm nëpërmjet mamografëve të lëvizshëm, kryhet ekzaminimi i gjirit falas për rreth 5500 gra në vit, duke e dyfishuar numrin e mamografive të kryera në rang kombëtar, rreth 10,000 në vit.
