Matura shtetërore, sot provimi i Gjuhë-Letërsisë për 36 mijë maturantë

12/06/2019 - 11:05

Pas provimit të parë të maturës shtetërore, atij të gjuhës së huaj të kryer më 7 qershor, mbi 36 mijë maturantë në Shqipëri do t’i nënshtrohen sot provimit të Gjuhës Shqipe dhe Letërsisë.

Testimi i nisur në orën 10 do të zgjasë dy orë e gjysmë. Maturantët duhet të kontrollohen me dedektorë në mënyrë që nxënësit që mos të kenë pajisje elektronike pasi në të kundërt do të ketë penalitete. 

Në fakt këtë vit ka ndryshime. Për herë të parë kurrikula çon drejt dy lëndëve, jo një lënde të përbashkët siç ka qenë deri në 2018-n, kur gjuha dhe letërsia ishin bashkë, kështu që do operohet me dy pjesë brenda një testi. Pra, teknikisht testi ka ndryshuar.

Ndërkaq, maturantët janë njohur që në fillim të vitit me programin orientues me 15 vepra dhe 14 autorë. Testi do të përmbajë 34 pyetje, nga të cilat 20 do të jenë me alternativa. Kryesisht pyetjet me alternativa do të fokusohen te njohuritë gjuhësore, më pas do të ketë dy tekste letrare ku do të mbështeten pyetjet me zhvillim dhe në fund pjesa kreative eseja.

Veç testit, maturantët duhet të plotësojnë edhe një fletë tjetër ku do të mbushin me përgjigjet e sakta të pyetjeve me alternativa rrethet përkatëse, për të mundësuar për herë të parë korrigjimin digjital. Pikët në test janë shtuar gjithashtu, nga 50 vitin e shkuar, këtë maturë do të jenë 60.

/portali DurresLajm/

Na bëni like në facebook!: 

Lajme nga e njëjta kategori

Ka përfunduar edicioni i katërt i Maratonës së Tiranës, e cila është dominuar sërish nga sportistët kenian, që kanë qenë fitues të gjysmë

Ata jetojnë në kushte ekstreme varfërie, humbja e njeriut të zemrës e ka lënë nënën 35-vjeçare me dy fëmijët e saj në kushte të vështira

Në periudhën 12 tetor — 14 tetor 2019, do të kryhet procesi i aplikimit online për raundin e tretë në portalin U-Albania. Kanë të drejtë

Fakulteti i Biznesit, i universitetit “Aleksandër Moisiu” të Durrësit, së bashku me një grup shkollash profesionale nga qytete të ndryshm

Në Ditën Botërore të Shëndetit Mendor, Ministria e Shëndetësisë dhe Mbrojtjes Sociale hapi Qendrën e re Komunitare të Shëndetit Mendor dh

Emigrimi i punëtorëve me arsim të lartë drejt vendeve europiane shihet me shqetësim në raportin e fundit të Bankës Botërorë.

Dhuna ndaj grave është një fond i rëndë social po që e impakton shumë negativisht ekonominë një vendi.

Dëmet që shkaktoi tërmeti i 21 shtatorit janë më të dukshme në banesat e vjetra, disa prej të cilave janë tashmë të pabanueshme.