Mbetjet, mundësia për depozitim nga Porto Romano në Manzë

17/05/2014 - 19:45

DURRËS, 17 maj 2014 –   Vetëm pas miratimit të reformës territoriale, qeveria shqiptare do të miratojë dhe financojë një vend-depozitim të ri për mbeturinat urbane të bashkisë së Durrësit, i cili do të jetë rajonal, ka konfirmuar në telefon për “Dyrrah”-un qytetari nr. 1 Vangjush Dako.

Për periudhën 2010-2030 Durrësit i nevojitet një kapacitet asgjësues për 2,1 megatonë mbetjesh të ngurta bashkiake.

Kërkesa për vëllimin total të landfill-it varet kryesisht nga kjo sasi.

Megjithatë, gjatë 20 viteve të ardhshme, ka shumë mundësi që të zbatohen aktivitetet e riciklimit, duke reduktuar sasinë totale të mbetjeve për asgjësim.

Për llogaritjen e vëllimit të kërkuar të landfillit, është supozuar se norma e materialit të rikuperuar do të rritet nga 0 në 15 për qind në vitin 2020.

Dendësia e mbetjeve është llogaritur në vlerën 0.9 t/metra kub, karakteristike kjo për rastet kur praktikohet rëndom ngjeshje e lartë për mbetjet.

Dendësia e mbetjeve mund të rritet në mënyrë të konsiderueshme nga 0.9 t/metra kub në 1.2 t/metra kub duke aplikuar para trajtimin biologjik para se të mbushet landfilli.

Në të njëjtën kohë, sasia totale e mbetjeve për asgjësim do të reduktohet me 10 për qind.

Janë vlerësuar dy situate (skenarë): landfill sanitar (pa trajtim), dhe trajtim mekanik biologjik (landfilli me TMB)

Bashkia e Durrësit ka nevojë për një landfill me vëllim përafërsisht 500 000 metra kub për një periudhë 5-vjeçare, në qoftë se do të operohet si një lendfill sanitar i thjeshtë.

Në rastin e landfillit me TMB, vëllimi i kërkuar i lendfillit ulet në rreth 350 000 metra kub për një periudhë 5-vjeçare.

Sipas llogaritjeve popullsia do të arrijë mbi 305 654 banorë në vitin 2030 dhe sasia e mbetjeve për asgjësim do të kapë shifrën 467 tonë në ditë ose 170 465 t/vit. (konsumimi aktual është 7993 metra kub/muaj, kërkesa e pritshme deri në vitin 2030 është llogaritur të jetë rreth 14,205 metra kub/muaj).

Bazuar në këto rrethana, është bërë një përllogaritje e avancuar e jetës operacionale të mbetur e vendhedhjes së Porto Romanos.

Meqenëse vëllimi i disponueshëm i asgjësimit të mbetjeve në vend-hedhjen e Porto Romanos do të ezaurohet në mesin e vitit 2015 (bazuar në llogaritjet e bëra), bashkia e Durrësit duhet të fillojë të ndërtojë instalime të reja për asgjësimin e mbetjeve.

Opsionet e disponueshme aktualisht janë: zgjerimi i vend-hedhjes ekzistuese të mbetjeve në ligatinë; krijimi i një territori të ri për impiantin e ri të asgjësimit të mbetjeve bashkiake; pjesëmarrja në një impiant të përbashkët të asgjësimit të mbetjeve me bashkëpunim rajonal.

Madhësia minimale e landfillit të ri është përzgjedhur duke marrë në konsideratë aspekte të shumta, ku jeta operacionale minimale e landfillit prej 20 vjetësh dhe mundësia për zgjerim të mëtejshëm ishin aspektet më të rëndësishme.

Ka një projekt për vendndodhje në Manzë, përfaqëson një vendndodhja të realizueshme dhe praktike për një landfill të ri sanitar dhe realizimi përfundimtar i projektit do të jetë një hap shumë i rëndësishëm drejt sistemit modern të menaxhimit të mbetjeve në qarkun e Durrësit.

Në foton kryesore jepet një nga projektet për ndërtim landfilli në Manzë.

/th. m. agjencia e lajmeve “Dyrrah”/

 

/portali DurresLajm/

Na bëni like në facebook!: 

Lajme nga e njëjta kategori

Buxheti për sektorët e Shëndetësisë dhe Mbrojtjes Sociale për vitin 2020 parashikohet të jetë 77 miliardë e 735 milionë e 940 mijë lekë.

Gjatë muajit nëntor, janë punësuar 58 mjekë të rinj në qendra shëndetësore dhe spitalet publike në vend me portalin “Mjekë për Shqipërinë

Historia e komplikuar midis nuses dhe vjehrrës së saj ishte sot pjesë e “Ka një mesazh për ty”.

Bashkia e Durrësit vijon mbështetjen e saj për arsimin e fëmijëve, edhe në rastet kur familjet e tyre kanë vështirësi për të garantuar kë

Ministria e Shëndetësisë dhe Mbrojtjes Sociale financon 24 milionë euro në vit për sëmundjet tumorale, duke e rritur me gati 3 herë finan

Finalizohet operacioni policor "Stadiumi", kapet dhe ndalohet një 23-vjeçar, për veprat penale "Armëmbajtja pa leje" dhe "Prishja e qetës

Numri i personave të moshës 20 dhe 79 vjeç me diabet pritet të arrijë në 700 milionë deri në vitin 2045, sipas studimeve të fundit nga Fe

Një anketë e Qendrës Shqiptare Kundër trafikut të Qenieve Njerëzore në më shumë se 1000 persona ketë vit në të gjithë vendin gjeti se 77%

Në orën e fiskulturës në shkollën e mesme “Myslym Shima” në Yzberisht, për shkak të reshjeve këtë të mërkurë nuk u bë mësim por mësuesja

Nis vaksinimi kundër gripit për kategoritë e rrezikuara, për të parandaluar komplikacionet e gripit.