"Na u ka nxi jeta!" 50 familje në Durrës ankohen për rrugën që përshkojnë për të shkuar në shtëpi (FOTO)

11/12/2019 - 20:18

50 familje në lagjen nr.17 të Durrësit, në zonën e ish-Kënetës, ankohen për infrastrukturën rrugore mjaft të rënduar.

Një banor i kësaj zone ka sjellë në redaksinë e DurrësLajm foto nga rruga “Danubi”, në të cilën mbizotërojnë gropat e mëdha përgjatë gjithë këtij aksi, uji dhe balta, që janë shoqërues të përhershëm të familjeve që jetojnë aty.

Në të njëjtën kohë, krahas infrastrukturës shumë të degraduar, për komunitetin e banorëve shqetësim më vete përbën edhe një varrezë makinash, që u pengon rrugën për të shkuar në shtëpi.

“Na u ka nxi jeta, kemi frikë me ik në shtëpi se kemi një varrezë makinash, që na bllokon rrugën çdo natë. Rruga është copë-copë dhe kanali që ka ngel hap është gjithnjë burim infeksionesh. Është bo 20 vjet që jetoj në Durrës, si kanë vendos dorë fare. Të gjitha i kanë shtru, vetëm rrugicën e lagjes sonë se kanë bo. Jemi 50 familje, që kalojmë çdo ditë në këtë rrugë”,- shkruan banori i zonës.

Në një kohë, kur e gjithë vëmendja e strukturave shtetërore është përqendruar tek dëmet e shkaktuara nga tërmeti i 26 nëntorit, 50 familjet që banojnë në rrugën “Danubi” kërkojnë të mos harrohet aksi i tyre nga bashkia, por të përfshihet në infrastrukturën rrugore që do të rikonstruktohet me fondet e buxhetit të vitit të ardhshëm.

/portali DurresLajm/

Na bëni like në facebook!: 

Lajme nga e njëjta kategori

Në sallën  e konferencave të Fakultetit të Edukimit, të enjten u mbajt një leksion i hapur nga  Prof. As. Dr.

Hapësirat e pakta publike që kanë mbetur në Durrës shfrytëzohen gjatë orëve të paradites nga të moshuarit, që shfrytëzojnë ditët me diell

 “Targeti i vendosur prej 475 mijë qytetarësh për kryerjen e Kontrollit Mjekësor Bazë është kapërcyër me mbi 7700 qytetarë, që do të

"Në të dy sektorët e shëndetësisë dhe atë të mbrojtjes sociale janë 41 dokumente,  të cilat qytetarët mund t’i aksesojnë online".

Në një rrëfim ekskluziv për emisionin "Me Zemër të Hapur", në News24, bashkëshorti i 50-vjeçares Drita Saliaj, që u masakrua nga tre të r

Sipas një skenari normal, pa rritje të emigracionit dhe rënie të lindjeve mosha mesatare e popullsisë Shqipërisë sipas projeksioneve të O

Në Zyrën Postare Priskë, vjehrra punon në vend të nuses.

Vitet e fundit është rritur interesi për të studiuar në degët e informatikës.

Rubrika “Shihemi në Gjyq” në emisionin “E Diela Shqiptare” në Tv Klan ka sjellë sot historinë e dhimbshme të zonjës Deliko.