Në Durrës studentët po synojnë më tepër drejt këtyre 3 profesioneve (VIDEO)

12/11/2017 - 16:00

Kërkesa nga Gjermania për infermierë e punonjës kryesisht në sistemin shëndetësor, ka bërë që mijëra të rinj të synojnë diplomimin në Fakultetin e Studimeve Profesionale në Durrës, në universitetin “Aleksandër Moisiu”, i cili rezulton i lidhur ngushtë me programet e punësimit brenda e jashtë vendit.

Me disa degë në shkencat mjekësore, teknologji automobilash, navigacion detar etj, studentët e këtij fakulteti janë të punësuar menjëherë pas përfundimit të studimeve. “Raporti i kuotave me pranimet në degët e shkencave mjekësore ka diferencë të madhe. Kuotat shkojnë deri në 300 studentë të rinj për degë, ndërsa aplikimet janë pesë herë më shumë për secilën degë”, deklaroi dekani i fakultetit Osman Metalla.

Studentët e shkencave mjekësore të infermierisë, mamisë e fizioterapisë, menjëherë pas diplomimit kanë synuar punësimin në Gjermani e në Angli.  

Infermierët dhe fizioterapistët e rinj janë dy prej specialiteteve për të cilat ka nevojë tregu ndërkombëtar i punës, duke bërë që edhe programet e studimit të këtij universiteti të përshtaten. Praktika profesionale e të gjithë studentëve kryhet në spitalin rajonal të Durrësit, ku falë bashkëpunimit me mjekët e spitalit, studentët dalin më të përgatitur”, tha Osman Metalla dekan i fakultetit.  

Një numër i madh mjekësh e infermierësh kanë aplikuar për të punuar në Gjermani gjatë dy viteve të fundit, pas kërkesës së lartë që ka tregu i punës atje për specialistët e kësaj fushe.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Desi Balliu është një 53-vjeçare, kryefamiljare që banon në Durrës prej më shumë se një dekade.

Në Ditën Botërore të Hipertensionit, Ministria e Shëndetësisë dhe Instituti i Shëndetit Publik organizuan Forumin Shkencor: “Kontrolli Mj

Qeveria shqiptare ka marrë një tjetër vendim për zgjerimin e përfituesve të fishave të diabetit falas.

Televizioni dhe interneti luajnë një rol të rëndësishëm në edukimin e fëmijëve.

Të gjitha godinat e Spitalit Rajonal të Durrësit janë në proces lyerje prej disa javësh.

Largimi i të rinjve, tendenca e çifteve për të bërë më pak fëmijë, pasiguria për të ardhmen, të ardhurat e pakta të disponueshme, ndryshi

Nuk ka rëndësi nëse ju jeni një udhëtar për çështje biznesi ose dikush që shkon jashtë për pushime, një nga shqetësimet kryesore që do të

Zgjerimi i sektorëve të ekonomisë që nuk kërkojnë shumë kualifikim, të tillë si fasoni, call center, turizmi etj, po e bëjnë gjithnjë e m