Nismë në mbështetje të grave në Durrës, arsyeja pse duhet të dorëzoni këpucët që nuk i vishni më

23/02/2021 - 10:24

Nëse keni një palë këpucë, të kuqe apo çfarëdo ngjyre dhe modeli që nuk ju duhen më, mund t'i dorëzoni pranë teatri "Aleksandë Moisiu" në Durrës për t'u bërë pjesë e fushatës sensibilizuese kundër dhunës ndaj gruas.

Teatri "Aleksandër Moisiu" do të xhirojë në skenën e tij 8 histori të vërteta grash shqiptare të cilat kanë humbur jetën ose kanë vuajtur dhunë fizike, seksuale a psikologjike.

Videot do të xhirohen më datë 27 shkurt, ndërsa më 8 mars, këpucët do të vendosën në shkallët në mes Prefekturës dhe Galerisë "Nikolet Vasia".

NJOFTIMI I PLOTË I TEATRIT

A ke një palë këpucë për gra çfarëdo që nuk i vesh më?

A ke një palë këpucë të kuqe apo çfarëdolloj ngjyre e modeli që nuk të duhen më?

Ju ftojmë t'i sillni në Teatrin "Aleksandër Moisiu" çdo ditë, duke u bërë kështu pjesë e fushatës sensibilizuese kundër dhunës ndaj gruas.

KËPUCËT E KUQE, është fushatë kundër dhunës së grave në familje e shoqëri.

Një fushatë e cila që prej vitit 2009, ka mbushur sheshet e qyteteve të ndryshme në botë, ku me qindra këpucë të ndryshme grash, të kuqe ose të lyera me të kuqe, vijnë si simbol i gjakut të derdhur të grave/vajzave, po ashtu edhe si simbol dashurie e kujtese për gratë që nuk jetojnë më.

Teatri "A. Moisiu" do të xhirojë në skenën e tij, 8 histori të vërteta grash shqiptare të cilat kanë humbur jetën ose kanë qenë viktima të dhunës fizike, seksuale a psikologjike. Skenografia e këtyre videove do të jetë një skenë e mbushur me këpucë të kuqe.

Videot do të xhirohen me datën 27 shkurt, e për këtë arsye kemi nevojë të na ndihmoni të gjitha/të gjithë, që grumbullimi i këpucëve të nisë sa më parë. Sillni një palë këpucë çfarëdolloj modeli dhe ngjyre e piktoret/piktorët vullnetare/vullnetarë, do ti shndërrojnë ato në të kuqe.

Më pas të gjitha këpucët e lyera, do të vendosen me datë 8 mars në shkallët në mes Prefekturës dhe Galerisë së Artit Pamor "Nikolet Vasia", ku do të qëndrojnë gjithë ditën e kush dëshiron mund të sjellë një degëz mimoze.

#qëhistoriatëmosharrohet #qëhistoriatëmospërsëritet

Shpërndajua sa më shumë grave, vajzave, miqve e shokëve. Të gjithë bashkë kundër dhunës!

A ke një palë këpucë për gra çfarëdo që nuk i vesh më A ke një palë këpucë të kuqe apo çfarëdolloj...

Posted by Teatri Aleksander Moisiu Durres on Monday, February 22, 2021

/portali DurresLajm/

Na bëni like në facebook!: 

Lajme nga e njëjta kategori

Shqiptarët duhet të punojnë 5 orë e 22 minuta për të paguar faturën më të lirë mujore të internetit me brez të gjerë, sipas një harte të

Një ditë pasi aksidenti i mori jetën 16-vjeçarit Flavio Osmani, banorët e Sukthit kërkojnë të ndërhyhet në rrugën që u bë shkak për ngjar

Mateo Osmani, djali i kreut të Njësisë Administrative Sukth, Rrapo Osmani i ka dedikuar një postim prekës vëllait të tij, Flavios, i cili

Teksa prej më shumë se një viti koronavirusi është kthyer në temën kryesore, duke rrëmbyer vëmendjen e të gjithëve, qytetarë, institucion

Shitjet online u revolucionarizuan gjatë pandemisë Covid-19, pasi masat kufizuese detyruan shumë biznese të operojnë në kushte jo të zako

Zhvillimet demografike në vend janë përkeqësuar më tej gjatë vitit 2020, duke lajmëruar një përkeqësim të numrit të popullsisë në shumicë

Në muajin janar 2021 inflacioni i matur sipas metodës së Eurostat shënoi 0.6% ose 0.2 për qind, më i lartë se matjet kombëtarë nga INSTAT

Numri i pagesave me kartë në Shqipëri arriti në më shumë se 5.8 milionë gjatë vitit 2020, niveli më i lartë i regjistruar ndonjëherë.

Një tjetër rast tragjik është shënuar në spitalin "Shefqet Ndroqi", ku një 32-vjeçare ka ndërruar jetë për shkak të koronavriusit.

Shqipëria ka filluar gradualisht procesin e vaksinimit, fillimisht me mjekët dhe personat mbi 80 vjeç, por deri tani vetëm me ata që krye