Prindërit duan të ligjërohet kanabisi për fëmijët autikë

10/10/2019 - 20:37

Disa fëmijë autikë i kanë simptomat aq të rënda sa as ilaçet nuk u bëjnë efekt. Megjithatë, shumë prej prindërve thonë se kanabisi, ose më mirë kanabidioli (CBD), përbërësi që nxirret prej bimës së marijuanës, ka ndihmuar në shumë raste që t’ua zbutë simptomat.

Pak studime janë bërë, por ato që janë bërë kanë dalë me rezultate befasuese. Një studim i kryer me 53 fëmijë 4-22 vjeç të cilët morën kanabidiol për 66 ditë, tregoi se në 67.6% të rasteve u ul agresiviteti ndaj vetes dhe ndaj të tjerëve; në 8.8% u përkeqësua.

Ndërsa simptoma e hiperaktivitetit u përmirësua në 68.4% të fëmijëve, nuk ndryshoi me 28.9% dhe u përkeqësua me 2.6%. Problemet me gjumin u përmirësuan në 71% të rasteve, u përkeqësuan në 4.7%.

Po ashtu dhe problemet me ankthin u përmirësuan në 47.1% të rasteve dhe u përkeqësuan në 23.5%. Efektet anësore kanë qenë përgjumja dhe ndryshimi me oreksin, por jo në nivele shqetësuese.

Për këtë arsye, shumë prindër duan me dëshpërim që kanabisi të lejohet të shitet për fëmijët e tyre autikë. Por përdorimi i kësaj substance mbetet i paligjshëm.

Një grup nënash u ngritën në formë mini-proteste në Arizona, në maj të vitit 2018, dhe kërkuan që të ligjërohej. “Po të dua të drogoj fëmijën tim, mjafton t’i jap ilaçet e sugjeruara nga mjeku. Kanabisi e qetëson realisht”, tha një prej nënave.

Kanabisi për autizëm u rikthye në qendër të vëmendjes kur Kalel Santiago, një fëmijë në Porto Riko, i cili kishte autizëm në shkallë aq të rëndë sa nuk fliste dot, nisi të thotë fjalët e para vetëm pasi i vendosej dy herë në ditë vaj kanabisi në gojë, sipas dr.Martinez, mjekut që e trajtoi.

Këtij fëmije në Porto Riko i është dhënë CBD që është nxjerrë nga kërpi, një bimë e ngjashme me kanabisin dhe që është e ligjshme. Dr.Martinez hapi më pas një kompani dhe shitjet e kanabidiolit të nxjerrë nga kërpi tani i shkojnë rreth 150 mijë dollarë në muaj.

/portali DurresLajm/

Na bëni like në facebook!: 

Lajme nga e njëjta kategori

“Strategjia e rihapjes do të vijojë sipas fazave që komiteti teknik i ekspertëve ka miratuar.  Do të vijojmë me hapjen e çerdheve dhe kop

Andrea Karanaxha është një prej pensionistëve në qytetin e Durrësit, që ka pasion kopshtarinë.

Imami Ervin Qylafku, i cili drejton Xhaminë e Madhe në Durrës, në urimin e tij për besimtarët për ditën e Fitër Bajramit, lutet vetëm për

Komuniteti Mysliman i Shqipërisë njofton të gjithë besimtarët se dita e parë e Fitër Bajramit është të dielën, më 24 maj 2020.

Mbyllja e lojërave të fatit në fund të vitit 2018 bëri që shumica e atyre që luanin në kazino apo pika bastesh të ktheheshin tek bixhozi

Shqipëria po bën hapa prapa në indeksin e zhvillimit njerëzor për shkak se vdekshmëria foshnjore po rritet vit pas viti dhe nga ana tjetë

Ministria e Shëndetësisë publikon udhëzuesin për masat që duhet të ndërmarrin institucionet e kopshteve dhe çerdheve në prag të hapjes, n

Ministrja e Shëndetësisë dhe Mbrojtjes Sociale, Ogerta Manastirliu, në Ditën Kombëtare të Jetimëve ka zgjedhur të shprehë mirënjohjen për

Muaji i Ramazanit në Shqipëri dhe në mbarë botën, pritet me shtim në adhurime nga besimtarët myslimanë, pasi janë 30 ditë dedikuar më shu