Programi për Fitër Bajramin, kreu i Komunitetit Mysliman uron të gjithë besimtarët

14/06/2018 - 12:32

Komuniteti Mysliman i Shqipërisë njofton të gjithë besimtarët se Fitër Bajrami do të falet ditën e premte në orën 06:00 në bulevardin “Dëshmorët e Kombit”, Tiranë.

Programi fillon në orën 05:30 dhe mbaron në orën 6:15.

Së bashku me programin e plotë, Komuniteti Mysliman përcjell edhe urimin e kryetarit të KMSH-së, H. Skënder Bruçaj për Fitër Bajramin, për të gjithë besimtarët.

Me emrin e Allahut, Mëshiruesit, Mëshirëbërësit!

Të gjithë së bashku përjetuam atmosferën shpirtërore të muajit të begatë të Ramazanit. Allahu i lartësuar na pastë pranuar agjërimin, adhurimet dhe lutjet që kemi bërë gjatë këtij muaji të madhnueshëm. Vetëm Atij i takojnë falënderimet dhe lavdet, që na mundësoi të përjetojmë gëzimin e festës së Bajramit.

Ta gëzojmë të gjithë së bashku festën e Fitër Bajramit. 

Krijuesi i gjithësisë me rastin e Fitër Bajramit na sjelltë paqe, begati, mirësi dhe shëndet në familjet tona dhe në mbarë shoqërinë shqiptare.

Bajrami është kohë e takimeve vëllazërore, është momenti i shprehjes së dashurisë dhe respektit për familjet tona, për fqinjët tanë dhe për të gjithë njerëzit që na rrethojnë.

Fitër Bajrami është momenti kur ne falënderojmë Krijuesin e gjithësisë për begatitë dhe mirësitë që na ka dhënë. Bajrami është koha kur ne i japim kuptim të sotmes dhe ndërtojmë shpresën per të ardhmen e ndritur. Bajrami është festë për zemrën, festë per shpirtin, festë për të gjithë myslimanët anembanë botës.

Të nderuar vëllezër e motra!

Ka shumë veçori që e karakterizojnë një mysliman, si: ndershmëria, bujaria, zemërgjerësia, largpamësia, por unë dua të theksoj më shumë sinqeritetin si një vlerë që duhet të jetë në epiqendrën e jetës së çdo myslimani. Ne jemi e pjesë e umetit të nderuar të profetit Muhamed a.s., shembullit më të lartë të moralit mes njerëzve. Si të tillë, jemi të obliguar që të përjetësojmë vlerat më të larta të moralit në çdo aspekt të jetës sonë të përditshme.

Sinqeriteti në veprat tona na afron drejt devotshmërisë dhe na largon nga hipokrizia. Sinqeriteti në dhënien e zekatit, të sadakasë dhe në gjitha veprat tona të bamirësisë, na afron drejt fitimit të kënaqësisë së Zotit dhe na largon nga egoizmi dhe mendjemadhësia. 

Krijuesi i gjithësisë vlerëson modestinë dhe jo arrogancën, Ai vlerëson bujarinë dhe jo koprracinë, Ai vlerëson të gjithë veprat tona, që në themel kanë sinqeritetin. 

Myslimani nuk rend pas dëshirës për t’u duartrokitur, duke i lidhur me veten të gjitha sukseset e arritura. Ai lumturinë nuk e kërkon te fama, pasuria, pushteti apo te gjërat e tjera të përkohshme, por te besimi në Zot dhe te përpjekjet për të fituar kënaqësinë e Tij.

Profeti Muhamed a.s. e krahason myslimanin me një pemë që jep vazhdimisht fryte dhe qëndron gjithmonë e gjelbër. Natyrisht që rrënjët e kësaj peme ushqehen nga besimi në Zot dhe frytet e saj janë veprat e mira të realizuara me qëllim të pastër dhe sinqeritet.

Zoti na bëftë prej njerëzve të sinqertë, prej atyre që synim kryesor kanë fitimin e kënaqësisë së Tij.

Gëzuar edhe njëherë e për shumë vjet Fitër Bajramin.

Paqja, siguria, begatia e Zotit qofshin mbi të gjithë ju, mbi familjet tuaja dhe mbi të gjithë shqiptarët kudo që ndodhen.

Zoti e bekoftë vendin tonë dhe popullin tonë.

/portali DurresLajm/

Na bëni like në facebook!: 

Lajme nga e njëjta kategori

Ministrja e Shëndetësisë dhe Mbrojtjes Sociale Ogerta Manastirliu inspektoi qendrën shëndetësore të Laprakës, një prej 4 qendrave shëndet

Universiteti “Aleksandër Moisiu” ka publikuar në faqen e saj, aplikantët të cilët janë shpallur fitues për transferim studimesh dhe progr

Ministrja e Ekonomisë dhe Financave, Anila Denaj, tha sot në emisionin ‘Open” se rritja e pagave të infermierëve dhe mjekëve do të bëhet

Qeveria Shqiptare ka marrë vendimin për t’u angazhuar financiarisht nëpërmjet mekanizmit COVAX, për të patur vaksinën e sigurt anticovid.

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, t

Disa zona të kryeqytetit do të kenë kufizime në oraret e energjisë elektrike gjatë javës së ardhshme.

Dy ditë pas protestës përpara kryeministrisë, nga ku u kërkua riatdhesimi i më shumë se 60 grave dhe fëmijëve shqiptarë nga kampi Al Hol

Në Qendrën Kombëtare e Transfuzionit të Gjakut, ku nga sot nisi aplikimi i metodës së re për sigurmin e drejtpërdrejtë të plazmës, me apa

Gjithnjë e më shumë nëpër botë, po vërtetohet se Covid-19 ka "aktivizuar" dhe shumë sindroma të tjera të cilat ndeshen shumë rrallë te pa

Pedagogu i Komunikimit Artan Fuga, me anë të një statusi në “Facebook” ka shkruar në liidhje me largimin nga posti i ministres së Arsimit