Projekt për monitorimin e menaxhimit të mbetjeve urbane në Durrësin e ri (FOTO)

Postuar: 17/06/2017 - 18:30

U zhvillua në Bashkinë Durrës Tryeza e Rrumbullakët “Durrësi i Ri – një destinacion jetësor për Ish-Kënetën”. Qendra për Zhvillim Komunitar “Sot për të Ardhmen” organizoi këtë tryezë, në kuadër të projektit “Monitorimi dhe vlerësimi qytetar mbi menaxhimin e mbetjeve urbane në zonën e Ish-Kënetës – Durrësi i Ri”, si pjesë e programit ACHIEVE “Shoqëria Civile Shqiptare për një Mjedis Evropian” i financuar nga Bashkimi Evropian dhe i zbatuar nga Qendra Rajonale e Mjedisit, Shqipëri (REC).

Projekti ka konsistuar në monitorimin dhe hartëzimin e shërbimeve publike të menaxhimit të mbetjeve urbane (mbledhje, transport, depozitim), rritjen e ndërgjegjësimit dhe edukimit qytetar për administrimin e mbetjeve urbane, për ndikimin e tyre në mjedis, në shëndetin e njeriut, në jetën në komunitet dhe në zhvillimin ekonomik, rritjen, edukimin dhe nxitjen e inisiativave të vogla në elementë të sistemit të menaxhimit të mbetjeve si ndarja, riciklimi, ripërdorimi dhe rivlerësimi.

Gjatë zbatimit të këtij projekti prej një viti, “Sot për të Ardhmen” ka monitoruar dhe vlerësuar opinionin dhe kënaqësinë e qytetarëve mbi menaxhimin e mbetjeve urbane në zonën e Ish-Kënetës apo të emërtuar “Durrësi i Ri”. Rezultatet e këtij procesi monitorimi u prezantuan në tryezën e rrumbullakët në të cilën morën pjesë Nënkryetari i Bashkisë Durrës Zhuljen Varfaj, drejtoresha e Zyrës së Politikave të Zhvillimit në Bashkinë e Durrësit Ina Xhakoni, Drejtoresha Ekzekutive e QZHK “Sot për të Ardhmen”, znj. Fabiola Laco, përfaqësues të institucioneve vendore, shoqërisë civile, banorë të zonës, të rinjtë përfitues të projektit etj.

Kjo tryezë jo vetëm përcoi kërkesat e qytetarëve drejtpërdrejtë tek funksionarët kompetentë të pushtetit vendor duke i përfshirë aktivisht, por dha gjithashtu një kontribut të rëndësishëm për rritjen e koordinimit dhe bashkëpunimit me pushtetin vendor dhe institucionet e referencës për mirëmenaxhimin e mbetjeve urbane. Gjetjet e raportit Bashkia Durrës do t’i prioritizojë në planet vendore për përmirësimin e menaxhimit të mbetjeve urbane duke synuar rritjen e investimeve në modernizimin e teknologjisë për evadimin dhe trajtimin e mbetjeve urbane si dhe infrastrukturës rrugore, shtimin e numrit të kontenierëve dhe frekuencave të mbledhjes së mbetjeve në to, partnerizimin për kryerjen e këtij shërbimi me operatorë të tretë duke formalizuar individët mbledhës të mbeturinave dhe nxitur sipërmarrësit për krijimin e bizneseve për evadimin dhe trajtimin e mbetjeve.

Aktiviteti vijoi me një panair produktesh të realizuar nga të rinjtë me mbetje të ricikluara të prodhuara gjatë projektit për sensibilizimin qytetar dhe të autoriteteve vendore në konsiderimin e mënyrave interactive jo vetëm në menaxhimin e mbetjeve, por edhe në përfshirjen e grupeve komunitare sidomos të të rinjve dhe fëmijëve në riciklim dhe ripërdorim të mbetjeve. 

/portali DurresLajm/

Na bëni like në facebook!: 

Lajme nga e njëjta kategori

   Sot në emisionin “Stop” u trajtua një temë mjaft delikate, largimi i fëmijës nga nëna e tij në mënyrë të padrejtë.

   Qeveria u ka premtuar banorëve të qarkut të Kukësit një tarifë preferenciale për qarkullimin në Rrugën e Kombit dhe për këtë zyrtarish

Alfred Gjeta është një i ri, i cili prej 15 vitesh jeton në Britaninë e Madhe, ndërsa familja e tij është shpërngulur në lagjen 17 në zon

Një 54-vjeçar nga Kavaja ka denoncuar në emisionin "Me zemër të hapur" në "News24", tradhtinë e gruas, të pretenduar nga ana e tij.

Një 54-vjeçar nga Kavaja i ka dhënë fund martesës së tij të gjatë për shkak të tradhtisë bashkëshortore.

   Genta, një vajzë me një zemër të madhe, ishte protagonistja e “Ka një mesazh për ty” në “E Diela Shqiptare” në Tv Klan.

Kisha Konkatedrale “Shën Luçia” në Durrës, me rastin e 150-vjetorit të ndërtimit të saj, është rikonstruktuar plotësisht, ndërkohë që bes

Paraja është padyshim mjeti i cili do të kalojë në duart e mijëra njerëzve në një periudhë relativisht të shkurtër kohore.

Mekja 15-vjeçare u bë nënë me djalë. Dhimbjet e lindjes e kapën në lulishten pranë pallatit të kulturës në Durrës.

Banorë të Fermë Xhafzotaj, kanë protestuar për një orë mëngjesin e sotëm duke bllokuar rrugën nacionale Durrës-Shijak, pas thir