Prostitucion në Tiranë, djali 12-vjeçar tutori i mamasë

10/09/2019 - 22:43

Emisioni “Stop” ka publikuar mbrëmjen e sotme me zë dhe figurë një tjetër kamera të fshehtë. Prostitucion në rrugë e pranë pallateve. Pamje skandaloze, që shqetësojnë banorët dhe fëmijë të mitur, që ndihmojnë të ëmën, të ushtrojë “profesionin” e saj, atë më të vjetrin e njerëzimit.

Gjithçka ndodh si ritual i përnatshëm, nën hundën e policisë. Banorët kanë ngritur zërin, por asnjë zgjidhje.

Emisioni “Stop” ka publikuar pamjet të cilat tregojnë pamjet se si gruaja në prani të dy fëmijëve të saj të moshës 6 dhe 12 vjeç ushtron prostitucion.

Djali 12 vjeçar flet me klientë dhe më pas njofton nënën e tij për takim.

Banore: “Unë jam një banore e kompleksit malajzian përballë Casa Italia. Si banorë këtu janë 2 mijë vetë që kanë të njëjtin shqetësim. Jemi drejtuar në polici disa herë. Është një zonjë me dy fëmijë të mitur që vjen pas orës 22:30 dhe pret klientët e saj këtu. Fëmijët janë njëri rreth moshës 12 vjeç, vajza është 7 vjeç. Fëmija 12 vjeç bën tutorin e nënës. Këtu mblidhen makina pafund, bërtasin, fëmijët qajnë. Ndonjëherë klienti nuk i jep lekët, zihen me grushte, shahen, ofendohen. Kemi frikë të dalim poshtë”.

Banore: “Jam në kat të parë, i ndjej zhurmat. Nuk dalim dot jashtë. Na vijnë fëmijë vonë natën, ne duhet të dalim t’i presim. Është bërë jetë e pajetueshme në këtë zonë këtu. Ky fenomen po ndodh për rreth gati 1 vit”.

Një person i infiltruar i “Stop”, që shfaqej si klient, ka zbërthyer përmes kamerës së fshehtë të gjithë këtë aktivitet kriminal. Pak metra më tutje qëndron një patrullë policie, e cila nuk ndërhyn por qëndron në distancë. Zonja që prostituon thotë se i njeh policët dhe nuk i shkaktojnë probleme.

Qytetari– Çakmak!

Qytetari– Na trëmbe me k’ta policat.

Qytetari– Çakmak!

Gruaja– Si, si?

Qytetari– Çakmak!

Gruaja– Ça më thua mua re?! Ku ikën ata? (Pyet për policët)

Qytetari– Lë, se kemi hallin e policisë!

Gruaja– I njof ata unë, po hë…!

Djali– Ma jep një cigare!

Qytetari– Të jap unë një cigare, po ik gjemë një çakmak!

Qytetari– Fëmijët e tu janë ata?

Gruaja– Po!

Qytetari– Çuna i ke të dy?

Gruaja– Po!

Qytetari– Sa vjeç janë?

Gruaja– 12, 6!

Djali 2- Iku policia? Shif njëherë!

Qytetari– Jo mo, k’tu janë. K’shu vijnë për ditë k’ta? (Policët)

Qytetari– K’shu vijnë k’ta?

Djali 2- Rrijnë këtej.

Qytetari– Ti, si e ke emrin ti, Ronaldo?

Djali 2 – Bledi!

Qytetari– Bledi, ta gëzosh! Flokët i paske yll fare. Do më gjesh noi çakmak?

Djali 2- Nuk e di ku ka, as ai s’kishte.

Qytetari– Po kujt ia dhe atë cigaren ti?

Djali 2- Kë?

Qytetari– Cigaren, kujt ia dha ai?

Djali 2- Më duket, se ia dha atij atje.

Qytetari– Ah, policit, hë?

Djali 2– Policit, policit, policit…

Qytetari– Po pra. janë dy.

Qytetari– Hë rrushi ngrije edhe çikë, ngrije, po për të kërcyer, kërcen?

Djali 2- S’paska pyetje hë xhaxh…(nuk kuptohet mirë)

Gruaja– Po ti më shumë pyet, sesa…. (Nuk dëgjohet)

Qytetari– Hë 50 mijë lekë!

Gruaja– Pastaj, do punoj çikë unë dhe pastaj më vonë.

Qytetari– Hë, më vonë, të vij më vonë unë, 50 mijë lekë?

Gruaja– Hë!

Qytetari– Në rregull!

Gruaja– Pse nuk më jep 100 mijë lekë ti mua dhe të shkojmë në vendet më të bukura edhe të rrij unë sa të dush ti, kurse këtu s’është’noi gjë kush e di, s’po të kërkoj noi gjë të madhe…

Gruaja– E kupton ti?

Qytetari– Vetëm një të prishur e ke 30 mijë lekë ti?

Gruaja– Jo, 10 të prishur…

Qytetari– Hë? Hë, se s’po tallem!

Gruaja– Oooooooo….

Qytetari– Vetëm një të prishur do marrësh 30 mijë lekë?! Po janë shumë!

Gruaja-….

Qytetari– Ti je dhe me taka.

Gruaja– Hajt!

Qytetari– Hë, se jemi andej ne!

Gruaja– Hajde k’tej!

Qytetari– Ku do vemë?

Qytetari– Po jemi andej më…

Gruaja: Po me rrushi, hajde futemi këtu!

Qytetari– Po!

Gruaja– Hajd, se jemi aty!

Qytetari– Po fëmijët? Se mos na vijnë këtej fëmijët..?!

Gruaja– Nuk vijnë, jo!

Qytetari- Po nuk do vish, se jemi me çunat atje më?

Gruaja- Po hajd mbarojmë punë, ku do vesh ti?

Qytetari- Po prezervativ ke ti?

Gruaja- Ca ra buzëkuqi?

Qytetari- Ke prezervativ ti?

Gruaja- Kam!

Qytetari- Hë?

Gruaja- Kam!

Qytetari- Po për ata?

Gruaja– Edhe për ata, s’kam ble dhe aq shumë, kam kam, 3 veta ,4…,kam.

Gruaja– Hë mo, hajt ktu!

Qytetari- Ec pra, futu para ti, ça rri?!

Banorët thonë se kanë lajmëruar disa herë policinë, por patrulla vjen, bisedon me gruan që prostiuon në rrugë dhe largohet.

Banore: “Kam lajmëruar disa herë policinë, kam shprehur këtë shqetësim dhe e vetmja gjë që kanë bërë, kanë ardhur, kanë bërë pak muhabet edhe kanë ikur. Zonja vazhdonte të njëjtën situatë”.

Telefonata 1

Denoncuesja- Kam lajmëruar disa herë policinë, kam shprehur këtë shqetësim dhe e vetmja gjë, që kanë bërë, kanë ardhur kanë bërë pak muhabet edhe kanë ikur. Zonja vazhdon të njëjtën situatë.

Denoncuesja- (Flet në telefon me policinë) Kam marrë disa herë për të njëjtin shqetësim me këtë zonjën k’tu, që del me dy fëmijët e mitur dhe prostituon këtu. A mund ta di, mund ta zgjidhni pak këtë çështje ju lutem, se është bërë shumë e bezdisur?

Policia- Tashi, ku është fiks ajo aty? Ca vendi, se ndahen ato, një pjesë e ka komisariati 3 një pjesë 6-ta, kshuqë, na ço çikë atë, ku është ajo.

Denoncuesja- Fiks, fiks sa futesh tek kompleksi “Malejzian” tek dy portat e mëdhaja, që janë që janë përballë “Casa Italias”. Por ju lutem të merren masa, jo vini të bëni pak muhabet dhe të ikni!

Telefonata 2

Policia- Policia e shtetit Tiranë, më thuaj!

Denoncuesja- Alo, mirëmbrëma! Alo mirëmbrëma!

Policia- Mirëmbrëma zonjë! Më thuaj!

Denoncuesja- Jam k’tu te kompleksi “Malajzian” përballë “Casa Italias”. Është një zonjë këtu me nja dy fëmijë të mitur edhe po na shqetëson, që bën prostitutën këtuja. Të lutem a mund të vini t’ma, t’na i nxirrni jashtë, se neve nuk mund të flemë dot gjumë, ora 12 e natës tashi.

Policia- Te “Malajziani”?

Denoncuesja- Po te “Malajziani”, ke femrën aty me dy fëmijë të mitur, edhe po na shqetëson, po na bën zhurmë.

Psikologia Denada Toçe thotë për “Stop” se ky është një rast skandaloz, aq më tepër që ndodh në prani të dy fëmijëve të gruas në fjalë. Ajo shprehet se shteti duhet të marrë masa për dy të miturit, në mënyrë që ata të socializohen, por edhe për vetë gruan që prostituohen duhet të ofrohet përkujdesje.

Psikologia Denada Toçe: “Gjithë vlerësimin maksimal që unë kam që Stopi sjell në sytë e qytetarëve denoncime ose sjell jetën reale që ekziston përtej portave tona, dhe ne nuk kemi sot një zgjidhje sepse vetë ne nuk po e njohim si po funksionon ky shtet. Ky rast ose ky fenomen kërkon një trajtim afatgjatë dhe rehabilitues të fëmijëve, të cilët kanë një tjetër koncept për jetën, që mund të fitojnë para dhe nëpërmjet abuzimit të nënës. Dhe vetëm akti i abuzimit që ata kanë parë dhe me sytë e tyre është një akt traumatik. Ata e perceptojnë si fenomen “normal” se është bërë rutinë, por me kalimin e kohës kjo situatë kthehet në traumatike. Kur të kuptohet nga fëmijët, nëse do arrihet të kuptohet, dhe t’i prezantohet një tjetër model perspektive, fëmijët do ta perceptojnë si një akt traumatik. Dhe nuk e dimë nëse këta fëmijë do përfitojnë nga kjo e ardhmja ndryshe, dhe një perspektivë edukimi të një tjetër natyre.

Nëse do përfitonin nga kjo do ishte fat i madh, por midis një situate shumë kaotike që ofrojnë institucionet shtetërore, është luks të mendosh që këta do ta përfitonin këtë lloj ndihme, këtë lloj trajtimi dhe këtë lloj rehabilitimi. Për momentin rekomandohet që nëna të mund të përfshihet në një situatë rehabilitimi vetë. Shteti të mund të ndërhyjë në situatën dhe në gjendjen socio-ekonomike të saj, të mund të ndërhyjë në rehabilitimin e fëmijëve, të ndërhyjë që këta fëmijë të mund të rehabilitohen, por e vetmja mundësi që ne kemi është që t’ia heqim nënës fëmijën dhe t’i çojmë në institucion. Dhe nuk jam e sigurtë nëse vetë institucioni do jetë abuzim apo jo për fëmijën. Nuk jam e sigurtë që institucioni do jetë mënyra e rehabilitimit të tyre. Jemi në një udhëkryq dhe në një ngërç shumë të madh që është institucional që fillon që nga institucioni familje dhe deri tek institucioni shtet”./ tvklan

/portali DurresLajm/

Video: 
Na bëni like në facebook!: 

Lajme nga e njëjta kategori

Mjaft kritike paraqitet situata në banesat e dëmtuara më rëndë nga dy lëkundjet e fuqishme të tërmetit të së shtunës.

Me një problematikë të shtuar si rrjedhojë e rënies drastike të numrit të nxënësve nisi edhe ky vit shkollor.

Vijon gatishmëria e ekipeve mjekësore në spitalin e Traumës, në QSUT dhe në spitalin e Durrësit.

Një banore e lagjes nr.13 në Durrës, tek një pallat shumë katësh, në rrugën “Venecia”, ka treguar për DurrësLajm tmerrin

Një grua e lënduar nga tërmeti i fuqishëm në Tiranë ka rrëfyer panikun. Duke mos dashur të tregojë fytyrën, por vetëm pjesën e dëmtuara n

Artisti i njohur Agim Mujo, vëllai i aktores së madhe shqiptare Yllka Mujo është ndarë nga jeta në moshën 63-vjeçare.

 Pas Turqisë, edhe Italia merr përsipër trajtimin e specializuar të rasteve të veçanta të pacientëve shqiptarë, me sëmundje  të rralla.

Nën kujdesin e Këndit të BE-së të Bashkisë së Durrësit u zhvillua një konkurs-ekspozitë me punime kreative të  nxënësve të disa shkollave

"Qesja e fundit" është nisma më e re e Ministrisë së Turizmit dhe Mjedisit, që u prezantua sot në auditoret e Universitetit "Aleksandër M