Prostitucioni në Tiranë, gruaja dhe fëmijët tutorë trajtohen me psikologë

11/09/2019 - 21:33

Emisioni “Stop” në Tv Klan denoncoi mbrëmjen e së martës një rast prostitucioni në Tiranë pranë qendrave të banuara dhe që ishte kthyer në shqetësim për qytetarët e asaj zone. Gruaja prostituonte në prani të dy fëmijëve të saj të mitur, 12 dhe 6 vjeç. Djali i madh shërbente si tutor i nënës së tij, duke negociuar me klientët dhe drejtues të automjeteve që ndalonin në anë të rrugës.

Pas këtij denoncimi, ka reaguar Policia e Shtetit për emisionin “Stop”, ku thotë se gruaja është proceduar më parë plot shtatë herë për raste të ndryshme; për vjedhje, prostitucion dhe dëmtime me dashje. Procedimi ndaj saj është zhvilluar në gjendje të lirë.

Në një rast, 39-vjecarja me iniciale E.D. ka kërkuar ndihmën e një personi për ta transportuar me justifikimin se kishte fëmijët me temperaturë. Më pas i ka vjedhur atij portofolin. Gjatë kontrollit të policisë në banesë, në prezencë edhe të bashkëshortit të saj, janë gjetur shuma e parave të vjedhura dhe një palë pranga metalike dhe një shkop gome, por ajo sërish u la e lirë për shkak të fëmijëve të mitur.

Policia sqaron gjithashtu se ka nisur procedimi disiplinor për punonjësit e policisë që kanë shkuar për të shoqëruar zonjën në fjalë pas denoncimeve nga banorët, dhe nuk kanë marrë asnjë masë, sikurse shfaqet në kamerën e fshehtë të “Stop”.

Reagimi i Policisë së Shtetit për denoncimin e “Stop”: Shtetasja E.D., 39 vjeçe është shoqëruar dhe proceduar penalisht nga Komisariati i Policisë shtatë herë për vepra penale të ndryshme, konkretisht:

– Më datë 03.06.2016 është shoqëruar dhe proceduar për veprën penale të “Vjedhjes”;

– Më datë 24.10.2017 është shoqëruar dhe proceduar për veprën penale të “Shfrytëzimit të Prostitucionit“;

– Më datë 12.04.2018  është shoqëruar dhe proceduar për veprën penale të “Vjedhjes”;

– Më datë 01.07.2018 është përfshirë në konflikt dhe është shoqëruar në ambientet e komisariatit të policisë nr.3;

– Më datë 25.08.2018 i ka vjedhur telefonin shtetasit E. Ç., dhe pasi është kapur nga shërbimet e policisë, është proceduar në gjendje të lirë për “Vjedhje”;

– Më datë 30.06.2018 është proceduar penalisht  për veprën penale “Dëmtime të tjera me dashje“;

– Më datë 12.04.2018, ka bërë kallëzim shtetasi I.M., se duke udhëtuar me makinë, tek rrethrrotullimi i mbikalimit Kamëz, e ka ndaluar shtetasja E. D., e shoqëruar nga dy fëmijë të mitur, e cila i ka kërkuar ndihmë për ta përcjellë më shtëpi, pasi kishte fëmijën me temperaturë. Pasi ka zbritur shtetasen E. D., shtetasi I. M., ka konstatuar se ajo i kishte vjedhur portofolin. Shërbimet e Policisë kanë ushtruar kontroll në banesën e kësaj shtetaseje, në prezencë të bashkëshortit të saj, ku gjatë kontrollit kanë gjetur shumën e lekëve, që kishte në portofol shtetasi I. M., si dhe një palë pranga metalike dhe një shkop gome, të cilat janë sekuestruar në cilësinë e provës materiale dhe janë përshkruar në procesverbalin e kontrollit të banesës.

Pas konsultimit me Prokurorin, kjo shtetase është proceduar në gjendje të lirë për veprat penale “Vjedhje” dhe “Prodhimi, mbajtja pa leje e armëve të ftohta”, për shkak se kishte dy fëmijë të mitur. Ndërkohë, Drejtoria e Standardeve Profesionale në Policinë e Shtetit  ka nisur hetimin disiplinor për punonjësit e Policisë të shfaqur në video, në lidhje me veprimet apo mos veprimet e tyre gjatë kryerjes së  detyrës. Policia e Shtetit ka reaguar ne secilin rast që ka konstatuar apo është sinjalizuar për shkelje të ligjit duke kryer veprimet në bazë të procedurës. Falenderojmë emisionin “Stop” për ndihmën që jep në denoncimin e rasteve të tilla dhe për ndërgjegjësimin qytetar për të luftuar së bashku si shoqëri kundër fenomeneve si rasti i publikuar në emisionin e mbrëmshëm.

Pas denoncimit nga emisioni “Stop”, gruaja që prostituonte dhe dy fëmijët e saj janë marrë nën kujdes social dhe po trajtohen me psikologë. Drejtoresha e Mbrojtjes dhe Punëve Sociale në Bashkinë e Tiranës, Migena Kokeri tha se gruaja me fëmijët është lokalizuar që në mëngjes dhe është asistuar nga psikologët.

Migena Kokeri, drejtoresha e Mbrojtjes dhe Punëve Sociale në Bashkinë e Tiranës: “Në çdo moment, Bashkia e Tiranës ka prioritet mbrojtjen e fëmijëve, ka prioritet interesin më të lartë të tyre. Rasti i djeshëm ishte një rast goxha sensitiv dhe ne kemi ndjekur me shumë vëmendje dhe me shumë angazhim, dhe sigurisht që punonjësit e mbrojtjes së fëmijëve janë sot në komisariat që në orët e para të mëngjesit për të ndjekur nga afër situatën. Momentalisht që flasim, nëna dhe dy fëmijët janë hospitalizuar për shkak të tensioneve, ankthit që kanë pasur.

Sigurisht është një situatë e vështirë sidomos për fëmijët edhe për nënën, dhe po ndiqet me staf profesionist, punonjës socialë, psikologë, terapistë në mënyrë që fëmijët të merren në mbrojtje. Vetë Bashkia e Tiranës ka skuadra terreni dhe punonjës mbrojtje nga ora 09:00 deri në orën 21:00. Më pas ne operojmë me telefonata. Nëse kemi sinjalizime, ne jemi shumë të gatshëm për të shkuar në komisariat, për të nisur procedurat në zbatim të ligjit të marrim fëmijët në mbrojtje sipas situatës që paraqitet.

Sinjali i parë është marrë nga ato çfarë është publikuar, megjithëse situata e nënës me dy fëmijët edhe pse kanë qenë asistuar gjatë gjithë kohës me punonjës socialë, psikologë të Bashkisë së Tiranës, përsëri kanë patur gjendje ankthi edhe depresioni dhe janë shtruar në spital për të marrë shërbimin e parë mjekësor dhe më pas për të proceduar për të mbrojtur fëmijën”. /tvklan.al

/portali DurresLajm/

Na bëni like në facebook!: 

Lajme nga e njëjta kategori

Bashkia e Durrësit vijon mbështetjen e saj për arsimin e fëmijëve, edhe në rastet kur familjet e tyre kanë vështirësi për të garantuar kë

Ministria e Shëndetësisë dhe Mbrojtjes Sociale financon 24 milionë euro në vit për sëmundjet tumorale, duke e rritur me gati 3 herë finan

Finalizohet operacioni policor "Stadiumi", kapet dhe ndalohet një 23-vjeçar, për veprat penale "Armëmbajtja pa leje" dhe "Prishja e qetës

Numri i personave të moshës 20 dhe 79 vjeç me diabet pritet të arrijë në 700 milionë deri në vitin 2045, sipas studimeve të fundit nga Fe

Një anketë e Qendrës Shqiptare Kundër trafikut të Qenieve Njerëzore në më shumë se 1000 persona ketë vit në të gjithë vendin gjeti se 77%

Në orën e fiskulturës në shkollën e mesme “Myslym Shima” në Yzberisht, për shkak të reshjeve këtë të mërkurë nuk u bë mësim por mësuesja

Nis vaksinimi kundër gripit për kategoritë e rrezikuara, për të parandaluar komplikacionet e gripit.

Në Shqipëri janë të shumta agjencitë e punësimit që pretendojnë, se punësojnë qytetarë jashtë Shqipërisë me kontrata të rregullta pune.

Kësaj radhe Open udhëtoi drejt Italisë ku bëri intervista me famijlarët e Alvin Berishës dhe më gazetarët e Le Iene që e bënë publike his

Babai i Alvin Berishës, Afrimi ka treguar detaje nga momentet e para që ka takuar me djalin e tij.