Rriten pranimet në Universitetin e Tiranës, kuotat për çdo degë (Tabela)

Postuar: 16/06/2017 - 08:31

Për të disatin vit me radhë, Universiteti i Tiranës ka vendosur të rrisë me 5% numrin e studentëve që do të pranojë vitin e ardhshëm akademik. Në tabelën e mëposhtme, paraqitet numri i pranimeve për çdo degë në gjashtë fakultetet e UT-së, të cilat kanë njohur rritje deri në 20%, ndërsa nuk mungojnë as profilet e studimit që ofrojnë këtë vit më pak hapësirë për kandidatët e rinj.

E pashpjegueshme është ulja e numrit të pranimeve në degë të kërkuara te Fakulteti i Shkencave të Natyrës, si Informatika dhe Teknologjia e Informacionit, të cilat kanë rreth 100 kuota më pak nga viti i kaluar, përkatësisht nga 200 dhe 100. Jashtë frymës së rritjes në përgjithësi ka vepruar Fakulteti i Shkencave Sociale me 10% më pak kuota thuajse për secilën degë.

Nga ana tjetër, mund të thuhet se rritja ka prekur degët e Histori-Filologjisë dhe Gjuhët e Huaja. Fakulteti i Ekonomisë, ashtu siç ka lajmëruar edhe më herët, ka rritur numrin e studentëve me 10- 20% për degë, ndërsa Drejtësia, si program i integruar 5- vjeçar, këtë vit vjen me një unifikim kuotash e tarifash.

Nga 660 të ofruara një vit më parë, numri ka shkuar në 750 kuota. Ato që është thënë se nuk do të ndryshojë në raport me një vit më parë janë tarifat, që për momentin janë burimi kryesor i të ardhurave për universitetet.

KRITERET
Për t’u lënë më shumë hapësirë maturantëve për të bërë zgjedhjen e tyre, Universiteti i Tiranës ka publikuar që në muajin janar kriteret për përllogaritjen e pikëve finale për secilin kandidat. Të përmirësuara në raport me një vit më parë, ata kanë një orientim specifik për çdo fakultet dhe degë studimi dhe bazohen në tri elemente thelbësore: mesatarja e studimeve të tri viteve, mesatarja e gruplëndëve specifike sipas programit të studimit, si dhe provimet e Maturës Shtetërore.

Më konkretisht, te Histori-Filologjia do të vlerësohet me 80% mesatarja aritmetike dhe 20% mesatarja e lëndëve të Maturës Shtetërore, ndërsa Gjuhët e Huaja do të përllogarisin pikët vetëm mbi notën mesatare të tri viteve të gjimnazit, përfshi rezultatet e Maturës Shtetërore.

Ata që aplikojnë për në Fakultetin e Drejtësisë, 50% i marrin nga mesatarja e tri viteve të shkollës së mesme (përfshi mesataren e notave të provimeve të Maturës), ndërsa gjysmën e pikëve e sigurojnë nga nota mesatare e pesë lëndëve preferenciale: Gjuhë shqipe dhe Letërsi, Histori, Qytetari, Ekonomi dhe Gjuhë e huaj. I vetmi fakultet që nuk ka ndryshuar kriteret, është ai i Ekonomisë, duke i dhënë notës mesatare të shkollës së mesme përfshirë dhe maturën shtetërore 50%, si dhe 50% për: Ekonomi, Matematikë, Fizikë dhe Gjuhë e Huaj.

Në Fakultetin e Shkencave Sociale, vlerësimi do të ndahet midis mesatares së thjeshtë të tri viteve që ka 50%, asaj të rezultateve të provimeve të Maturës 40% dhe 10% nga një provim me zgjedhje. Një formulë katërçipërisht të re kanë degët e Shkencave të Natyrës. 25% të pikëve maturantët i marrin nga mesatarja aritmetike e thjeshtë e nota përfundimtare të lëndëve për të gjitha vitet e shkollimit, 25% nga mesatarja e notave të provimeve të Maturës Shtetërore dhe gjysmën e pikëve nga gruplëndët e ndryshme për çdo degë: Biologji, Kimi, Fizikë dhe Matematikë.

/Panorama/

/portali DurresLajm/

Na bëni like në facebook!: 

Lajme nga e njëjta kategori

Fillimi i stinës së ftohtë të dimrit me temperaturat e ulëta, ka shfaqur edhe format e një gripi agresiv kryesisht tek fëmijët e moshave

1 mijë vogëlushët e shkollës 9-vjeçare "Marie Kaçulini" në Durrës ende vazhdojnë të torturohen duke e zhvilluar mësimin në shkollat e mes

   Edmira prej 4 vitesh vuan dënimin në burgun e grave 325 në “Ali Demi”.

   Në kuadër të luftës kundër informalitetit, inspektorët e tatimeve gjobitën një sërë biznesesh, mes të cilëve një fast food në rrugën “

Dëmet e shkaktuara nga përmbytjet në sektorin e bujqësisë kanë dhënë efektet e para në tregun e përditshëm të fruta-perimeve në Durrës.

Romët dhe egjiptianët janë dy komunitetet më vulnerabël jo vetëm në Durrës, por në të gjithë vendin, komunitete të cilat përballen me ana

   Më shumë se 60 minuta, dhjetra automjete të enjten pasdite janë bllokuar në parkingun nëntokësor pranë sheshit “Nënë Tereza” në Tiranë

Turizmi i peshkimit ka marrë vëmendje gjithnjë e më shumë në rritje vitet e fundit, jo vetëm në zonën e Mesdheut por edhe në qytetin e Du

Blerta Gjoni është nëna e një vogëlusheje 11-vjeçare e cila vuan nga sindroma dawn.