Rrugët e Durrësit njësoj si në Kandahar, hapen para stinës së shirave (VIDEO)

Postuar: 13/09/2017 - 14:53

Në prag të stinës së shirave, rrugët kryesore në Durrës janë bërë të ngjashme me ato të Kandaharit. Firmat private e insticionet publike çajnë rugët dhe i lënë në gjendje lufte. 

Bëhet fjalë për rrugët kryesore të Durrësit, rrugën “Aleksandër Goga” që lidh arteriet kryesore me spitalin dhe me policinë, rrugën “Hysen Kërtusha” nga policia deri në unazën e tregut , e cila ka disa kryqëzime rrugore që shërbejnë për mijëra nxënës e prindër të shkollave 9-vjeçare, të mesme e profesionale që gjenden përreth stadiumit.

Këto dy segmente, së bashku me arteriet e tyre lidhëse janë mjaft problematike si rezultat i përmbytjeve me shiun e parë që bie.

Të kalosh në këto rrugë këto ditë është një tmerr i vërtetë. Firma të ndryshme por edhe institucione publike kanë çarë rrugët e trotuaret për “hesapin” e tyre, ndërsa një pjesë i arnojnë, pjesën tjetër e lënë ashtu të hapur, për të thyer kokën, njerëz e makina.

Në mes të rrugës A. Goga, në kryqëzimin e saj me lagjen e re, shoferët nuk u shmangen dot gropave të hapura në kohë me diell, se në kohë me shi dhe me përmbytje që nuk duket asgjë, makinat aty bien brenda dhe dëmi që u shkaktohet është i pallogaritshëm.

Në rrugën “Hysen Kërtusha” tek kryqëzimet e stadiumit, situata është tmerr. Rruga është çarë në anësore dhe pas saj sot po hidhej nga një karrocë asfalt. Në mes rruga është çarë sërish dhe është lënë ashtu e hapur ku makinat rrezikojnë të prishen nëse bien brenda ose të bëjnë aksident. Trotuaret prej ditësh janë “shqepur” dhe nuk janë bënë më në gjendje të kalueshme.

Në rrugë ka pirgje me zhavorr e pllaka të thyera e trotuarët krijojnë përshtypjen e një gjendjeje lufte. Në një kryqëzim tjetër vijohet të  hapet rruga sërish, ndërsa pak metra më tutje një prej firmave që ka hapur rrugën po hedh karrocat me asfalt.

Çështja nuk qëndron tek firmt që çajnë trasenë e rrugës për të bërë investimin që ato duan, por tek fakti që në rastin më të mirë, rrugën nuk e çojnë asnjëherë në gjendjen e mëparshme. E në rastin më të keq e lënë si një shesh lufte.

Firmat që hapin rrugën shtrojnë kabujt dhe investojnë për të fituar e për të rritur fitimet e tyre. Ashtu siç ato fitojnë duhet ti përgjigjen edhe dëmit që shkaktojnë. Bashkia dhe inspektorët e saj në terren duhet të ushtrojnë presion ndaj këtij fenomeni, vetëm në mos personat që e kanë për detyrë të kontrollojnë këto firma, lehtësisht korruptohen duke mos e çarë më kokën për rugët në të cilat kalojnë qytetarët durrsakë me makinat e tyre. 

/portali DurresLajm/

Video: 
Na bëni like në facebook!: 

Lajme nga e njëjta kategori

   Konsumatori shqiptar vazhdon të mashtrohet çdo ditë nga tregtarët, të cilët shesin djath.

   Vendi ynë vazhdon të jetë disa herë mbi normën mesatare europiane të ndotjes.

Nga mbrëmë, nuk jeton më miku dhe shoku ynë i paharruar Ruf (Rifat) Kazazi

Nga BUJAR QESJA

Çile Precetajt nuk iu dha asnjë shans t’i përqafojë fëmijët, para se ta deportonin nga Shtetet e Bashkuara të Amerikës.

   Dy shkolla në Shijak rrezikojnë të mos jenë më.

   Nga ky vit i ri shkollor, librat për nxënësit e shkollave fillore do të jenë falas.

   Në fund të qershorit, Stop transmetoi apelin për familjën Shaholli pas tragjedisë në këtë familje, ku Clirim Shaholli vrau gruan , duk

   Maturantët që do të studiojnë në Shqipëri duhet të aplikojnë në universitete në datat 30 korrik deri në 4 gusht.

Organizata CoDe Albania  (Coherent Development Albania”, ka zhvilluar sot në Durrës projektin “Aftësia e kufizuar nuk është paaftësi.

"Gjatë 1 viti, nga Njësitë e Mbrojtjes së Fëmijëve u menaxhuan 1650 fëmijë në situatë risku, nga të cilët 929 janë raste të reja.