Shpërndarja e teksteve, MAS: Nis me 25 gusht

Postuar: 11/08/2017 - 21:32

Edhe pse me pushime, prindërit që kanë fëmijët në shkollë po mendojnë shpenzimet që i presin në fillim të shtatorit. Por shpenzimet e para ata duhet t’i bëjnë me librat pasi shpërndarja e tyre nis më 25 gusht. Ministria e Arsimit së bashku me shtëpitë botuese po merr masat që këtë vit të mos ketë vonesa në tekste dhe problem me pullat certifikuese të librave por edhe të shmangin radhët tradicionale të prindërve në librari.

“Më 25 gusht fillon shpërndarja dhe shitja e teksteve shkollore. Kjo shpërndarje do të realizohet pranë njësive tregtare që ndodhen pranë mjediseve të institucioneve arsimore, por edhe në ambientet e shkollave kur drejtori i shkollës dhe botuesi bien dakord për shfrytëzimin e ambienteve të shkollës për shitjen dhe shpërndarjen e teksteve shkollore. Ne po ndërtojmë një skeme të re të shpërndarjes së teksteve shkollore, për të lehtësuar edhe më shumë marrjen e teksteve nga prindërit dhe fëmijët e tyre”- deklaroi Zamira Gjini, drejtoresha e arsimit parauniversitar.

Vonesa në tenderin e dëftesave, pullave me hologramë dhe regjistrave sipas drejtoreshës së arsimit parauniversitar Zamira Gjini nuk është problem pasi nga java që vjen shtëpitë botuese do marrin pjesën e mbetur të pullave për të vijuar normalisht procesin.

“Në komunikim me botuesit pjesa më e madhe e teksteve janë kompletuar edhe me pullën me hologram. Bile botuesit kanë raportuar se tekstet e arsimit parauniversitar janë mbyllur, I është vendosur pulla me hologramë, janë paketuar dhe ka filluar shpërndarja në qytete e Shqipërisë. Mbetet vetëm qyteti i Tiranës dhe tekstet për shkollat e mesme. Në javën e ardhshme do të ndodhi edhe shpërndarja e pjesës tjetër të pullave me hologramë për ato tekste që nuk janë pajisur me këtë kriter sigurie”- theksoi Zamira Gjini, drejtoresha e arsimit parauniversitar.

Nga Ministria e Arsimit japin garanci se këtë vit nuk ka mungesë të teksteve shkollore në librari dhe po shihet mundësia e lehtësimit të këtij procesi ku prindërit ti marrin të paketuar librat për çdo viti shkollor. /BW

/portali DurresLajm/

Na bëni like në facebook!: 

Lajme nga e njëjta kategori

“Pamë tmerr me sy, nëna e gjakosur kërkonte fëmijët.” Kjo është dëshmia e banorëve që shkuan në vendin e ngjarjes vetëm pak mome

Teksa në Durrës autoritetet vendore kanë ndërmarrë aksione për mbjelljen e pemëve të reja, pemët e vjetra dhe pyjet po shfarosen në zonat

"Dje pamë tmerr me sy. S’më kishte ndodhur kurrë që të shihja aksident aq të rëndë".

Aksident tragjik i mbrëmjen së kaluar ku një baba me dy fëmijët e tij humbën jetën, ndërsa bashkëshortja dhe vajza tjetër ndodhen në gjen

Nisin procedurat për zgjidhjen e kontratës me kompaninë që aplikoi për ndërtimin e dy HEC-eve në lumin Osum në Skrapar.

Një shqiptar ka gati dyfish shanse të vdesë prej sëmundjeve kardiovaskulare se mesatarja e botërore e vdekjeve.

   Historia e parë në rubrikën “Ka një mesazh për ty”, te “E diela shqiptare”, ka sjellë në studio një baba të vuajtur, jeta e vështirë e

25 mijë e 400 persona kanë kërkuar ndihmë mjekësore gjatë kësaj jave në urgjenca dhe poliklinika si pasojë e prekjes nga viruset gripale.

120 pisha kripore janë mbjellë në shëtitoren Taulantia në skajin fundor të saj tek lulishtja krah Sfinksit.