Florim Shehu, një shtetas kosovar që jeton në Changé (në Majenne), mori një leje qëndrimi nga shteti francez pasi në muajin qershor kishte arritur të shpëtojë gjashtë persona, të cilët kishin mbetur të ngujuar nga përmbytjet si pasojë e një stuhie shiu që kishte kapluar qytetin.
Mediat franceze shkruajnë se në datën 9 qershor, në Changë, 33-vjeçari kosovar shpëtoi 6 vetë, të bllokuar në shtëpitë e tyre për shkak të përmbytjeve.
Ndërkohë të shtunën, më 8 shtator, Florim Shehu mori një letër nga prefektura duke i thënë atij se i ishte dhënë një leje qëndrimi, e vlefshme për një vit.
Komuna i dha të shtunën edhe mundësinë të blinte makinën që kishte humbur në përmbytje. Blerja e saj u mundësua nga paratë që mblodhën gjithë banorët në shenjë mirënjohjeje.
“Unë jam një njeri i lumtur”, tha Florim Shehu në mbrëmjen e së dielës për mediat franceze. “Unë dhe familja ime jemi të integruar mirë në Changé, madje na janë ofruar disa mundësi për punë”.
Florimi ishte pa punë dhe dokumente. Ai kishte aplikuar për azil në dhjetor të vitit 2017 nga prefektura e Majuestit. Florim jeton në Changé me gruan e tij dhe dy fëmijë të vegjël që nga shtatori 2017.
