Shqipëria po plaket më shpejt, në 2100-n do të jemi “pleqtë” e Ballkanit

12/09/2019 - 13:23

Popullsia e Shqipërisë po tkurret me një ritëm të shpejtë, lindjet po bien dhe popullsia po shkon drejt plakjes. Projeksionet e popullsisë janë të zymta, ku sipas OKB-së parashikohet që deri në 2100-n të arrijë në 1.75 milionë banorë.

Të dhënat janë edhe më të trishta kur bëhet fjalë për parashikimin e moshës mediane të popullsisë shqiptare në 2100-n, prej 53.2 vite, më e larta në rajon. Nga vendi me popullsinë më të re, shqiptarët do të jenë shumë shpejt “pleqtë” e Ballkanit Perëndimor.

Mosha mediane është një tregues i rëndësishme demografik, pasi tregon pikën ku popullsia ndahet në mënyrë të barabartë, më të vjetër se ajo moshë dhe më të rinj. Për më tepër që mosha mediane nuk është vetëm një tregues se sa e re apo sa e vjetër është popullsia e një vendi, por edhe një tregues i rritjes së popullsisë.

Kjo do të thotë se popullsia shqiptare po plaket me ritmin më të shpejtë në rajon, pasi në vendet e rajonit mosha mediane në 2100 përllogaritet të jetë nën 50 vjeç.

Pas Shqipërisë, projeksionet parashikojnë se moshën më të lartë mediane do ta ketë Mali i Zi me 50.3 vjeç, pasuar nga Bosnjë dhe Hercegovina me 49.8 vjeç, Serbia dhe Maqedonia me 48.7. Ndërsa mosha mediane në botë përllogaritet që deri në 2100 të jetë 41.6.

Ndërkohë që 50 vjet më parë, Shqipëria kishte popullsinë mediane më të re të rajonit me një moshë mediane prej 19.6 vjet, madje më të ulët edhe se mosha mediane botërore prej 21.5 vjet. Mosha mediane në Serbi në 1970 përllogaritej 11 vite më e lartë se në Shqipëri, prej 30.1 vitesh.

Në hartën më poshtë shohim shpërndarjen e moshave mesatare në të gjithë botën. Mosha mesatare ishte 29.6 vjet në 2015. Kjo do të thotë se gjysma e popullsisë globale ishte më e vjetër se 29.6 vjet, ndërsa gjysma ishin më të rinj.

Japonia kishte moshën mediane mesatare më të lartë prej 46.3 vite. Mosha mediane më e re ishte në Nigeri prej 14.9 vjeç.

Në përgjithësi, ne shohim që vendet me të ardhura më të larta, si në Amerikën e Veriut, Europën apo Azinë Lindore kanë një moshë mesatare më të lartë.
Vendet me të ardhura të ulëta kanë tendencë të kenë një mesatare më të ulët. Kjo për shkak se ata kanë një popullsi më të re: shkalla e lartë e lindshmërisë në të gjitha këto vende sjellë që ata të kenë popullsi më të madhe të fëmijëve dhe adoleshentëve të vegjël.

Vendet me moshën më të ulët mesatare kanë tendencë të kenë nivele më të larta të rritjes së popullsisë.

/Monitor

/portali DurresLajm/

Na bëni like në facebook!: 

Lajme nga e njëjta kategori

Një ditë pasi aksidenti i mori jetën 16-vjeçarit Flavio Osmani, banorët e Sukthit kërkojnë të ndërhyhet në rrugën që u bë shkak për ngjar

Mateo Osmani, djali i kreut të Njësisë Administrative Sukth, Rrapo Osmani i ka dedikuar një postim prekës vëllait të tij, Flavios, i cili

Teksa prej më shumë se një viti koronavirusi është kthyer në temën kryesore, duke rrëmbyer vëmendjen e të gjithëve, qytetarë, institucion

Shitjet online u revolucionarizuan gjatë pandemisë Covid-19, pasi masat kufizuese detyruan shumë biznese të operojnë në kushte jo të zako

Zhvillimet demografike në vend janë përkeqësuar më tej gjatë vitit 2020, duke lajmëruar një përkeqësim të numrit të popullsisë në shumicë

Në muajin janar 2021 inflacioni i matur sipas metodës së Eurostat shënoi 0.6% ose 0.2 për qind, më i lartë se matjet kombëtarë nga INSTAT

Nëse keni një palë këpucë, të kuqe apo çfarëdo ngjyre dhe modeli që nuk ju duhen më, mund t'i dorëzoni pranë teatri "Aleksandë Moisiu" në

Numri i pagesave me kartë në Shqipëri arriti në më shumë se 5.8 milionë gjatë vitit 2020, niveli më i lartë i regjistruar ndonjëherë.

Një tjetër rast tragjik është shënuar në spitalin "Shefqet Ndroqi", ku një 32-vjeçare ka ndërruar jetë për shkak të koronavriusit.

Shqipëria ka filluar gradualisht procesin e vaksinimit, fillimisht me mjekët dhe personat mbi 80 vjeç, por deri tani vetëm me ata që krye