Situata financiare e studentëve shqiptare më e rënda në Europë, 73% në vështirësi financiare

18/10/2019 - 09:03

Studentët shqiptarë paraqiten më vështirësitë më të mëdha financiare në Europë sipas një studimi që bëri Qendra Gjermane për Kërkime në Arsimin e Lartë nëpërmjet ne një anketë me studentë në të gjitha vendet europianë.

Anketa e cila mori në vrojtim situatën ekonomike të studentëve gjatë periudhës 2016-2018 tregoi se, 73% e studentëve shqiptare kishin pohuar vështirësi financiare, ndërsa prej 35 për qind prej tyre vështirësitë ishin shumë seriozë dhe serioze.

Shqipëria, Gjeorgjia kishin numrin më të lartë të studentëve në gjendje të mjerë ekonomike. Anketa gjeti se në Gjeorgji 23% e studentëve ishin në gjendje ekonomike shumë të vështirë ndërsa në Shqipëri 17% e studentëve raportuan situatë shumë të vështirë financiare, nivele këto nga më të lartat në Europë.

Vendet e Europës Perëndimore dhe sidomos vendet e ulëta kanë numrin më të ulët të studentëve në varfëri, por edhe kur ky fenomen është i pranishëm ai është e vlefshëm për studentët e huaj që studiojnë në këto vende.

Studimi vëren se Shqipëria ka një numër më të madh studentësh që nuk kanë në traditën e tyre familjare arsimin e lartë, dmth vijnë nga prindër me arsim të mesëm ose të ulët.

Studimi vë në dukje se, Shqipëria ka numrin më të ulët të studentëve që punojnë ose kanë përvojë pune.

Anketa tregoi se vetëm 15 për qind e studentëve shqiptare kishin përvojë pune, teksa në vendet perëndimore kjo përqindje është shumë më e lartë. Në Islande 52 % e studentëve janë edhe në punë.

Gjithashtu studentet shqiptare janë të prirur të mos vonojnë studimet master. Mesatarisht 72 % e studentëve në Shqipërisë nuk shkëputen më shumë se një vit nga studimet master.

Në katër vitet e fundit, për çdo vit akademik, në auditorët e universiteteve shqiptare po ulen më pak studentë. Në vitin 2018 u regjistruan rreth 129 mijë studentë, prej të cilëve 23 mijë janë regjistruar në universitetet private, sipas të dhënave zyrtare nga INSTAT. Në krahasim me një vit më parë, numri i studentëve ra me 7%.

Rënia ka qenë më drastike duke iu referuar 4 viteve më parë, ku numri i studentëve shënoi rekord prej rreth 174 mijë.

Ulja e numrit të studentëve po ndikohet kryesisht nga tendenca e plakjes së popullsisë, por edhe nga emigracioni i të rinjve. Sipas të dhënave të INSTAT, popullsia e grupmoshës 15-24 vjeç u reduktua me 55 mijë persona në 2017-n, në krahasim me vitin 2014. /Monitor

/portali DurresLajm/

Na bëni like në facebook!: 

Lajme nga e njëjta kategori

Austria e ka zgjeruar listën e vendeve nga të cilat nuk do të lejojë fluturime. Ministria e Shëndetësisë ka njoftuar se masat janë vendos

Eurostat ka publikuar fakte dhe shifra për disa shtete të Ballkanit që janë në negociata për bisedime pranimi dhe anëtarësimi në Bashkimi

Ministrja e Shëndetësisë, Ogerta Manastirliu, ka publikuar në ‘Facebook’ pamje nga spitali Infektiv, ku një infermiere po i shërben një p

Mjeku i njohur kardiokirurg, Edvin Prifi deklaroi se ka shumë studime në lidhje me pandeminë dhe përhapjen e koronavirusit.

Ministrja e Shëndetësisë dhe Mbrojtjes Sociale, Ogerta Manastriliu ka deklaruar se Task-Forca antiCOVID ka intensifikuar kontrollet dhe m

Situata me mbeturinat urbane në zona të ndryshme të Durrësit shqetëson qytetarët.

Gjinekologia Anika Dokle ka postuar një foto fantastike, të një bebeje e cila ka lindur me këmishë në maternitetin "Koço Gliozheni".

Në Shqipëri vazhduan edhe sot vdekjet e përditshme për shkak të koronavirusit.

Mjeku i njohur Tritan Kalo ka përcjellë një mesazh për kolegët e tij për të cilët thotë se kanë harruar “Betimin e Hipokratit” duke sjell

Pas shumë përplasjesh të shoqëruara me shkarkime, pezullime e akuza të ndërsjella, Universiteti i Tiranës po shkon drejt një gare të re z