Ulen rradhët e pritjes për koronarografinë, Manastirliu: Hapim kardiokirugjinë te “Shefqet Ndroqi”

29/10/2019 - 12:55

 “Vendosja e sistemit elektronik të rezervimit dhe investimet për shtrirjen e shërbimit të koronarografisë edhe në spitalet “Shefqet Ndroqi”, Fier dhe Shkodër, pas QSUT-së, ka ulur sot që flasim rradhët e pritjes me 2 javë”. Ministrja e Shëndetësisë dhe Mbrojtjes Sociale Ogerta Manastirliu inspektoi punimet e reanimacionit të ri të Kardiokirurgjisë në spitalin “Shefqet Ndroqi”, ku deklaroi se do të hapet shërbimi i ri i kardiokirurgjisë.

“Po investojmë 1 milion dollarë për të hapur shërbimin e ri të kardiokirurgjisë në spitalin Universitar ‘Shefqet Ndroqi’. Me këtë investim hapim për herë të parë këtë shërbim pas QSUT-së edhe në këtë spital universitar, që do të mundësojë uljen e rradhëve të pritjes edhe për ndërhyrjet kardiokirurgjikale, sikurse ka ndodhur për paketat e kardiologjisë që aktualisht ofrohen në këtë spital”, tha Manastirliu.

Shërbimi i koronarografisë dhe paketat e tjera të kardiologjisë i kanë mundësuar 1069 pacientëve vetëm gjatë këtij viti ta marrin shërbimin në kohë dhe me cilësi në spitalin “Shefqet Ndroqi” në Tiranë, ndërsa në rang vendi, janë ofruar falas 5900 intervente të angiografisë dhe angioplastikës në katër qendrat e Hemodinamikës në vend si dhe në spitalet jopublike me financim nga shteti.

“Investimet e qeverisë për hapjen e qendrave të reja të Hemodinamikës, në Fier për rajonin e jugut dhe në Shkodër për rajonin e veriut si dhe funksionimi me kapacitet të plotë i qendrave të Hemodinamikës në Tiranë, ka mundësuar uljen e kohës së pritjes për këtë shërbim në 2 javë, që është një kohë tejet optimale”, tha Manastirliu.

Në spitalin universitar “Shefqet Ndroqi” po investohet jo vetëm për ndërtimin e reanimacionit të kardiokirurgjisë, i cili brenda 3 mujorit të vitit të ardhshëm do të pajiset edhe me aparatura të teknologjisë së lartë, por vijojnë investimet edhe për rikonstruksionin e laboratorit mikrobiologjik të tuberkulozit, një investim në infrastrukturë prej 6.6 milion lekë nga buxheti i shtetit. Gjithashtu është drejt përfundimit investimi për sistemin e ri të kondiciomit dhe aspirimit, aq të domosdoshëm për një trajtim optimal e të sigurt për pacientët dhe  personelin mjekësor.

/portali DurresLajm/

Na bëni like në facebook!: 

Lajme nga e njëjta kategori

Vëllazëria Ungjillore Shqiptare doli në një deklaratë për mediat këtë të hënë duke mohuar që familja Josifi të ketë lidhje me ato që pred

Ministria e Shëndetësisë njoftoi ndarjen nga jeta këtë mëngjes të dr.

Ministrja e Shëndetësisë, Ogerta Manastirliu ka shpërndarë në Facebook një mesazh të mjekes Silvana Çeliku për situatën e përkeqësuar pre

Instituti i Shëndettit Publik ka dhënë disa këshilla për qytetarët shqiptarë që udhëtojnë me makina gjatë stinës së nxehtë të verës.

Shkolla jopublike 9 dhe 12-vjeçare “Pavarësia” në Durrës, është gati për të pritur nxënësit në vitin e ri shkollor 2020-2021, nën kushtet

Ish-Myftiu i Tiranës Ylli Gurra, i ftuar në rubrikën “Opinion” në “News 24” deklaroi se ngjarja e rëndë në Kombinat të Tiranës, ku nëna d

Ministrtja e Shëndetësisë Ogerta Manastirliu iu bën apel të rinjve për të marrë përgjegjësi individuale për të frenuar përhapjen e korona

Ujësjellës Kanalizime Durrës i është përgjigjur pozitivisht thirrjes së Kryqit të Kuq për të dhuruar gjak për nevojat e spitalit.

Regjistrimi në universitete do të nisë në fund të korrikut dhe të tre raundet do të aplikohen në U-albania.

Në Gjykatën e rrethit Gjyqësor Durrës, është në gjykim çështja civile me nr.