Zv.ministrja e Shëndetësisë: Fruthi është kthyer në epidemi, apeli që kam për qytetarët

21/02/2018 - 16:12

E ftuar në rubrikën ‘Opinion’ në News24, zv. ministrja e Shëndetësisë dhe Mbrojtjes Sociale, Mira Rakacolli ka folur për situatën e fruthit në vend. Rakacolli tha se janë 132 raste me fruth në total që nga janari i këtij viti dhe 94 raste janë vetëm në Tiranë. Sipas saj grup moshat me të prekura janë fëmijë nga 0-1 vjeç dhe të pavaksinuar.

“Ne publikojmë shifrat çdo javë në buletinin e përjavshme dhe dje ka qenë shifra që unë publikova. Pra janë 132 raste në total që nga janari dhe 94 janë në Tiranë. Moshat më të prekura janë fëmijë nga 0-1 vjeç dhe të pavaksinuar që përbejnë rreth 74% të të prekurve. Fruthi përhapet përmes ajrit dhe e vetmja mbrojtje është vaksina, pasi pa atë fruthi do ishte si gripi. Bëhen dy vaksina, një në 1 vjeç dhe doza tjetër bëhet në moshën 5-vjeçare”- thotë zv.Ministrja e Shëndetësisë.

Ndërkohë e pyetur nëse kemi të bëjmë me epidemi, Mira Rakacolli e pohoi, ndërsa u shpreh se shenjat e fruthit janë të njëjta me ato të gripit në fillim. Ajo ka një apel për qytetarët që dyshojnë tek fëmijët e tyre që t’i çojnë në 4 qendra që rrinë 24 orë hapur.

“E thënë në mënyrë shkencore mund të them se kemi të bëjmë me një epidemi pasi shifrat kanë qenë 0 dhe janë rritur. Në ajër është e pamundur që Shqipëria t’i shpëtojë kësaj epidemie, pasi rastet janë shtuar në rajon dhe Evropë. Shenjat e para të fruthit kanë shenjat e gripit, sidomos 4 ditët e para. I apeloj qytetarët që t’i çojnë fëmijët e tyre nëse kanë dyshime në një nga 4 qendrat në Tiranë që qëndrojnë 24 orë hapur”- tha Mira Rakacolli, raporton BalkanWeb.

Ndër të tjera, zv.ministrja u shpreh se janë marrë masat dhe është bërë izolimi i rasteve , por edhe i atyre të dyshuara.

"I kemi marrë masat, pasi ishte e pritshme. Është bërë izolimi i rasteve dhe atyre të dyshuara. Janë vendosur me maska dhe ambientet janë të disefiktuara. Vaksinimi nuk ka ndryshuar dhe është i njëjtë. Nëse keni kontakt me të sëmurin duhet të vaksinoheni 72 orë pas kontaktit"- u shpreh zv.Ministrja e Shëndetësisë.

/portali DurresLajm/

Na bëni like në facebook!: 

Lajme nga e njëjta kategori

Deri në fund të janarit të 2019-s, mjekët ,farmacistët, stomatologët e infermierët do t’i nënshtrohen provimit të shtetit për profesionet

Historia e një nënë të divorcuar dhe me dy fëmijë është bërë sot pjesë e emisionit ‘Me zemër të hapur’ në ‘News24’.

Pensionisët e Durrësit kanë nxituar që në ditën e parë në zyrat postare për të tërhequr shpërblimin prej 5 mijë lekësh të reja të akordua

"Mbroni fëmijët nga virozat e stinës", është ky apeli i pediatërve të Durrësit në këtë stinë me temperatura të luhatshme.

Një grua 36-vjeçare vuri në lojë gjithë familjen e saj duke u thënë se ishte prekur nga kanceri në kokë, në mënyrë që të përfitonte para

Kanë kaluar 5 vite që nga aksidenti fatal që i mori jetën deputetit të ndjerë demokrat, Sokol Olldashi, dhe sot tezja e tij, Yllka Mamaqi

Shqiptarët janë më të pakënaqurit në Europë me arsimin dhe janë njerëzit më të ardhura të ulëta të cilët e vuajnë më shumë.

Duke filluar nga dita e sotme, do të nisë shpërndarja e shpërblimit të festave të fundvitit për pensionistët në masën 5 mijë lekë, miratu

Nesër fillon shpërndarja e shpërblimeve për pensionistët.

Të shtunën më 15 dhjetor, u zhvillua me shumë sukses në Durrës, madje duke kaluar parashikimet e organizatorëve, gara miqësore e matemati