153 vjet më parë. Tri foto nga Durrësi kur erdhi Princi i Uellsit

Postuar: 22/02/2015 - 20:40

 DURRËS, 22 shkurt 2015 –  Ishte data 22 shkurt 1862, kur një jaht mbretëror hyri në Portin e Durrësit. Nga  aty zbriti Princi i Uellsit, mbreti i ardhshëm i Anglisë Eduard VII.

Jahti mbretëror britanik “Osborne” u nis nga Venecia më 19 shkurt 1862 dhe lundroi për në jug, përgjatë bregdetit dalmat. Janë bërë një numër ndalesash në mënyrë që Princi të vizitonte vende interesante: Splitin dhe Dubrovnikun në Kroaci, Kotorin në Malin e Zi dhe Durrësin në Shqipëri.

Fotografi i princit, Frensis (Francis) Bedford (1815-1894), na ka lënë tri foto të realizuara më 22 shkurt 1862.

E para quhet “Shqiptarë në Durrës”. Ata shoqëruan shpurën mbretërore në breg. Mbanin armë të gjata sikurse shihet në fotografi.

Fotoja e dytë ka diciturën “Pamje rruge në Durrës”. Kjo mund të jetë Xhamia Fatih, Durrës, që daton në 1503 para se të ndërmerrej ndonjë restaurim i madh.

Fotoja e tretë ka diciturën: “Bartësit e ujit në Durrës”.

Info /Princi i Uellsit: Mbreti i ardhshëm Edward VII (1841-1910)

Princi Albert Edward ishte fëmija i dytë dhe djali i madh i Mbretëreshës Viktoria dhe Princit Albert. Një vit pas lindjes, më 1842, u quajt 'Princi i Uellsit', titull me të cilin njihej deri kur hipi në fron si Mbreti Edward VII, më 22 janar 1901, pas vdekjes së mbretëreshës Viktoria.

Si trashëgimtar i fronit, Princi i Uellsit, me qëllim që të merrte një kulturë të gjerë, u dërgua në një tur katërmujor në vitin 1862. Turi u planifikua nga prindërit e tij para vdekjes së princit Albert në dhjetor 1861. Ai shoqërohej nga një grup i vogël shokësh, përfshi fotografin Frensis (Francis) Bedford. Princi i tha mirupafshim nënës në Kështjellën e Unindsorit (Windsor), më 6 shkurt 1862. Shpura mbretërore u kthye në Unindsor në 14 qershor.

/përg. th. m. agjencia e lajmeve “Dyrrah”/

 

 

/portali DurresLajm/

Na bëni like në facebook!: 

Lajme nga e njëjta kategori

   Sarkofagu i Meleagrit, padyshim është një pjesë e trashëgimisë sonë kombëtare dhe përbën një pjesë së thesarit tonë arkeologjik.

   Ajo është një arkitekte shqiptare, e zhvendosur në Londër që prej vitit 2010, por që vetëm 4 vite pas mbërritjes në ishullin britanik

   Vetëm pak kilometra larg kryeqytetit në veri të qytetit të Durrësit, gjendet një nga ligatinat me interesante të Shqipërisë.

Në lagjen e vjetër “Varosh” të qytetit të Durresit, e cila njihej vitet e pasçlirimit në ndarjet e reja administrative si lagja nr 11, ka

E vetmja gjë me vlerë e asaj biruce, diku në periferi të Durrësit, hapësirë që mund edhe ta quaje apartament, ishte porta e blinduar, dhu

Kur tradita e pjatave piemonteze takohet me shijen mesdhetare të Durrësit, rezultati janë gatime të shijshme dhe mjaft origjinale.

Shumë banorë të Elbasanit e mbajnë ende mend pastruesin e banjove te markata e qytetit.