Durrës, zhdukja e rrënojave romake, Biçoku: Çështje e prokurorisë, të hetohet

Postuar: 25/05/2014 - 12:58

Durrës, 25 maj 2014 - 27 korrik 2010. Një dokument që mban firmat e 8 specialistëve dhe drejtuesve të institucioneve, ndër ta Ministrit të Kulturës të asokohe, Ferdinand Xhaferri, drejtorit të monumenteve Apollon Baçe dhe kreut të Shërbimit Arkeologjik, Roland Olli, vendos lirimin e gropës për ndërtimin e objektit sipas projektit të depozituar pranë Këshillit Kombëtar të Arkeologjisë. 

Një vendim ky i cili diktoi mbulimin e rrënojave romake në qytetin e Durrësit, në zonën që njihet si ish-lulishtja 1 Maji ku u zbuluan rrënojat e një lagjeje romake. Por gërmimet e shpëtimit në këtë zonë, na çojnë në një tjetër emër, atë të arkeologut Gjergj Frashëri, i cili ka përgatitur edhe relacionin.

“Është zhdukje e njërit nga zbulimet më të mrekullueshme të ndodhur në Shqipëri në tre- katër dekadat e fundit. Vet autorët e ngjarjes ja kanë vënë emrin ngjarjes. Në shtator të vitit 2013 ka një referim në një kongres të bërë në Çeki për arkeologjinë e shpëtimit nga autori i gërmimit, arkeologu Gjergj Frashëri i cili e raporton këtë zbulim i cili për nga rëndësia, për nga qytetërimi që ka gjetur, për nga niveli ndërtimor mund të krahasohet me ndërtimet e Pompeit apo të Romës. Thotë që ky është një zbulim përtej përmasës kombëtare dhe i vë dhe emrin. Ministria thotë dështoi ta ruante këtë lëndë arkeologjike. Autori e ka të qartë çfarë do të duhet të kishte ndodhur. Nëse kalojmë tek relacioni paraqitur në ministri nga ky autor që ka bërë gërmimet, në relacion thuhet u bë gërmimi, gjetjet të shkojnë në muze kjo dhe ajo pjesës dhe sheshi ti dorëzohet ndërtuesit dhe të vazhdojë ndërtimi i pallatit,”- shprehet arkitekti Arben Biçoku. 

“Dokumentet për këto shkelje qarkullojnë prej kohësh... e duke qenë çështje shkeljesh ligjore, është prokuroria ajo që duhet ta hetojë rastin”,- thotë arkitekti Biçoku. 

Z. Biçoku thotë gjithashtu se kjo dosje s’mund të mos jetë e plotë në ministri.

Fakt është që rrënojat romake i zëvendësoi betoni i 2 pallateve...ndërsa pyetja që shtrohet tani është, çfarë duhet dhe çfarë do të bëjnë institucionet, veçmas Ministria e Kulturës, që përgjegjësit e këtij skandali të mbajnë përgjegjësi për shkeljet e kryera.

/news 24/

/portali DurresLajm/

Na bëni like në facebook!: 

Lajme nga e njëjta kategori

   Portali i njohur boshnjak STAV ka marrë rrëfimin e Fatmir Baçit, një poeti e shkrimtari nga Shijaku, mbi fatin e komunitetit të bo

Gazetari i vjetër nga Durrësi Thanas Mustaqi ka publikuar këtë kartolinë të veçantë me pamje nga Durrësi të 89 viteve më parë.

- Fragmente nga kujtimet e ish-togerit perandorak rus, major i monarkisë shqiptare dhe gjeneral-brigade i ushtrisë italiane, Lev Pavloviç

   Sarkofagu i Meleagrit, padyshim është një pjesë e trashëgimisë sonë kombëtare dhe përbën një pjesë së thesarit tonë arkeologjik.

   Ajo është një arkitekte shqiptare, e zhvendosur në Londër që prej vitit 2010, por që vetëm 4 vite pas mbërritjes në ishullin britanik

   Vetëm pak kilometra larg kryeqytetit në veri të qytetit të Durrësit, gjendet një nga ligatinat me interesante të Shqipërisë.

Në lagjen e vjetër “Varosh” të qytetit të Durresit, e cila njihej vitet e pasçlirimit në ndarjet e reja administrative si lagja nr 11, ka

E vetmja gjë me vlerë e asaj biruce, diku në periferi të Durrësit, hapësirë që mund edhe ta quaje apartament, ishte porta e blinduar, dhu