Gruaja shqiptare, foto-lajm tek Reuters

Postuar: 18/12/2012 - 20:14

Fotoja e një gruaje të moshuar shqiptare nga Kukësi është përzgjedhur për të qenë pjesë e fotove të ditës të agjensisë prestigjioze të lajmeve Reuters.

Fotoja tregon realitetin e vështirë të zonave veriore të vendit tonë, ku një e moshuar është e detyruar të mbajë mbi shpinë një deng të madh me kashtë, ndërkohë që ecën përmes një terreni të vështirë, të mbuluar nga dëbora.

E moshuara ka një pamje të zymtë, fytyrë të ngrysur e trup të kërrusur nga mbingarkesa, pamje kjo që dëshmon realitetin e dhimbshëm me të cilin vazhdojnë të përballen femrat shqiptare në zonat e thella malore.

Fotoja është realizuar nga Arben Celi dhe është përzgjedhur mes të tjerash nga Reuters, si foto e ditës së datës 13 dhjetor. Ndërkohë në po në të njëjtën ditë, në fotot e përzgjedhura nga Reuters, krahas asaj të gruas së varfër shqiptare, ishte përfshirë dhe ajo e mbretëreshës së Anglisë Elizabeth II brenda një banke duke vështruar lingnotat e arit.

/portali DurresLajm/

Na bëni like në facebook!: 

Lajme nga e njëjta kategori

   Emigranti nga Durrësi Gjergj Dollani, i shndërruar në një biznesmen të suksesshëm në SHBA, pasi ka hapur një Cafe Chocolat pranë zyrav

Është 10 gusht i vitit 1929, një ditë e nxehtë në qytetin bregdetar të Durrësit.

Unioni i Gazetarëve Shqiptarë, dega e Durrësit me rastin e festave të fundvitit, ka nderuar me çerifikata mediat kryesore të Durrësit, dh

   Kur ishte fëmijë, në qytetin e tij të Durrësit, i shihte me admirim makinat e udhëheqjes që rreshtoheshin para Vollgës.

   Në nëntor të vitit 1924 Noli dhe qeveria e tij u gjendën në rrethim të plotë nga të gjitha anët.

Paratë duket se nuk janë më arsyeja më e madhe që i motivon njerëzit të shkojnë në punë çdo ditë.