Histori/ 2 prill 1946, Porti i Durrësit kalon në varësi të Ministrisë së Punëve Botore

02/04/2020 - 20:41

Një datë e rëndësishme në historinë e detarisë shqiptare: si sot 74 vite më parë, Porti i Durrësit kaloi nga kujdestaria e Forcës Detare nën atë të Ministrisë së Punëve Botore (e cila mbulonte asokohe Punët Publike, dhe Çështjet Vendore).

Infrastrukturë kombëtare e rëndësisë së veçantë, Porti i Durrësit siguron sot 90% të transportit detar shqiptar dhe 60% të furnizimit me ushqime të tregut vendas. Por po aq i rëndësishëm është roli i tij në historinë e vendit, veçanërisht në kohë krizash, përmbysjesh apo rimëkëmbjesh të mëdha.

Në Portin e Durrësit mbërriti më 21 nëntor 1912 Ismail Qemal Bej Vlora, përpara se të shpallte pavarësinë e vendit. Nga Durrësi hyri Princ Vilhelm Vidi më 7 mars 1914 dhe prej andej u largua gjashtë muaj më vonë. Po aty, në 28 qershor 1928 krijohet Marina Mbretërore, duke e kthyer Portin e Durrësit në një strehë të sigurtë për Forcën tonë Detare.

Lufta e Dytë Botërore nuk e kurseu: pikë kryesore e zbarkimit të forcave italiane gjatë pushtimit të Shqipërisë, më 7 prilli 1939, porti qëndroi funksional deri në përfundim të luftës, por me dëmtime të rënda.

Pas çlirimit të Shqipërisë, më 29 nëntor 1944, u pa e nevojshme që ringritja e tij të bëhej nën mbikqyrjen e Seksionit të Marinës, ku më 12 shkurt 1945 u emërua shef seksioni Kapiteni i parë Abdi MATI.

Më 15 gusht 1945, u nxorën në tokë dhe u riparuan në Durrës dy motovedetat MS-30 dhe JO-84, datë e cila shënon ringritjen e Forcës sonë Detare.

Në 2 prill 1946, me urdhërin nr. A1-127 të Shtatmadhorisë së Ushtrisë Kombëtare, Porti i Durrësit kaloi në varësi të Ministrisë së Punëve Botore, kalim i cili u bë efektiv më 15 prill 1946.

74 vite më pas, Porti i Durrësit vijon ti shërbejë sigurisë ekonomike dhe shëndetësore të vendit.

/portali DurresLajm/

Na bëni like në facebook!: 

Lajme nga e njëjta kategori

Nga Aleksandër Cangonja

Dy anije siluruese Austriake mbyten para Durrësit.

- Durrësi dhe durrsakët nuk kanë për ta harruar birin e tyre

*Një nxënës i vitit 1945 kujton ditën e parë në gjimnazin e parë të Durrësit...

Nga Gëzim KABASHI

Anëtari i Këshillit Bashkiak Durrës, Aleksandër Cangonja, ka publikuar në rrjete sociale një dekret interesant të kohës kur Ahmet Zogu is

“Jul Cezari ka qënë një nga personalitetet  historike që luajti një rol të madh në skenën e historisë botërore.

Xhamia e madhe e Durrësit është një vepër e investuar nga tregtarët besimtarë të qytetit, e cila nisi të ndërtohej në fillimin e viteve '