DURRES – Paraditen e sotme i është dhënë lamtumira e fundit inxhinierit Feruz Mataj, i cili u nda nga jeta një ditë më parë.
Shumë politikanë, drejtues institucionesh vendore, biznesmenë, njërëz të artit dhe kulturës, miq e shokë të tij si dhe qytetarë të thjeshtë nga Durrësi kanë marrë pjesë në homazhet e zhvilluara në hollin e pallatit të kulturës “Aleksandër Moisiu”.
Kreu i grupit parlamentar të PS-së, Gramoz Ruçi, ish kryeministri Aleksandër Meksi, deputetë të të gjitha kaheve të politikës etj ngushëlluan familjen Mataj për humbjen e njeriut të tyre të dashur.
Në kujtimet e të gjithëve Feruz Mataj do të mbahet mend si njeriu i punës, si personi të cilit i përket merita e krijimit të flotës detare shqiptare dhe ngritja e industrisë së rëndë, si drejtues kryesor i kombinatit metalurgjik të Elbasanit.
Kush ishte Feruz Mataj?
–Lindur me 28 shkurt 1931 në Lekdush – Tepelenë
-Viti 1940 – 1954 familja jeton në Tiranë.
-22 qershor 1950 mbaron politeknikumin Harry Fultz dhe i jepet titulli “Teknik Ndërtimi”
-Viti 1950 – 1954 diplomohet për Inxhinjer konstruktor anijesh në Gdans të Polonisë.
-Qershor 1954 – Nëntor 1955 inxhinjer në kantjerin detar
-Dhjetor 1955 – janar 1968 Kryeinxhinieri dhe Drejtor i Drejtorisë së Përgjithshme të Porteve
-Janar 1968- janar 1972 zv.Kryetar dhe Kryetar i Komitetit Ekzekutiv të kp të Rrethit Durrës
-Janar 1972 – shkurt 1976 Kryetar i Komitetit Ekzekutiv të kp të rrethit Elbasan
-Mars 1976 – 1980 Drejtor i Përgjithshëm të ndërtim montimit në kombinatin metalurgjik Elbasan
-Janar 1981- nëntor 1982 zv/ministër i komunikacionit
-Viti 1982- 1988 në parkun e transportit në Urën Vajgurore
-Dhjetor 1988 – Dhjetor 1990 në Drejtorinë e Përgjithshme të Hekurudhave
-Korrik 1991 – janar 1994 i Plotfuqishëm i Porteve dhe i ngarkuar për drejtimin e operacionit Pelikan
-Mars 1995 krijoi firmën e njohur Pelikan, agjenci detare, transport mallrash, spedicion