“Tabuja” Buffon: Messi asnjë gol ndaj italianit

Postuar: 20/04/2017 - 14:32

T’ia dalësh të pengosh Lionel Messi-n të shënojë është diçka shumë e vështirë. Ndaj Juventus-it “Pleshti” nuk arriti të firmosë në asnjë nga të dyja përballjet në çerekfinale dhe eliminimi nga Liga e Kampioneve ishte i pashmangshëm. Një surprizë e vërtetë të shihje argjentinasin të mos shënonte dhe kjo për meritë të mbrojtjes së pakalueshme bardhezi e cila praktikisht ia mbylli të gjitha hapësirat, duke e penguar të shprehet siç do të donte. Pra vijon tradita pozitive e Gianluigi Buffon, që ndaj Messi-t nuk ka pësuar kurrë gola në karrierën e tij.

Portieri i Juventus-it është përballur me argjentinasin në tre raste, dhe në asnjë prej tyre sulmuesi katalanas nuk e ka shijuar golin. Përballja e parë daton në finale të Champions-it në 6 qershor të 2015-ës. Atëherë Barcelona ngriti trofeun falë golave të Rakitic, Suarez dhe Neymar. Messi e preku golin, por konkluzioni i tij u devijua nga Buffon pikërisht tek këmbët e Suarez që firmosi rezultatin provizor 2-1 me portë bosh. Dy të tjerat ishin në çerekfinale të këtij Champions-i. Në ndeshjen e vajtjes i vetmi rast ku Messi u shfaq rrezikshëm ishte asisti për Iniesta-n, ndërsa në kthim ishte afër golit kur e goditi me të majtën një top që kaloi shumë afër shtyllës, me Buffon-in të palëvizshëm. Pra porta e Gigi-t është kthyer në një tabu për Messi-n, i cili nuk është përballur me portierin italian as me fanelën e Argjentinës. Ndoshta do të ketë mundësinë ta thyejë këtë tabu në “Rusia 2018”, sigurisht nëse “Albiçeleste” arrin kualifikimin.

/portali DurresLajm/

Na bëni like në facebook!: 

Lajme nga e njëjta kategori

   Derbi i Stambollit mes Fenberbahces dhe Besiktasit nuk arriti të përfundojë, për shkak të atmosferës tejet të tensionuar.Në minutën e

Ronaldo është në formë të shkëlqyer.

Ish-mbrojtësi i skuadrës së Lincoln, Bradley Wood është dënuar me 6 vite pezullim për marrje kartonash me dashje për të përfituar në bast

Teuta kërkon të vazhdojë me serinë e fitoreve edhe në Vlorë.

   FIFA ka gjobitur Benfica dhe Sporting Lisbon, ashtu si Celta Vigo dhe Rayo Vallecano për përfshirjen e palëve të treta në merkaton e l

   Stadiumet që do të presin ndeshjet e Kupës së Botës në Rusi në këtë vit duket se i kanë të plotësuar vendet e tyre, kjo të paktën në a

   Nga një sezon i shkëlqyer në premierën e tij në Angli, Antonio Conte do të marrë me vete dështimin e madh, duke mos u kualifikuar në C

Lapo Elkann nuk është shumë i pëlqyer në Milano, por duket se edhe ai vetë nuk e ka me shumë fat qëndrimin në Milano.

Kanë mbetur 4 muaj nga afati i përfundimit, por shtëpia e re e Totenhemit ka arritur në detajet estetike të përfundimit.