Ancelotti thuajse i larguar, e pason Rino Gattuso

10/12/2019 - 13:39

Përvoja e Carlo Ancelottit në krye të Napolit thuajse ka prekur fundin. Verdiktin përfundimtar e jep takimi me Genkun në Champios, pra nga kualifikimi ose jo i Napolit në fazën e 1/8-ave.

Lamtumira, në fakt, ndihet edhe në fjalët e trajnerit në konferencën për shtyp para sfidës me belgët dhe nga disa informacione jozyrtare. Vendin e tij pritet ta marrë Rino Gattuso., nja nga trajnerët më të kërkuar muajt e fundit në Itali. Disa klube kanë bërë sondazhe për të kuptuar qëllimin e tij, por të gjitha kanë marrë përgjigje negative.

Ekzistonin mundësitë që të merrte drejtimin e Fiorentinës së Comisso, por projekti i Napolit duket se është  i vetmi që bind Gattuson.Propozimi në bisedat paraprake është për një kontratë me kohëzgjatje një vit e gjysmë, nga e cila deri në qershor do të përfitojë 1.5 milionë euro dhe për sezonin tjetër 3 milionë euro.

Pra, fillimisht Gattuso do të jetë trajner i përkohshëm, por nëse gjërat shkojnë siç duhet në pjesën e dytë të sezonit atëherë do të fitojë kontratën për sezonin e ardhshëm.Te Napoli e kanë të qartë se po bisedojnë me një njeri të fjalës, i cili pati kurajën të hiqte dorë nga paratë e premtuara nga Milani kur e kuptoi se nuk ishin më kushtet për të vijuar.

De Laurentiis nuk dëshiron të shkarkojë Ancelottin pa një marrëveshje dypalëshe për një arsye: nuk ka ndër mend t’i paguajë rrogën deri në verë të vitit 2021 (6.5 milionë euro në sezon).Më largimin e Ancelottit duhet të marrin valixhet edhe bashkëpunëtorët e tij më të ngushtë.

/portali DurresLajm/

Na bëni like në facebook!: 

Lajme nga e njëjta kategori

Andrea Pirlo u emëruar ditën e djeshme si trajneri më i ri i Juventusit, pasi këta të fundit shkarkuan Mauricio Sarrin.

Mediat në Francë vazhdojnë t'i qëndrojnë idesë që Kristiano Ronaldo dëshiron të largohet nga Juventusi dhe të transferohet te PSG.

Lokomotiva e Zagrebit ka prezantuar blerjen më të re, atë të Sherif Kallakut.

Ndonëse kontratat e tij me Teutën tashmë ka përfunduar, në një prononcim për mediat shqiptare në Maqedoninë e Veriut, Bazhe Todorovski du

Pak ditë më parë mediat italiane raportuan se babai i Lionel Messit, Jorge Messi ka blerë një apartment në rrugën Joe Viale, shumë pranë

Në Itali fitoi titullin kampion për të nëntin sezon radhazi, por në Europë, Juventusi tregoi sërish se i mungon diçka për të fituar, pasi

Samir Handanoviç mbetet e tashmja për rolin e portierit të Interit, por në ambientet zikaltër po reflektojnë edhe mbi të ardhmen.

Klaus Gjasula është një nga lojtarët shqiptarë më të përfolur gjatë sezonit të sapo mbyllur.