Blindojmë vendin e tretë”, mbrojtësi i Teutës, Frashëri: Kastriotin e mposhtim

25/05/2019 - 14:54

Teuta luan Europën kundër Kastriotit. Edhe pse janë në vend të 3-të, çdo gabim mund t’u kushtonte rëndë durrsakëve. Këtë gjë lojtarët e dinë fare mirë, ndaj janë më të mobilizuar se kurrë për ta kaluar me sukses javën e parafundit të kampionatit. Mbrojtësi i linjës së djathtë, Erlis Frashëri, shprehet i bindur për trepikëshin. 

Pas fitoreve me Partizanin dhe Skënderbeun, jeni më të qetë? 
Duke parë kundërshtarët dhe si shkuan gjërat gjatë këtyre 180 minutave, them se ishin dy fitore të merituara. Rëndësi kishte që të ruanim ecurinë pozitive dhe ia dolëm. Jam shumë i lumtur për atë çka dhamë në fushën e lojës dhe për këto 6 pikë të shtuara në “llogarinë” tonë. Këto rezultate janë vetëm falë punës sonë si ekip. 

Si është morali i ekipit para ndeshjes me Kastriotin, ekip që po luan mbijetesën? 
Ana morale nuk ka qenë ndër më të mirat, por mjaftuan këto dy fitore për të ndryshuar gjendjen. U ringritëm. Ky është një grup fantastik dhe është me meritë në këtë pozicion. Ndaj Partizanit kemi zhvilluar një ndeshje të mirë, të përqendruar dhe në kërkim të rezultatit të vetëm që na hynte në punë. Të njëjtën gjë do të bëjmë edhe ndaj Kastriotit. Për ne është një takim shumë i rëndësishëm. 

I kalueshëm Kastrioti si kundërshtar…? 
Ne do të japim më të mirën tonë për ta fituar ndeshjen dhe të sigurojmë Europën. Kastrioti është një ekip i mirë dhe ka kualitete. Por, unë kam besim te skuadra dhe cilësitë e që kemi, kemi bërë një ecuri të mirë për një periudhë të gjatë dhe nuk janë rastësi ecuria dhe rezultatet, që kanë ardhur si logjikë e një loje mjaft të bukur. 

Jemi në metrat e fundit të kampionatit, çfarë prisni nga këto dy javë? 
Jam i bindur që do të vazhdojmë me rezultatet pozitive. Kemi kaluar problemin psikologjik. E kaluam duke u stërvitur shumë, por edhe me fat. Gjithmonë për të kaluar një situatë të vështirë në futboll të duhet edhe pak fat. Në këtë ndeshje e kemi pasur. 

Çfarë do bëni ju pas këtij sezoni? 
Do thosha se zgjedhja e parë do jetë Teuta. Por, do pres me qetësi, dhe e rëndësishme është që gjërat të shkojnë mirë dhe të kapim Europën. Më pas të shohim se çfarë do të rezervojë e ardhmja.

/portali DurresLajm/

Na bëni like në facebook!: 

Lajme nga e njëjta kategori

Një incident i rëndë u regjistrua në ndeshjen e djeshme mes Serbisë U-21 dhe Austrisë U-21 të vlefshme për Kampionatin Europian të 21-vje

Iu bashkua Teutës në muajin janari, si një nga afrimet më të bujshme, por eksperienca e Armando Vajushit me bregdetarët zgjati vetëm pak

Pasi përfundoi periudhën e huazimit te Lugano, Armando Sadiku nga grumbullimi i kombëtares shqiptare bëri me dije se pas pushimeve do të

Ende pa e bërë prezantimin e tij, media italiane jep detaje se Mauricio Sarri ka pranuar Juventusin, por ndërkohë ka bërë vetëm dy kërkes

Kleis Bozhanaj është talenti shqiptar që kanë përfunduar në listën e dëshirave nga skuadrat më të mëdha europiane.

Mohamed Salah ka refuzuar shansin për t’iu bashkuar Realit të Madridit dhe Juventusit këtë verë, por ai do të marrë në konsideratë të ard

Bledi Shkëmbi është i lumtur që pas një sezoni të suksesshëm në krye të Teutës u shpërblye nga drejtuesit me rinovim të kontratës.Trajner

Argjentina pësoi një humbje shokuese në ndeshjen e parë të Kupës së Amerikës, teksa u mposht nga Kolumbia me rezultatin 2-0.