Conte tërbon Interin, ja mesazhet e koduara për drejtuesit e ekipit

07/11/2019 - 15:00

Ja ku rikthehemi sërish te shprehja e vjetër e Antonio Conte-s. Përpara 5 vitesh tha se nuk mund të darkonte në një restorant 100 eurosh kur në xhep ka vetëm 10 euro.

Nuk mendohet kurrë dy herë trajneri italian dhe është shumë i drejtpërdrejtë. Në atë kohë e tha për drejtuesit e Juventusit, ndërsa këtë herë kishte kritika për zikaltrit. Fjalë që peshojnë sa një gur, të cilat erdhën nga zhgënjimi i një humbjeje, e cila jo vetëm që vështirëson, por edhe kompromenton kualifikimin në raundin e ardhshëm të Ligës së Kampioneve.

Janë fjalë të rënda, por do të gabojmë nëse themi që s’janë të vërteta. Është e treta herë në këtë sezon (e ka bërë pas humbjes me Juventusin dhe barazimit me Parmën), që trajneri ankohet për mundësinë e paktë të alternativave dhe faktit që disa afrime në merkato nuk e kanë kënaqur.

Kërkon që gjërat të riparohen patjetër në janar dhe ekipi të forcohet. Sigurisht që këto fjalë nuk u kanë pëlqyer aspak drejtuesve zikaltër, të cilët janë befasuar dhe u gjendën të papërgatitur pas humbjes.

Askush nuk donte t’i komentonte fjalët e tij, por pse Conte e ka rritur kaq shumë nivelin e deklaratave të tij? Objektivat e trajnerit ishin dy.

E para, të spostonte vëmendjen nga ajo humbje dhe nga pjesa e dytë e luajtur shumë keq nga skuadra e tij, ku Dortmundi e përpiu Interin. Gjermanët ishin si një furi e tërbuar, ku as lojtarët në fushë dhe as trajneri në pankinë nuk dinin dhe nuk mundën t’i bënin rezistencë.

Objektivi i dytë i Contes, dhe më i lehtë për t’u kuptuar, është kërkesa e hapur dhe e drejtpërdrejtë që u bën drejtuesve për të bërë merkato cilësore. Ajo që nuk u bë në verë, kërkon që të korrigjohet tani në janar.

Ai kërkon një mesfushor në vend të Borha Valeros, por edhe një sulmues së zëvendësues të Lukakut. Sigurisht që trajneri nuk e ka fshehur kurrë zhgënjimin që nuk iu transferua një lojtar si Edin Xheko.

Drejtuesit i kanë premtuar vetëm një mesfushor, prandaj trajneri kërkon që t’u bëjë presion. Kjo është ajo pse ai shpërtheu. Është i bindur se të paktën në Itali, nëse skuadra do të forcohet në merkato, do të jetë i aftë për të luftuar dhe për të fituar deri në kilometrin e fundit të kësaj gare.

/portali DurresLajm/

Na bëni like në facebook!: 

Lajme nga e njëjta kategori

Eros Grezda u bë protagonist i ngjarjeje të shëmtuar në fund të gjysmëfinales së dytë të Kupës së Kroacisë mes Rijekas dhe Osijek që përf

Rikthimi i Superiores i jep mundësinë Teutës të mbyllë gabimet e fillimvitit, ku disa paraqitje të mira u ndërthurën dhe me disa rezultat

IFAB (Bordi i Shoqatës Ndërkombëtare të Futbollit) vendosi të bëjë një ndryshim në rregulloren e futbollit.

Një futbollist i Bylis rezulton pozitiv me Covid-19.

Liga e Serisë A e ka zyrtarizuar më në fund kalendarin e ri të kampionatit që do të nisë më 20 qershor, me ndeshjet e prapambetura të jav

Një lajm shumë trishtues ka marrë trajneri i Napolit mëngjesin e sotme, Xhenaro Gatuzo, i cili gjatë kohës kur ishte në stërvitje me skua

Koronavirusi ka prekur edhe Barcelonën, ku janë regjistruar 7 raste pozitive, 5 prej të cilëve janë lojtarë.

Paris Saint Germain e ka përqendruar merkaton te lojtarët që luajnë në kampionatin italian dhe pasi arriti të blejë përfundimisht sulmues

Barcelona duket e vendosur për të marrë në “Camp Nou” sulmuesin argjentinas Lautaro Martinez, për t’i plotësuar dëshirën edhe yllit të sk