“Futbolli është jeta jonë”, Shkurtaj bën bashkë lojtarët e 5 ekipeve për një mesazh fantastik

10/04/2020 - 11:32

Vasil Shkurtaj, një nga sulmuesit më të mirë të kampionatit shqiptar, prej tre javësh ndodhet i izoluar në Barcelonë për shkak të masave ekstreme kundër koronavirusit. Ironia e fatit bëri që bomberi i Kukësit të ndodhej në momentin e gabuar në Spanjë për të bërë një fizioterapi të specializuar, në mënyrë që të riaftësohej sa më shpejt pas dëmtimit.

Mirëpo, tashmë qëndron i bllokuar në një hotel në Barcelonë, derisa t’i mundësohet kthimi në Shqipëri pasi të hapen kufinjtë dhe të rinisin punën linjat ajrore.

Në kushte izolimi, autori i 16 golave është bërë edhe pak… fantazist. Ai ka publikuar një video në profilin e tij në “Facebook”, ku 10 lojtarë shfaqen duke xhongluar topin.

Përveç Shkurtajt janë nga Kukësi edhe emra si Emiljano Musta, Kristal Abazaj, Olsi Teqja, Bruno Lulaj, Eduard Rroca dhe kapiteni Besar Musolli. Tirana përfaqësohet në këtë video nga Kristi Vangjeli, Teuta me Aleksandër Kuron, Skënderbeu me Jorgo Pëllumbin, si dhe Laçi me Donald Rapon.

Mesa duket, Shkurtaj ka zgjedhur për të dhënë një mesazh pikërisht miqtë e tij në pesë skuadra, përfshi Kukësin. “Futbolli është jeta jon. Durim! Qëndroni në shtëpi”, shkruante Shkurtaj, duke dhënë një mesazh fantastik në këtë moment delikat që po kalon vendi.

/portali DurresLajm/

Na bëni like në facebook!: 

Lajme nga e njëjta kategori

Një protestë e ashpër në përfundim të ndeshjes ndaj Beneventos i ka kushtuar shtrenjtë sulmuesit spanjoll të Juventusit Alvaro Morata, pa

Një futbollist është regjistruar duke goditur arbitrin me shkelm në stil "kung-fu" pas tensioneve dramatike në fund të një ndeshjeje të r

Myrto Uzunit i është dashur pak kohë që të tërheqë vëmendjen e opinionit sportiv botëror me golat dhe lojën e tij me fanellën e Ferencvar

Portieri i Kombëtares, Etrit Berisha është paraqitur në spital për shkak të infektimit me Covid-19.

Mbiemri Schumecher do të rikthehet në garat e Formulës 1 sezonin e ardhshëm, pasi këtë herë do të jetë Mick Schumacher, djali i legjendar

Tenisti spanjoll, Enrike Lopez Perez është përjashtuar për 8 vite nga garat pasi rezultoi fajtor në përfshirjen e skemës së trukimit të n

Te Gjermania ka shpresa që situata mund të përmirësohet përpara kampionatit europian të vitit të ardhshëm.

Barcelona ka në listën e dëshirave të transferimit të muajin janar futbollistin shqiptar të Arsenalit Shkodran Mustafi.

COVID-19 prek edhe Formula 1. Sëfundmi ka rezultuar pozitiv me koronavirus Lewis Hamilton.