Hebaj: Preferoj të luaj në sulm me Krasniqin

28/09/2020 - 13:07

Rubin Hebaj vendosi të rinovojë kontratën me Teutën edhe për një sezon.

Sulmuesi shkodran tregoi formë të mirë në pjesën e fundit të sezonit 2019-2020, duke ndihmuar durrsakët të fitojnë trofe dhe kaluar një tur në Ligën e Europës.

Hebaj flet për rinovimin, momentin e mirë që po kalon dhe synimet.

Rubin, duket se keni gjetur veten tashmë dhe po shënoni rregullisht edhe në ndeshjet miqësore…?

Ndeshjet miqësore na shërbejnë për të marrë ngarkesën e duhur para startit të sezonit. Së fundmi, ndaj Kastriotit bëmë mirë, por mund të shënonim më shumë.

Ekipi dhe unë jemi në rrugë të mbarë për të vijuar aty ku e lamë sezonin e kaluar. Cilat ishin arsyet që ju shtynë për të rinovuar me Teutën?

Unë ndihem shumë mirë duke punuar këtu në Durrës. Me mbështetjen e klubit dhe shokëve, jam shumë i kënaqur. E di rëndësinë e klubit dhe do të jetë një sfidë për mua të udhëheq sulmin. I jam mirënjohës klubit për vlerësimin që ka në lidhje me atë që unë po jap në fushë. Jam i lumtur që do mbaj veshur sërish këtë fanellë.

Trajneri Martini ju provoi bashkë me Krasniqin në sulm. Mendoni se Teuta duhet të vazhdojë të luajë me dy sulmues të deklaruar?

Preferoj të luajmë së bashku me Krasniqin, por gjithmonë vendos trajneri. Si unë dhe Blerimi jemi lojtarë që bëjmë gjithçka për të ndihmuar skuadrën. Do të bëjmë mirë, pasi me këtë rreshtim kemi luajtur vetëm pak ndeshje.

Me sa gola do ishte i kënaqur Hebaj në sezonin e ri?

Nuk e di sa gola do shënoj, por mund të premtoj se do punoj shumë. Kam dëshirë të jap maksimumin për Teutën dhe dua ta ndihmoj këtë skuadër që të vazhdojë të fitojë trofe.

Cilët janë objektivat këtë sezon?

Dua që të fitojmë kampionatin, që i mungon Teutës prej shumë vitesh, por do të bëjmë sa më mirë edhe në Kupë. Gjithashtu në aspektin personal dua të përmirësoj sa më shumë statistikat. Shpresoj që të bëjmë gjëra të mëdha së bashku me ndihmën e tifozëve.

/portali DurresLajm/

Na bëni like në facebook!: 

Lajme nga e njëjta kategori

Milani dhe Roma ofruam një mbrëmje emocionuese në përplasjen e fundjavës në Serinë A (3-3), por spektakli i “San Siros” u njollos në njëf

Milani nuk arriti të afronte në skuadër një qëndërmbrojtës në merkaton e verës dhe do të tentojë ta bëjë këtë në merkaton e dimrit në mën

Maurizio Sarri është shumë pranë zgjidhjes së kontratës me Juventusin.

Liga Profesioniste e futbollit e mbledhur në orën 13:00 të kësaj të enjteje, ka vendosur t’i japë fund bojkotit dhe të nisë kampionatin e

Aleksandër Pato do të rikthehet në futbollin italian për të nisur një eksperiencë të re.

Futbolli është shumë më tepër se një lojë 90 minuta teksa ia del gjithnjë të përfshijë shumë njerëz të cilët apasionohen dhe më pas e bëj

Lorenco Vila krenohet me Teutën. Sulmuesi mendon se skuadra është më shumë se gati për ta nisur sezonin dhe ëndërruar titullin.

Reali i Madridit i shpëtoi turpit në minutat e fundit ditën e djeshme në Ligën e Kampioneve, teksa arriti të barazojë 2-2 Myshengladbahun

Lajm i madh për futbollin shqiptar.Bojkotit mesa duket po i vjen fundi dhe për këtë një sinjal e ka dhënë Federata Shqiptare e Futbollit